ഡി. രാജയുടെ ഇളയ സഹോദരൻ കോവിഡ്​ ബാധിച്ച്​ മരിച്ചു

ന്യൂഡൽഹി: സി.പി.ഐ ജനറൽ സെക്രട്ടറി ഡി. രാജയുടെ ഇളയ സഹോദരൻ കരുണാകരൻ കോവിഡ്​ ബാധിച്ച്​ മരിച്ചു. ദിവസങ്ങൾക്ക്​ മുമ്പ്​ മൂത്തസഹോദരനും ഇളയ സഹോദരിയും മരിച്ചതിന്​ പിന്നാലെയാണ്​ മറ്റൊരു സഹോദരൻറെ മരണം.

രണ്ടാഴ്ച മുമ്പാണ്​ മൂത്ത സഹോദരൻ ഹൃദയാഘാ​തത്തെ തുടർന്ന്​ മരിച്ചത്​. മരണാനന്തര ചടങ്ങിൽ പ​ങ്കെടുത്തവരിൽനിന്ന്​ സഹോദരിക്കും സഹോദരനും കോവിഡ്​ സ്​ഥിരീകരിക്കുകയായിരുന്നു. കഴിഞ്ഞയാഴ്ച​ സഹോദരി കോവിഡ്​ ബാധിച്ച്​ മരിച്ചിരുന്നു.