മുത്തുകൃഷ്ണക്ക്​ വിഷാദരോഗമെന്ന്​ പൊലീസ്​; നിഷേധിച്ച്​ മാതാവ്​

ന്യൂ ഡൽഹി: ജീവനൊടുക്കിയ ജെ.​എ​ൻ.​യു​  ദലിത്​ ഗ​വേ​ഷ​ക വി​ദ്യാ​ർ​ഥി മുത്തുകൃഷ്​ണനെ വ്യക്​തിപരമായ കാരണങ്ങളാൽ വിഷാദരോഗം അലട്ടിയിരുന്നതായി ഡൽഹി പൊലീസ്​ കമീഷണർ ഇഷ്​വർ സിങ്​.  

മുത്തുകൃഷ്​ണ ആത്​മഹത്യ ചെയ്​തതി​​െൻറ കാരണം വ്യക്​തമല്ല. ആത്​മഹത്യ കുറിപ്പൊന്നും ഇതുവ​രെ കണ്ടെത്തിയിട്ടില്ല. അന്വേഷണം നടന്നുകൊണ്ടിരിക്കുകയാണെന്നും കമീഷണർ മാധ്യമ പ്രവർത്തകരോട്​ പറഞ്ഞു​. 

അതേസമയം മുത്തുകൃഷ്​ണനെ വിഷാദരോഗം അലട്ടിയിരുന്നു എന്ന പൊലീസ്​ വാദം നിരാകരിച്ച്​ മാതാവ്​ അലമേലു രംഗത്തെത്തി. മകന്​ വിഷാദരോഗമില്ല. അവനെ കൊന്നതാണ്​. സംഭവത്തെ കുറിച്ച്​ സി.ബി.​െഎ അന്വേഷണം വേണമെന്നും മാതാവ്​ പറഞ്ഞു.

ത​മി​ഴ്​​നാ​ട്ടി​ലെ സേ​ലം സ്വ​ദേ​ശിയായ മു​ത്തു​കൃ​ഷ്​​ണ​ൻ കഴിഞ്ഞ ദിവസം വൈ​കിട്ടാണ്​ കാമ്പസിന്​ സമീപത്തെ സു​ഹൃ​ത്തി​​െൻറ വീ​ട്ടി​ൽ  തൂ​ങ്ങി​മ​രി​ച്ച​ത്​. രോ​ഹി​ത്​ വെ​മു​ല ആ​ത്​​മ​ഹ​ത്യ ചെ​യ്​​ത്​ ഒ​രു വ​ർ​ഷം പി​ന്നി​ടു​േ​മ്പാ​ഴാ​ണ്​ ദ​ലി​ത്​ വി​ഭാ​ഗ​ത്തി​ൽ​പെ​ട്ട മറ്റൊരു ഗ​വേ​ഷ​ക വി​ദ്യാ​ർ​ഥി​കൂ​ടി ജീ​വ​െ​നാ​ടു​ക്കിയിരിക്കുന്നത്​. 

രോ​ഹി​ത്​ വെ​മു​ല​ക്ക്​ നീ​തി ല​ഭ്യ​മാ​ക്കു​ക എ​ന്ന ല​ക്ഷ്യ​വു​മാ​യി പ്ര​ക്ഷോ​ഭ​രം​ഗ​ത്തു​ള്ള ‘സാ​മൂ​ഹി​ക​ നീ​തി​ക്കാ​യി സം​യു​ക്​​ത ക​ർ​മ​സ​മി​തി’​യു​ടെ സ​ജീ​വ പ്ര​വ​ർ​ത്ത​ക​നാ​യി​രു​ന്നു മു​ത്തു​കൃ​ഷ്​​ണ​ൻ. 

എം.​ഫി​ൽ, പി.​എ​ച്ച്​.​ഡി പ്ര​വേ​ശ​ന​ങ്ങ​ളി​ൽ സ​ർ​വ​ക​ലാ​ശാ​ല​യി​ൽ നിലനിൽക്കുന്ന ക​ടു​ത്ത വി​വേ​ച​ന​ങ്ങളെ കുറിച്ച്​ ഇൗ ​മാ​സം പ​ത്തി​ന്​ മു​ത്തു​കൃ​ഷ്​​ണ​ൻ ഫേ​സ്​​ബു​ക്കി​ൽ പോ​സ്​​റ്റ്​ ചെയ്​തിരുന്നു.