ദലിതരെ ക്രൂരമായി മർദിച്ച്​ േതാറ്റ സ്​ഥാനാർഥി, തുപ്പൽ നക്കിച്ചു; ഒരാൾ അറസ്റ്റിൽ

ഒൗറംഗാബാദ്​: തെരഞ്ഞെടുപ്പിൽ തോറ്റതിന്‍റെ പേരിൽ ദലിത്​ യുവാക്കളെ മർദ്ദിച്ച തോറ്റ സ്​ഥാനാർഥി അറസ്റ്റിൽ. ബിഹാറിലെ ഔറംഗാബാദിലാണ്​ സംഭവം. ബൽവന്ത്​ സിങ്ങാണ്​ അറസ്റ്റിലായത്​.

പഞ്ചായത്ത്​ തലവൻ തെരഞ്ഞെടുപ്പിലേക്ക്​ ബൽവന്ത്​ സിങ്​ മത്സരിച്ചിരുന്നു. എന്നാൽ തോറ്റുപോയി. താൻ തോൽക്കാൻ കാരണം ദലിത്​ വിഭാഗങ്ങളാണെന്ന ആരോപണവുമായി ഇയാൾ രംഗത്തെത്തുകയും ​രണ്ട​ുപേരെ ക്രൂരമായി മർദിക്കുകയുമായിരുന്നു.

സംഭവത്തിന്‍റെ വിഡിയോ ദൃശ്യങ്ങൾ പുറത്തുവന്നു. തനിക്ക്​ വോട്ട്​ ചെയ്യാനായി ഇരുവർക്കും പണം നൽകിയെന്നും എന്നാൽ രണ്ടുപേരും തനിക്ക്​ വോട്ട്​ ചെയ്​തില്ലെന്നും വിഡിയോയിൽ ബൽവന്ത്​ സിങ്​ പറയുന്നത്​ കേൾക്കാം. രണ്ടുപേരോ​ടും അസഭ്യം പറഞ്ഞതിനുശേഷം ശിക്ഷയായി സിറ്റ്​അപ്​ ചെയ്യിക്കുന്നതും വിഡിയോയിൽ കാണാം.

ഒരാളെ ക്രൂരമായി മർദിച്ചശേഷം നിലത്ത്​ തുപ്പിക്കുകയും അത്​ നക്കിയെടുപ്പിക്കുകയും ചെയ്​തു. ഇതിന്‍റെ ദൃശ്യങ്ങൾ പുറത്തുവന്നിരുന്നു.

വിഡി​േയാ ​ൈവറലായതോടെ ഇരുവരും മദ്യപിച്ച്​ ശല്യമുണ്ടാക്കിയതിനെ തുടർന്നാണ്​ മർദിച്ചതെന്ന വിശദീകരണവുമായി ബൽവന്ത്​ സിങ്​ രംഗത്തെത്തിയിരുന്നു. എന്നാൽ, ഇരുവർക്കും പണം നൽകിയത്​ സംബന്ധിച്ച്​ വിഡിയോയിൽ ആദ്യം പറയുന്നത്​ ചൂണ്ടിക്കാട്ടി നിരവധിപേർ രംഗത്തെത്തിയിരുന്നു.

ജില്ല പൊലീസ്​ സൂപ്രണ്ട്​ കാന്തേഷ്​ കുമാർ മിശ്രയുടെ നിർദേശത്തെ തുടർന്ന്​ പൊലീസ്​ ബൽവന്തിനെ കസ്റ്റഡിയിലെടുക്കുകയും അറസ്റ്റ്​ ചെയ്യുകയുമായിരുന്നു. സംഭവം അ​േന്വഷിച്ച്​ നടപടി സ്വീകരിക്കുമെന്ന്​​ മിശ്ര അറിയിച്ചു.