ജേക്കബ് തോമസിൻെറ ഭാര്യയുടെ ഭൂമി കൈയേറ്റം; ഏഴിനകം ഒഴിഞ്ഞുകൊടുക്കണമെന്ന് കർണാടക
text_fieldsബംഗളൂരു: മുൻ വിജിലൻസ് ഡയറക്ടർ ജേക്കബ് തോമസിെൻറ ഭാര്യ ഡെയ്സി ജേക്കബ് കുടകിൽ ഉടമസ്ഥാവകാശമുന്നയിക്കുന്ന സ്ഥലം വനഭൂമി കൈയേറിയതാണെന്ന് കർണാടക വനംവകുപ്പ്. മടിക്കേരി താലൂക്കിലെ ഭാഗമണ്ഡലയിലെ കോപ്പടി ഗ്രാമത്തിനടുത്തുള്ള 151.03 ഏക്കർ ഭൂമി ആഗസ്റ്റ് ഏഴിനകം ഒഴിഞ്ഞുകൊടുക്കാൻ നോട്ടീസ് നൽകി. വനഭൂമി കൈയേറിയതാണെന്ന പരാതിയെ തുടർന്ന് വനംവകുപ്പ് ഡെയ്സിക്കെതിരെ നടപടി ആരംഭിച്ചിരുന്നു. ഇത് റദ്ദാക്കണമെന്ന് ആവശ്യപ്പെട്ട് നൽകിയ അപ്പീൽ തള്ളിയാണ് ഭൂമി ഒഴിഞ്ഞുകൊടുക്കാൻ കുടക് വനംവകുപ്പ് ചീഫ് കൺസർവേറ്റർ മനോജ് കുമാർ ജൂലൈ ഏഴിന് നോട്ടീസ് നൽകിയത്.
നേരത്തെ, മടിക്കേരി വനംവകുപ്പ് അസിസ്റ്റൻറ് കൺസർവേറ്റർ ഭൂമിയുടെ ഉടമസ്ഥാവകാശം തെളിയിക്കാൻ ഒരുമാസത്തെ സാവകാശം നൽകിയിരുന്നു. 2003ൽ കർണാടക ഹൈകോടതിയുടെ ഉത്തരവുപ്രകാരം വനംവകുപ്പ് നടത്തിയ സർവേയിലാണ് 151 ഏക്കർ ഭൂമി 1901 മുതൽ സംരക്ഷിത വനമാണെന്ന് കണ്ടെത്തിയത്. പരാതി വ്യാജമാണെന്ന് കുറ്റപ്പെടുത്തി ഡെയ്സി ചീഫ് കൺസർവേറ്റർക്ക് അപ്പീൽ നൽകി. തുടർന്ന് നടത്തിയ പരിശോധനകൾക്കൊടുവിലാണ് വനഭൂമി കൈയേറിയതാണെന്ന് സ്ഥിരീകരിച്ചത്. ഹനുമാൻ ടുബാക്കോ കമ്പനിയിൽനിന്നാണ് ഭൂമി വാങ്ങിയതെന്നും ഉടമസ്ഥാവകാശം തെളിയിക്കുന്ന രേഖകൾ പക്കലുണ്ടെന്നുമാണ് ഡെയ്സിയുടെ വിശദീകരണം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.