അശ്ലീല സൈറ്റുകൾ കാണുന്നവരുടെ ശ്രദ്ധക്ക്​; വലവിരിച്ച്​ തട്ടിപ്പ്​ സംഘം പിന്നാലെയുണ്ട്​​​​​

മുംബൈ: ഇൻറർനെറ്റിൽ അശ്ലീല ദൃശ്യങ്ങൾ കാണുന്നവരെ ബ്ലാക്ക്​മെയിൽ ചെയ്​ത്​ പണം തട്ടുന്ന സംഭവങ്ങൾ വർധിക്കുന്നതാ യി മുംബൈ പൊലീസ്​. അശ്ലീല സൈറ്റുകൾ സന്ദർശിക്കുന്നവരുടെ സ്​ക്രീൻ വിവരങ്ങളും മറ്റും ശേഖരിച്ച്​, സന്ദർശക​​​െൻറ കോൺടാക്​ട്​ ലിസ്​റ്റിലും ഫ്രണ്ട്​ലിസ്​റ്റിലുമുള്ളവർക്ക്​ അയച്ചു നൽകുമെന്ന്​ ഭീഷണിപ്പെടുത്തിയാണ്​ പണം തട്ടൽ.

തട്ടിപ്പുകാർ അശ്ലീല സൈറ്റുകളിൽ മാൽവെയറുകൾ സ്​ഥാപിച്ചാണ് ഇതിന്​ വഴി ഒരുക്കുന്നത്​. ഇത്​ സ്​ഥാപിക്കുന്നതോടെ സൈറ്റ്​ സന്ദർശക​​െൻറ ബ്രൗസർ, ഒരു റിമോട്ട്​ കൺ​േട്രാൾ ആയി പ്രവർത്തിച്ച്​ ഡിസ്​പ്ലേ സ്​ക്രീനി​​െൻറ നിയന്ത്രണം ഏറ്റെടുക്കും. ഇതു വഴി സന്ദർശക​​െൻറ സുഹൃത്തുക്കളുടെ ഫോൺനമ്പറുകൾ, സമൂഹമാധ്യമ അക്കൗണ്ടിലെ കോൺടാക്​ടുകൾ, ഇ^മെയിൽ എന്നിവ തട്ടിപ്പുകാരുടെ കൈകളിലെത്തുന്നു.

ശേഷം, ‘താങ്കൾ അശ്ലീല സൈറ്റ്​ കണ്ടുകൊണ്ടിരിക്കുന്ന ദൃശ്യങ്ങൾ ഞങ്ങൾ റെക്കോഡ്​ ചെയ്​തു കഴിഞ്ഞു, ഇനി ഞങ്ങൾ പറയുന്ന തുക അയച്ചു തന്നില്ലെങ്കിൽ ഈ ദൃശ്യങ്ങൾ താങ്കളുടെ വേണ്ടപ്പെട്ടവർക്ക്​ അയച്ചു കൊടുക്കു’ മെന്നും ഭീഷണിപ്പെടുത്തുന്ന ഇ-മെയിൽ സന്ദർശകന്​ അയക്കും.

തുക ബിറ്റ്​കോയിൻ ആയി അയക്കണമെന്നാണ്​ ചില ​തട്ടിപ്പുകാർ ആവശ്യപ്പെടുന്നത്​. 2900 ഡോളറാണ്​ ഇത്തരം ഒരു സംഭവത്തിൽ തട്ടിപ്പുകാർ ആവശ്യപ്പെട്ടത്​ എന്നും മഹാരാഷ്​ട്ര സൈബർ വിഭാഗം എസ്​.പി ബാൽസിങ്​ രാജ്​പുത്​ മുന്നറിയിപ്പ്​ നൽകി.