മമത എല്ലാ പരിധികളും ലംഘിക്കുന്നു- സുഷമ സ്വരാജ്​

കൊൽക്കത്ത: നരേന്ദ്ര മോദിക്ക്​ ജനാധിപത്യത്തിൻെറ മുഖത്തടി കിട്ടണമെന്ന​ പശ്ചിമ ബംഗാൾ മുഖ്യമന്ത്രി മമതാ ബാനർ ജിയുടെ പരാമർശത്തിൽ രൂക്ഷ വിമർശനവുമായി വിദേശകാര്യ മന്ത്രി സുഷമ സ്വ​രാജ്​. ഇത്തരം പരുഷമായ വാക്കുകൾ ഉപയോഗിക്കര ുത്​. അത്​ ​ഭാവിയിൽ ഇരു നേതാക്കളും ഭരണകാര്യങ്ങൾക്കായി സഹകരിക്കേണ്ടി വരു​േമ്പാൾ നല്ലതായി ഭവിക്കില്ലെന്ന്​ സു ഷമ സ്വരാജ്​ മുന്നറിയിപ്പ്​ നൽകി.

ഉർദു കവി ബഷിർ ബദ്​റിൻെറ ഇൗരടികൾ ഉദ്ധരിച്ചുകൊണ്ടാണ്​ സുഷമയുടെ ട്വീറ്റ്​. ‘മമതാജി, ഇന്ന്​ നിങ്ങൾ എല്ലാ പരിധികളും ലംഘിച്ചു. നിങ്ങൾ ഒരു സംസ്​ഥാനത്തിൻെറ മുഖ്യമന്ത്രിയാണ്​. മോദിജി രാഷ്​ട്രത്തിൻെറ പ്രധാനമന്ത്രിയും. നിങ്ങൾക്ക്​ നാളെ അദ്ദേഹത്തോട്​ സംസാരിക്കേണ്ടി വരും. അതുകൊണ്ട്​ ഞാൻ ബഷിർ ബദ്​റിൻെറ ഇൗ വരികൾ നിങ്ങളെ ഓർമിപ്പിക്കുന്നു: നിങ്ങളുടെ രോഷം തീർത്തോളൂ. എന്നാൽ ഒരപേക്ഷ, നാം വീണ്ടുമൊരിക്കൽ സുഹൃത്തുക്ക​ളാ​േകണ്ടി വരു​േമ്പാൾ ലജ്ജിക്കരുത്​. - സുഷമ ട്വീറ്റ്​ ചെയ്​തു.

തൃണമൂലും കൊള്ളസംഘവും നികുതിയും മാത്രമാണ്​ ബംഗാളിൽ മമതയുടെ ഭരണം കൊണ്ടുണ്ടായ​െതന്ന മോദിയുടെ പരാമർശത്തെ തുടർന്നാണ്​ മമത നിയന്ത്രണം വിട്ട്​ പ്രതികരിച്ചത്​. മോദിയെ രാവണനോടും ദുര്യോധനനോടും ഉപമിച്ച്​ കൊണ്ടായിരുന്നു മമതയുടെ ആക്രമണം. മോദി ബംഗാളിലേക്ക്​ വന്ന്​ ഞാൻ ഒരു കൊള്ളക്കാരിയാണെന്ന്​ പറയു​േമ്പാൾ അദ്ദേഹത്തിൻെറ മുഖത്തടിക്കാനാണ്​ തോന്നുന്നത്​. ഇവിടുത്തെ ജനാധിപത്യത്തിൻെറ മുഖത്തടിയാണ്​ അയാൾക്കാവശ്യം എന്നായിരുന്നു മമത വാക്കുകൾ.