യു.​ജി.​സിയുടെ കാ​വി​ ടൂൾ കിറ്റ്

ഒരു തലമുറയെ ആകെ വളഞ്ഞുപിടിക്കാവുന്ന ഏറ്റവും മികച്ച ‘ടൂൾ’ ആണ് വിദ്യാഭ്യാസം. നിയമങ്ങളും ചട്ടങ്ങളും പാഠ്യപദ്ധതിയും ഇഷ്ടപ്രകാരം മാറ്റിയെഴുതി വിദ്യാഭ്യാസ സ്ഥാപനങ്ങളെയും വിദ്യാഭ്യാസ മേഖലയെയും അതുവഴി തങ്ങൾക്കനുകൂലമായ സമൂഹത്തെയും സൃഷ്ടിച്ച ഭരണകൂടാനുഭവങ്ങൾ ചരിത്രത്തിൽ ഏറെയാണ്. ഇതിന്റെ ഏറ്റവും ഒടുവിലെ ഉദാഹരണമാണ് സംഘ്പരിവാർ നിയന്ത്രിക്കുന്ന, ബി.ജെ.പി നേതൃത്വത്തിലുള്ള കേന്ദ്രസർക്കാറിന്റെ സംഭാവനയായി യൂനിവേഴ്സിറ്റി ഗ്രാൻറ്സ് കമീഷൻ (യു.ജി.സി) ഈയിടെ പുറപ്പെടുവിച്ച കരടു റെഗുലേഷൻ.

സർവകലാശാലകളിലെയും കോളജുകളിലെയും അധ്യാപകരുടെയും അക്കാദമിക് സ്റ്റാഫിന്റെയും നിയമനം/ സ്ഥാനക്കയറ്റത്തിനുള്ള ചുരുങ്ങിയ യോഗ്യതയും ഉന്നത വിദ്യാഭ്യാസ നിലവാരവും സംബന്ധിച്ച് പുറപ്പെടുവിച്ച റെഗുലേഷൻ 2020ലെ ദേശീയ വിദ്യാഭ്യാസ നയത്തിന്റെ തുടർച്ചയായാണ് യു.ജി.സി ചെയർമാൻ ഡോ. ജഗദീഷ് കുമാർ ഇത് വിശദീകരിക്കുന്നത്. എന്നാൽ സർവകലാശാലകളുടെ സമ്പൂർണ നിയന്ത്രണം കൈപ്പിടിയിലൊതുക്കലാണ് ലക്ഷ്യമെന്ന് എതിർപ്പുയർന്നിരിക്കുകയാണ്.

ഫെബ്രുവരി അഞ്ചുവരെ അഭിപ്രായങ്ങളും നിർദേശങ്ങളും സമർപ്പിക്കാനായി പുറത്തുവിട്ട റെഗുലേഷൻ, കാര്യമായ മാറ്റങ്ങളൊന്നുമില്ലാതെ തന്നെ നിലവിൽ വരുമെന്ന് ബി.ജെ.പി ഇതര സംസ്ഥാന സർക്കാറുകൾ ആശങ്ക ഉയർത്തിയിരിക്കുന്നു. കേരളമാകട്ടെ, ഈ എതിർശബ്ദങ്ങൾക്ക് കൂട്ടായ രൂപം നൽകി ദേശീയതലത്തിൽ പ്രതിരോധമുയർത്താൻ ശ്രമം ആരംഭിച്ചുകഴിഞ്ഞു. യു.ജി.സി റെഗുലേഷൻ ഉന്നത വിദ്യാഭ്യാസത്തെയും അതുവഴി ഒരു തലമുറയെയും ഏത് രൂപത്തിൽ മാറ്റം വരുത്തുമെന്ന പരിശോധന അനിവാര്യമാകുന്ന സന്ദർഭം കൂടിയാണിത്.

വി​ദ്യാ​ഭ്യാ​സം ആ​രു​ടെ വി​ഷ​യം?

ഭ​ര​ണ​ഘ​ട​ന നി​ല​വി​ൽ​വ​ന്ന​പ്പോ​ൾ ഉ​ന്ന​ത വി​ദ്യാ​ഭ്യാ​സം ഉ​ള്‍പ്പെ​ടെ​യു​ള്ള വി​ദ്യാ​ഭ്യാ​സം ഏ​ഴാം ഷെ​ഡ്യൂ​ളി​ലെ ലി​സ്റ്റ്-​ര​ണ്ടി​ൽ (സ്റ്റേ​റ്റ് ലി​സ്റ്റ്) ആ​യി​രു​ന്നു. അ​ടി​യ​ന്ത​രാ​വ​സ്ഥ​ക്കാ​ല​ത്ത് (1975-77) കൊ​ണ്ടു​വ​ന്ന 42ാം ഭ​ര​ണ​ഘ​ട​ന ഭേ​ദ​ഗ​തി​യി​ലൂ​ടെ വി​ദ്യാ​ഭ്യാ​സം ഭ​ര​ണ​ഘ​ട​ന​യു​ടെ ക​ണ്‍ക​റ​ന്‍റ് ലി​സ്റ്റി​ല്‍ (കേ​ന്ദ്ര​ത്തി​നും സം​സ്ഥാ​ന​ങ്ങ​ൾ​ക്കും നി​യ​മ​നി​ർ​മാ​ണ​ത്തി​ന് അ​വ​കാ​ശ​മു​ള്ള വി​ഷ​യ​ങ്ങ​ളു​ടെ പ​ട്ടി​ക) ഉ​ള്‍പ്പെ​ടു​ത്തി. 1978 ലെ 44-ാം ​ഭ​ര​ണ​ഘ​ട​ന ഭേ​ദ​ഗ​തി​യി​ലൂ​ടെ, വി​ദ്യാ​ഭ്യാ​സം സ്റ്റേ​റ്റ് ലി​സ്റ്റി​ലേ​ക്ക് തി​രി​കെ കൊ​ണ്ടു​വ​രാ​നു​ള്ള നി​ർ​ദേ​ശം രാ​ജ്യ​സ​ഭ​യി​ല്‍ പാ​സാ​കാ​ത്ത​തി​നാ​ല്‍ ന​ട​പ്പാ​യി​ല്ല.

ഇ​തോ​ടെ കേ​ന്ദ്രം നി​യ​മം കൊ​ണ്ടു​വ​രു​ന്ന വി​ദ്യാ​ഭ്യാ​സ വി​ഷ​യ​ത്തി​ൽ സം​സ്ഥാ​ന​ങ്ങ​ൾ​ക്ക് നി​യ​മ​നി​ർ​മാ​ണം സാ​ധ്യ​മാ​കാ​ത്ത സാ​ഹ​ച​ര്യ​മാ​യി. സം​സ്ഥാ​ന​വും കേ​ന്ദ്ര​വും ന​ട​ത്തു​ന്ന നി​യ​മ​നി​ർ​മാ​ണ​ങ്ങ​ളി​ൽ വൈ​രു​ധ്യ​മു​ണ്ടെ​ങ്കി​ൽ കേ​ന്ദ്ര​നി​യ​മം ആ​യി​രി​ക്കും നി​ല​നി​ൽ​ക്കു​ക​യെ​ന്ന് ഭ​ര​ണ​ഘ​ട​ന വ്യ​വ​സ്ഥ​ക​ൾ പ്ര​കാ​രം സു​പ്രീം​കോ​ട​തി​യും പ​ല​ത​വ​ണ വ്യ​ക്ത​മാ​ക്കി. ഇ​തോ​ടെ ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ൽ ആ​വ​ശ്യ​മാ​യ തു​ക​യു​ടെ 75 ശ​ത​മാ​ന​വും മു​ട​ക്കു​ന്ന സം​സ്ഥാ​ന​ങ്ങ​ൾ​ക്ക് നി​യ​മ​നി​ർ​മാ​ണ​ത്തി​നു​ള്ള അ​ധി​കാ​രം പ​രി​മി​ത​വു​മാ​യി.

ആ​ക്ടും റെ​ഗു​ലേ​ഷ​നും ഏ​റ്റു​മു​ട്ടു​മ്പോ​ൾ

പാ​ർ​ല​മെ​ന്റോ നി​യ​മ​സ​ഭ​ക​ളോ പാ​സാ​ക്കു​ന്ന നി​യ​മ​ങ്ങ​ളാ​ണ് ആ​ക്ട്. ഈ ​നി​യ​മ​ങ്ങ​ളാ​ൽ സ്ഥാ​പി​ത​മാ​കു​ന്ന സ്റ്റാ​റ്റ്യൂ​ട്ട​റി സം​വി​ധാ​ന​ങ്ങ​ൾ​ക്ക് ആ ​സ്ഥാ​പ​ന​ത്തി​ന്റെ പ​രി​ധി​യി​ൽ വ​രു​ന്ന വി​ഷ​യ​ങ്ങ​ളി​ൽ ച​ട്ട​ങ്ങ​ൾ (റൂ​ൾ​സ് ആ​ൻ​ഡ് റെ​ഗു​ലേ​ഷ​ൻ​സ്) പു​റ​പ്പെ​ടു​വി​ക്കാം. കേ​ന്ദ്ര​നി​യ​മ​ത്തി​ലൂ​ടെ വ​ന്ന യു.​ജി.​സി ഉ​ൾ​പ്പെ​ടെ​യു​ള്ള സ്റ്റാ​റ്റ്യൂ​ട്ട​റി സ്ഥാ​പ​ന​ങ്ങ​ൾ ഈ ​രൂ​പ​ത്തി​ൽ പു​റ​പ്പെ​ടു​വി​ക്കു​ന്ന ച​ട്ട​ങ്ങ​ൾ (റെ​ഗു​ലേ​ഷ​ൻ) സം​സ്ഥാ​ന നി​യ​മ​സ​ഭ​ക​ൾ പാ​സാ​ക്കി​യ നി​യ​മ​ങ്ങ​ളു​മാ​യി ഏ​റ്റു​മു​ട്ടാ​റു​ണ്ട്.

കേ​ന്ദ്ര സ്ഥാ​പ​ന​ങ്ങ​ളു​ടെ റെ​ഗു​ലേ​ഷ​നു​ക​ൾ ആ​യി​രി​ക്കും നി​ല​നി​ൽ​ക്കു​ക​യെ​ന്നാ​ണ് സു​പ്രീം​കോ​ട​തി​യു​ടെ സ​മീ​പ​കാ​ല വി​ധി​ക​ൾ. കേ​ര​ള​ത്തി​ൽ എ.​പി.​ജെ. അ​ബ്ദു​ൽ ക​ലാം സാ​​ങ്കേ​തി​ക സ​ർ​വ​ക​ലാ​ശാ​ല​യി​ൽ ഡോ. ​എം.​എ​സ്. രാ​ജ​ശ്രീ​യെ സ​ർ​വ​ക​ലാ​ശാ​ല ആ​ക്ട് പ്ര​കാ​രം വൈ​സ് ചാ​ൻ​സ​ല​റാ​യി നി​യ​മി​ച്ച​ത് സു​പ്രീം​കോ​ട​തി അ​സാ​ധു​വാ​ക്കി​യ​ത് നി​യ​മ​നം യു.​ജി.​സി റെ​ഗു​ലേ​ഷ​ന് വി​രു​ദ്ധ​മെ​ന്ന് ചൂ​ണ്ടി​ക്കാ​ട്ടി​യാ​യി​രു​ന്നു.

ചാ​ൻ​സ​ല​ർ സ​ർ​വാ​ധി​കാ​രി​

വൈ​സ് ചാ​ൻ​സ​ല​ർ നി​യ​മ​ന​ത്തി​നു​ള്ള സെ​ർ​ച് കം ​സെ​ല​ക്ഷ​ൻ ക​മ്മി​റ്റി ഘ​ട​ന​യി​ൽ മാ​റ്റം വ​രു​ത്തി​യാ​ണ് ഗ​വ​ർ​ണ​റെ സ​ർ​വാ​ധി​കാ​രി​യാ​ക്കു​ന്ന​ത്. വി.​സി നി​യ​മ​ന​ത്തി​നു​ള്ള സെ​ർ​ച് ക​മ്മി​റ്റി രൂ​പ​വ​ത്ക​ര​ണാ​ധി​കാ​രം സം​ബ​ന്ധി​ച്ച് നി​ല​വി​ലു​ള്ള റെ​ഗു​ലേ​ഷ​ൻ (2018) മൗ​നം പാ​ലി​ക്കു​ക​യാ​യി​രു​ന്നെ​ങ്കി​ൽ, ക​ര​ട് റെ​ഗു​ലേ​ഷ​നി​ൽ അ​ത് ചാ​ൻ​സ​ല​റാ​യ ഗ​വ​ർ​ണ​റി​ൽ മാ​ത്രം നി​ക്ഷി​പ്ത​മാ​ക്കി.

കേ​ര​ള​ത്തി​ൽ സെ​ർ​ച് ക​മ്മി​റ്റി പ്ര​തി​നി​ധി​ക​ളു​ടെ നോ​മി​നേ​ഷ​ൻ പൂ​ർ​ത്തി​യാ​യാ​ൽ ക​മ്മി​റ്റി രൂ​പ​വ​ത്ക​രി​ച്ചു​ള്ള വി​ജ്ഞാ​പ​നം ഉ​ന്ന​ത വി​ദ്യാ​ഭ്യാ​സ വ​കു​പ്പാ​യി​രു​ന്നു പു​റ​പ്പെ​ടു​വി​ച്ചി​രു​ന്ന​ത്. ആ​രി​ഫ് മു​ഹ​മ്മ​ദ് ഖാ​ൻ ഗ​വ​ർ​ണ​റാ​യി വ​ന്ന​തോ​ടെ സ്വ​ന്തം നി​ല​ക്ക് സെ​ർ​ച് ക​മ്മി​റ്റി രൂ​പ​വ​ത്ക​രി​ക്കാ​ൻ ന​ട​ത്തി​യ ശ്ര​മ​ങ്ങ​ളെ​ല്ലാം സ​ർ​ക്കാ​ർ ഹ​ര​ജി​യി​ൽ ഹൈ​കോ​ട​തി സ്റ്റേ ​ചെ​യ്യു​ക​യാ​യി​രു​ന്നു. ക​ര​ട് റെ​ഗു​ലേ​ഷ​ൻ പ്രാ​ബ​ല്യ​ത്തി​ൽ വ​ന്നാ​ൽ സെ​ർ​ച് ക​മ്മി​റ്റി രൂ​പ​വ​ത്ക​ര​ണം ഗ​വ​ർ​ണ​റു​ടെ മാ​ത്രം അ​ധി​കാ​ര​മാ​യി മാ​റും.

നി​യ​മ​നി​ർ​മാ​ണ​ത്തെ അ​സാ​ധു​വാ​ക്കു​ന്നു

വി.​സി നി​യ​മ​ന​ത്തി​നു​ള്ള സെ​ർ​ച് ക​മ്മി​റ്റി​യി​ൽ ആ​രെ​ല്ലാം അം​ഗ​ങ്ങ​ളാ​യി​രി​ക്ക​ണ​മെ​ന്ന് വ്യ​ക്ത​മാ​യി പ​റ​യു​ന്ന​ത് ബ​ന്ധ​പ്പെ​ട്ട സ​ർ​വ​ക​ലാ​ശാ​ല നി​യ​മ​ങ്ങ​ളി​ലാ​ണ്. 2018ലെ ​യു.​ജി.​സി റെ​ഗു​ലേ​ഷ​ൻ പ്ര​കാ​രം സെ​ർ​ച് ക​മ്മി​റ്റി​യി​ൽ യു.​ജി.​സി ചെ​യ​ർ​മാ​ന്റെ പ്ര​തി​നി​ധി ഉ​ണ്ടാ​യി​രി​ക്ക​ണ​മെ​ന്ന് മാ​ത്ര​മാ​ണ് വ്യ​വ​സ്ഥ. ഇ​ത് മാ​റ്റി സെ​ർ​ച് ക​മ്മി​റ്റി​യി​ൽ മൂ​ന്ന് അം​ഗ​ങ്ങ​ൾ മാ​ത്ര​മേ പാ​ടു​ള്ളൂ​വെ​ന്ന് ക​ര​ട് റെ​ഗു​ലേ​ഷ​ൻ പ​റ​യു​ന്നു. യു.​ജി.​സി ചെ​യ​ർ​മാ​ന്റെ പ്ര​തി​നി​ധി, ചാ​ൻ​സ​ല​റു​ടെ (കേ​ന്ദ്ര സ​ർ​വ​ക​ലാ​ശാ​ല​ക​ളി​ൽ വി​സി​റ്റ​റു​ടെ) പ്ര​തി​നി​ധി, ബ​ന്ധ​പ്പെ​ട്ട സ​ർ​വ​ക​ലാ​ശാ​ല​യു​ടെ പ്ര​തി​നി​ധി എ​ന്നി​വ​രാ​യി​രി​ക്ക​ണം അം​ഗ​ങ്ങ​ൾ എ​ന്നാ​ണ് റെ​ഗു​ലേ​ഷ​ൻ വ്യ​വ​സ്ഥ.

ഇ​തി​ൽ​നി​ന്ന് വ്യ​ത്യ​സ്ത​മാ​യ വെ​വ്വേ​റെ ഘ​ട​ന​യാ​ണ് സ​ർ​വ​ക​ലാ​ശാ​ല​ക​ളു​ടെ നി​യ​മ​ത്തി​ലു​ള്ള​ത്. റെ​ഗു​ലേ​ഷ​ൻ വ്യ​വ​സ്ഥ​ക​ൾ നി​ല​വി​ൽ​വ​രു​ന്ന​തോ​ടെ സ​ർ​വ​ക​ലാ​ശാ​ല നി​യ​മ​ത്തി​ലെ സെ​ർ​ച് ക​മ്മി​റ്റി ഘ​ട​ന അ​സാ​ധു​വാ​കും. മൂ​ന്നി​ൽ ര​ണ്ട് പ്ര​തി​നി​ധി​ക​ളും (യു.​ജി.​സി ചെ​യ​ർ​മാ​ന്റെ​യും ചാ​ൻ​സ​ല​റു​ടെ​യും) കേ​ന്ദ്ര​സ​ർ​ക്കാ​റി​ന്റെ താ​ൽ​പ​ര്യ​ത്തി​ൽ നി​യ​മി​ക്കു​ന്ന​തോ​ടെ വി.​സി നി​യ​മ​ന​ത്തി​ലും ആ ​താ​ൽ​പ​ര്യം ത​ന്നെ​യാ​യി​രി​ക്കും ക​ര​ട് റെ​ഗു​ലേ​ഷ​ൻ നി​ല​വി​ൽ വ​ന്നാ​ൽ ന​ട​പ്പാ​വു​ക.

സ​ർ​വ​ക​ലാ​ശാ​ല​ക​ളി​ൽ ഇ​ട​പെ​ടാ​ൻ മു​ൻ ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ ആ​ഞ്ഞു​ശ്ര​മി​ച്ച​പ്പോ​ൾ കേരള നി​യ​മ​സ​ഭ ര​ണ്ട് ബി​ല്ലു​ക​ൾ പാ​സാ​ക്കി​യിരുന്നു. വി.​സി നി​യ​മ​ന​ത്തി​നു​ള്ള സെ​ർ​ച് ക​മ്മി​റ്റി​യു​ടെ ഘ​ട​ന​യി​ൽ മാ​റ്റം വ​രു​ത്തു​ന്ന ബി​ല്ലും ചാ​ൻ​സ​ല​ർ സ്ഥാ​ന​ത്തു​നി​ന്ന് ഗ​വ​ർ​ണ​റെ മാ​റ്റു​ന്ന മ​റ്റൊ​രു ബി​ല്ലു​മാ​ണ് സ​ഭ പാ​സാ​ക്കി​യ​ത്. ബില്ലുകൾ ഗവർണർ ഒപ്പിടാത്ത കേസ് ഇപ്പോൾ സുപ്രീം കോടതിയിലാണ്. വി.​സി നി​യ​മ​ന​ത്തി​ന് അ​ഞ്ചം​ഗ സെ​ർ​ച് ക​മ്മി​റ്റി​ക്ക് വ്യ​വ​സ്ഥ ചെ​യ്യു​ന്ന​താ​ണ് ഒ​രു ബി​ൽ. സെ​ർ​ച് ക​മ്മി​റ്റി​ക്ക് യു.​ജി.​സി റെ​ഗു​ലേ​ഷ​ൻ​ത​ന്നെ ഘ​ട​ന നി​ശ്ച​യി​ക്കു​ന്ന​തോ​ടെ അ​ഞ്ചം​ഗ​സ​മി​തി വ്യ​വ​സ്ഥ​യോ​ടെ സം​സ്ഥാ​നം ന​ട​ത്തി​യ നി​യ​മ​നി​ർ​മാ​ണം​ അ​സാ​ധു​വാ​യി മാ​റും.

ഇ​ഷ്ട​ക്കാ​രെ വി.​സി പ​ദ​വി​യി​ലി​രു​ത്താം

നി​ല​വി​ലെ വ്യ​വ​സ്ഥ പ്ര​കാ​രം സ​ർ​വ​ക​ലാ​ശാ​ല​ത​ല​ത്തി​ൽ പ​ത്ത് വ​ർ​ഷ​ത്തി​ൽ കു​റ​യാ​ത്ത പ്ര​ഫ​സ​റാ​യോ പ്ര​സി​ദ്ധ​മാ​യ അ​ക്കാ​ദ​മി​ക/ ഗ​വേ​ഷ​ണ സ്ഥാ​പ​ന​ത്തി​ൽ പ​ത്ത് വ​ർ​ഷ​ത്തി​ൽ അ​ക്കാ​ദ​മി​ക നേ​തൃ​പ​ദ​വി വ​ഹി​ച്ച​വ​രെ​യോ ആ​യി​രി​ക്ക​ണം വി.​സി പ​ദ​വി​യി​ലേ​ക്ക് പ​രി​ഗ​ണി​ക്കേ​ണ്ട​ത്. എ​ന്നാ​ൽ, ഇ​തി​ന് പു​റ​മെ വ്യ​വ​സാ​യം, പൊ​തു​ഭ​ര​ണം, പൊ​തു​ന​യം, പൊ​തു​മേ​ഖ​ല സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ മി​ക​ച്ച ട്രാ​ക്ക് റെ​ക്കോ​ഡു​ള്ള​വ​രെ​യും പ​രി​ഗ​ണി​ക്കാ​മെ​ന്ന് ക​ര​ട് പ​റ​യു​ന്നു. ഇ​ത് ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ നി​ല​നി​ൽ​പ് ത​ന്നെ ചോ​ദ്യം ചെ​യ്യു​ന്ന​താ​ണ്. യു.​ജി.​സി റെ​ഗു​ലേ​ഷ​ൻ പ്ര​കാ​രം സ​ർ​വ​ക​ലാ​ശാ​ല​ക​ളു​ടെ അ​ധ്യാ​പ​ക നി​യ​മ​ന​ത്തി​ൽ ഉ​ൾ​പ്പെ​ടെ അ​നി​യ​ന്ത്രി​ത അ​ധി​കാ​ര​മു​ള്ള വി.​സി പ​ദ​വി​യി​ൽ കേ​ന്ദ്ര​ത്തി​ന്റെ ഇ​ഷ്ട​ക്കാ​ര​ൻ വ​രു​ന്ന​തോ​ടെ സ​ർ​വ​ക​ലാ​ശാ​ല സം​വി​ധാ​നം കാ​വി​വ​ത്ക​രി​ക്ക​പ്പെ​ടു​ന്ന കാ​ലം വി​ദൂ​ര​മാ​കി​ല്ല.

അ​ധ്യാ​പ​ക നി​യ​മ​ന​ത്തി​ൽ ഇ​ട​പെ​ടു​മ്പോ​ൾ

നി​ല​വി​ൽ സ​ർ​ക്കാ​ർ, എ​യ്ഡ​ഡ് കോ​ള​ജു​ക​ളി​ലെ അ​ധ്യാ​പ​ക/ പ്രി​ൻ​സി​പ്പ​ൽ നി​യ​മ​നത്തിൽ വൈ​സ് ചാ​ൻ​സ​ല​ർ​മാ​ർ​ക്ക് ഇ​ട​പെ​ടാ​നു​ള്ള അ​വ​സ​ര​മി​ല്ല. എ​ന്നാ​ൽ ക​ര​ട് റെ​ഗു​ലേ​ഷ​ൻ പ്ര​കാ​രം, നി​യ​മ​ന​ത്തി​നാ​യി രൂ​പ​വ​ത്ക​രി​ക്കു​ന്ന സെ​ല​ക്ഷ​ൻ ക​മ്മി​റ്റി​യി​ൽ ബ​ന്ധ​പ്പെ​ട്ട സ​ർ​വ​ക​ലാ​ശാ​ല വി.​സി ശി​പാ​ർ​ശ ചെ​യ്യു​ന്ന പാ​ന​ലി​ൽ നി​ന്നു​ള്ള മൂ​ന്ന് വി​ഷ​യ വി​ദ​ഗ്ധ​ർ ഉ​ണ്ടാ​യി​രി​ക്ക​ണ​മെ​ന്ന് വ്യ​വ​സ്ഥ​യു​ണ്ട്. ഇ​ത് സ​ർ​ക്കാ​ർ കോ​ള​ജു​ക​ളി​ലെ അ​സി​സ്റ്റ​ൻ​റ് പ്ര​ഫ​സ​ർ ത​സ്തി​ക​യി​ലേ​ക്ക് പി.​എ​സ്.​സി വ​ഴി ന​ട​ത്തു​ന്ന നി​യ​മ​ന​ങ്ങ​ളി​ൽ​വ​രെ ഇ​ട​പെ​ടാ​ൻ വൈ​സ് ചാ​ൻ​സ​ല​ർ​മാ​ർ​ക്ക് വ​ഴി​തു​റ​ന്നു​കൊ​ടു​ക്കും.

സ​ർ​വ​ക​ലാ​ശാ​ല​ക​ളി​ൽ അ​സി​സ്റ്റ​ൻ​റ് പ്ര​ഫ​സ​ർ/ അ​സോ​സി​യേ​റ്റ് പ്ര​ഫ​സ​ർ/ പ്ര​ഫ​സ​ർ ത​സ്തി​ക​ക​ളി​ലേ​ക്കും അ​സി​സ്റ്റ​ൻ​റ് ലൈ​ബ്രേ​റി​യ​ൻ, ഡെ​പ്യൂ​ട്ടി ലൈ​ബ്രേ​റി​യ​ൻ, ലൈ​ബ്രേ​റി​യ​ൻ, ഫി​സി​ക്ക​ൽ എ​ജു​ക്കേ​ഷ​ൻ അ​സി​സ്റ്റ​ൻ​റ് ഡ​യ​റ​ക്ട​ർ, ഡെ​പ്യൂ​ട്ടി ഡ​യ​റ​ക്ട​ർ, ഡ​യ​റ​ക്ട​ർ ത​സ്തി​ക​ക​ളി​ലെ നി​യ​മ​ന​ത്തി​നു​ള്ള സെ​ല​ക്ഷ​ൻ ക​മ്മി​റ്റി​യി​ൽ ഗ​വ​ർ​ണ​റു​ടെ പ്ര​തി​നി​ധി ഉ​ണ്ടാ​യി​രി​ക്ക​ണ​മെ​ന്നും ക​ര​ട് വ്യ​വ​സ്ഥ ചെ​യ്യു​ന്നു. ഇ​തു​വ​ഴി നി​യ​മ​ന​ങ്ങ​ളി​ൽ ഗ​വ​ർ​ണ​ർ​ക്ക് നേ​രി​ട്ട് ഇ​ട​പെ​ടാ​ൻ വ​ഴി​ വരുന്നു. സ​ർ​വ​ക​ലാ​ശാ​ല​ക​ളി​ൽ ഈ ​ത​സ്തി​ക​ക​ളി​ലെ നി​യ​മ​ന​ത്തി​നു​ള്ള സെ​ല​ക്ഷ​ൻ ക​മ്മി​റ്റി​ക​ളെ​ല്ലാം വി.​സി​യു​ടെ അ​ധ്യ​ക്ഷ​ത​യി​ലാ​യി​രി​ക്ക​ണം. ഫ​ല​ത്തി​ൽ വി.​സി​ക്കും ഗ​വ​ർ​ണ​ർ​ക്കും ചേ​ർ​ന്ന് സ​ർ​വ​ക​ലാ​ശാ​ല​ക​ളി​ലെ ഉ​ന്ന​ത ത​സ്തി​ക​ക​ളി​ലെ നി​യ​മ​നം ഇ​ഷ്ട​പ്ര​കാ​രം ന​ട​ത്താ​ൻ സാ​ധി​ക്കും.

പ​ണം​മു​ട​ക്കാ​ൻ സം​സ്ഥാ​ന​ങ്ങ​ൾ; വി​ള​വെ​ടു​ക്കാ​ൻ സം​ഘ്പ​രി​വാ​ർ

സം​സ്ഥാ​ന സ​ർ​വ​ക​ലാ​ശാ​ല​ക​ൾ​ക്കാ​വ​ശ്യ​മാ​യ പ​ണ​ത്തി​ന്റെ ഏ​റി​യ പ​ങ്കും വ​ഹി​ക്കു​ന്ന​ത് സം​സ്ഥാ​ന സ​ർ​ക്കാ​റു​ക​ളാ​ണ്. എ​ന്നാ​ൽ, അ​വ​യു​ടെ പ്ര​വ​ർ​ത്ത​ന​ത്തി​ൽ​നി​ന്ന് സം​സ്ഥാ​ന സ​ർ​ക്കാ​റി​നെ പൂ​ർ​ണ​മാ​യും മാ​റ്റി​നി​ർ​ത്തി സ​ർ​വ​ക​ലാ​ശാ​ല​ക​ളു​ടെ സ്വ​യം​ഭ​ര​ണാ​വ​കാ​ശ​ത്തി​ന്റെ​യും രാ​ജ്ഭ​വ​ന്റെ​യും മ​റ​പ​റ്റി വി​ള​വെ​ടു​ക്കാ​നു​ള്ള പു​തി​യ ത​ന്ത്ര​മാ​ണ് യു.​ജി.​സി​യെ ക​രു​വാ​ക്കി കേ​ന്ദ്രം ന​ട​പ്പാ​ക്കു​ന്ന​ത്. കോ​ള​ജു​ക​ളി​ൽ യു.​ജി.​സി​യു​ടെ ഏ​ഴാം ശ​മ്പ​ള പ​രി​ഷ്‍ക​ര​ണം ന​ട​പ്പാ​ക്കു​മ്പോ​ൾ വ​രു​ന്ന അ​ധി​ക സാ​മ്പ​ത്തി​ക ബാ​ധ്യ​ത​യു​ടെ 50 ശ​ത​മാ​ന​മാ​യി അ​നു​വ​ദി​ക്കേ​ണ്ട 750 കോ​ടി രൂ​പ കേ​ന്ദ്രം കേ​ര​ള​ത്തി​ന് നി​ഷേ​ധി​ച്ച​ത് ഏ​റെ ച​ർ​ച്ച​യാ​യി​രു​ന്നു.

കേ​ന്ദ്രാ​വി​ഷ്കൃ​ത പ​ദ്ധ​തി​ക​ളി​ലെ കേ​ന്ദ്ര​വി​ഹി​തം ക്ര​മേ​ണ വെ​ട്ടി​ക്കു​റ​ച്ച് സം​സ്ഥാ​ന​ങ്ങ​ളു​ടെ മേ​ൽ അ​ധി​ക സാ​മ്പ​ത്തി​ക ബാ​ധ്യ​ത കെ​ട്ടി​വെ​ക്കു​ന്ന പ്ര​വ​ണ​ത തു​ട​ങ്ങി​യി​ട്ടും കാ​ല​മേ​റെ​യാ​യി. ന്യൂ​ന​പ​ക്ഷ, പി​ന്നാ​ക്ക വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള​വ​രു​ടെ ഫെ​ലോ​ഷി​പ്പു​ക​ളും സ്കോ​ള​ർ​ഷി​പ്പു​ക​ളും സ്ഥാ​പ​ന​ങ്ങ​ൾ​ക്കു​ള്ള ഗ്രാ​ൻ​റു​ക​ളും വെ​ട്ടി​ക്കു​റ​ച്ചും നി​ർ​ത്ത​ലാ​ക്കി​യും ഫ​ണ്ടി​ങി​ൽ​നി​ന്ന് യു.​ജി.​സി ഉ​ൾ​പ്പെ​ടെ​യു​ള്ള കേ​ന്ദ്ര​സ്ഥാ​പ​ന​ങ്ങ​ൾ പി​ൻ​വ​ലി​യു​ക​യാ​ണ്. ഇ​ത് രാ​ജ്യ​ത്ത് ഗ​വേ​ഷ​ക​രു​ടെ എ​ണ്ണ​ത്തി​ൽ​ത​ന്നെ കു​റ​വു​വ​രു​ത്താ​ൻ വ​ഴി​വെ​ച്ചി​രു​ന്നു. 2023-24ൽ ​സം​സ്ഥാ​ന​ത്ത് ഉ​ന്ന​ത വി​ദ്യാ​ഭ്യാ​സ വ​കു​പ്പി​ന്റെ പ​രി​ധി​യി​ൽ വ​രു​ന്ന പ​ത്ത് സ​ർ​വ​ക​ലാ​ശാ​ല​ക​ൾ​ക്കാ​യി സം​സ്ഥാ​ന സ​ർ​ക്കാ​ർ ചെ​ല​വ​ഴി​ച്ച​ത് 1822.35 കോ​ടി രൂ​പ​യാ​ണ്. സം​സ്ഥാ​ന​ങ്ങ​ൾ​ക്കു​മേ​ൽ സാ​മ്പ​ത്തി​ക ബാ​ധ്യ​ത​കൂ​ട്ടി ന​ൽ​കി യു.​ജി.​സി റെ​ഗു​ലേ​ഷ​നി​ലൂ​ടെ​യും രാ​ജ്ഭ​വ​ന്റെ മ​റ​പ​റ്റി​യും സ​ർ​വ​ക​ലാ​ശാ​ല​ക​ളി​ലെ അ​ധി​കാ​രം കൈ​പ്പി​ടി​യി​ലാ​ക്കാ​നു​ള്ള ത​ന്ത്ര​മാ​ണ് കേ​ന്ദ്ര​സ​ർ​ക്കാ​റും സം​ഘ്പ​രി​വാ​റും ന​ട​ത്തു​ന്ന​തെ​ന്ന് വ്യ​ക്തം.

യു.​ജി.​സി എ​ന്നാ​ൽ?

1956ൽ ​പാ​ർ​ല​മെൻറ് പാ​സാ​ക്കി​യ ആ​ക്ടി​ലൂ​ടെ കേ​ന്ദ്ര​വി​ദ്യാ​ഭ്യാ​സ മ​ന്ത്രാ​ല​യ​ത്തി​ന് കീ​ഴി​ൽ സ്റ്റാ​റ്റ്യൂ​ട്ട​റി അ​ധി​കാ​ര​ത്തോ​ടെ നി​ല​വി​ൽ​വ​ന്ന സ്ഥാ​പ​ന​മാ​ണ് യൂ​നി​വേ​ഴ്സി​റ്റി ഗ്രാ​ൻ​റ്സ് ക​മീ​ഷ​ൻ (യു.​ജി.​സി). ഡോ. ​എ​സ്. രാ​ധാ​കൃ​ഷ്ണ​ൻ അ​ധ്യ​ക്ഷ​നാ​യ യൂ​നി​വേ​ഴ്സി​റ്റി എ​ജു​ക്കേ​ഷ​ൻ ക​മീ​ഷ​ൻ റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ലാ​യി​രു​ന്നു ഈ ആ​ശ​യം. അ​ന്ന​ത്തെ വി​ദ്യാ​ഭ്യാ​സ​മ​ന്ത്രി മൗ​ലാ​ന അ​ബു​ൽ ക​ലാം ആ​സാ​ദ് 1953 ഡി​സം​ബ​ർ 28ന് ​യു.​ജി.​സി സം​വി​ധാ​നം ഉ​ദ്ഘാ​ട​നം ചെ​യ്തു. രാ​ജ്യ​ത്തെ ഉ​ന്ന​ത വി​ദ്യാ​ഭ്യാ​സ​ത്തി​ന്റെ ഏ​കോ​പ​നം, നി​ർ​ണ​യാ​ധി​കാ​രം, നി​ല​വാ​രം എ​ന്നി​വ​യു​ടെ ചു​മ​ത​ല​യോ​ടെ സ്ഥാ​പി​ത​മാ​യ യു.​ജി.​സി ഇ​ന്ന് രാ​ജ്യ​ത്തെ സ​ർ​വ​ക​ലാ​ശാ​ല​ക​ളു​ടെ​യെ​ല്ലാം ‘അ​പ്പ​ക്സ്’ സം​വി​ധാ​ന​മാ​ണ്. പ​രി​ധി​യി​ൽ വ​രു​ന്ന വി​ഷ​യ​ങ്ങ​ളി​ൽ ആ​വ​ശ്യ​മാ​യ റെ​ഗു​ലേ​ഷ​നു​ക​ൾ (ച​ട്ട​ങ്ങ​ൾ) പു​റ​പ്പെ​ടു​വി​ക്കാ​നു​ള്ള അ​ധി​കാ​രം, 1956ലെ ​യു.​ജി.​സി ആ​ക്ടി​ലൂ​ടെ യു.​ജി.​സി​ക്കു​ണ്ട്. ഈ ​അ​ധി​കാ​രം ഉ​പ​യോ​ഗി​ച്ചുള്ള ക​ര​ട് റെ​ഗു​ലേ​ഷ​നാ​ണ് ഇ​പ്പോ​ൾ സം​സ്ഥാ​ന​ങ്ങ​ളു​ടെ അ​വ​കാ​ശ​ങ്ങ​ൾ ക​വ​രു​ന്ന രീ​തി​യി​ലേ​ക്ക് മാ​റി​യ​ത്.

അ​ധ്യാ​പ​ന മേ​ഖ​ല​യി​ൽ ഉ​യ​ർ​ത്തു​ന്ന ഭീ​ഷ​ണി​ക​ൾ

കോ​ള​ജു​ക​ളി​ലും സ​ർ​വ​ക​ലാ​ശാ​ല​ക​ളി​ലും വി​വി​ധ ത​സ്തി​ക​ക​ളി​ലേ​ക്കു​ള്ള ചു​രു​ങ്ങി​യ നി​യ​മ​ന​യോ​ഗ്യ​ത നി​ശ്ച​യി​ക്കു​ന്ന​ത് യു.​ജി.​സി​യാ​ണ്. അ​ക്കാ​ദ​മി​ക മി​ക​വി​നും മെ​റി​റ്റി​നും ഉ​യ​ർ​ന്ന പ്രാ​മു​ഖ്യം ന​ൽ​കു​ന്ന രീ​തി​യി​ലാ​ണ് ഇ​ത്ത​രം റെ​ഗു​ലേ​ഷ​നു​ക​ൾ രൂ​പ​പ്പെ​ടു​ത്തി​യി​രു​ന്ന​ത്. അ​തു​വ​ഴി മി​ക​വു​ള്ള​വ​രെ ഒ​രു പ​രി​ധി​വ​രെ​യെ​ങ്കി​ലും സ​ർ​വ​ക​ലാ​ശാ​ല​ക​ളി​ലും കോ​ള​ജു​ക​ളി​ലും അ​ധ്യാ​പ​ക ത​സ്തി​ക​ക​ളി​ൽ ഉ​റ​പ്പാ​ക്കാ​ൻ സാ​ധി​ച്ചി​രു​ന്നു. ഇ​തി​ൽ​നി​ന്നു​ള്ള വ്യ​തി​യാ​ന​മാ​ണ് 2018 മു​ത​ലു​ള്ള യു.​ജി.​സി റെ​ഗു​ലേ​ഷ​നി​ൽ ക​ണ്ടു​തു​ട​ങ്ങി​യ​ത്. അ​തി​നെ​യും മ​റി​ക​ട​ക്കു​ന്ന രീ​തി​യി​ൽ മി​ക​വി​ന്റെ മാ​ന​ദ​ണ്ഡ​ങ്ങ​ളി​ൽ വെ​ള്ളം ചേ​ർ​ക്കു​ന്ന രീ​തി​യി​ലാ​ണ് 2025ലെ ​ക​ര​ട് റെ​ഗു​ലേ​ഷ​ൻ പു​റ​ത്തു​വ​ന്നി​രി​ക്കു​ന്ന​ത്.

യു.​ജി.​സി ക​ര​ട് റെ​ഗു​ലേ​ഷ​ൻ ഉ​യ​ർ​ത്തു​ന്ന ഭീ​ഷ​ണി​ക​ൾ

സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ നി​യ​മ​ന​ത്തി​ലും അ​ധ്യാ​പ​ക നി​യ​മ​ന യോ​ഗ്യ​ത​യി​ലും നി​ല​വി​ലു​ള്ള ച​ട്ട​ങ്ങ​ളി​ൽ ഗൂ​ഢോ​ദ്ദേ​ശ്യ​ത്തോ​ടെ​യു​ള്ള മാ​റ്റ​ങ്ങ​ളാ​ണ് ക​ര​ട് ച​ട്ട​ത്തി​ൽ നി​ർ​ദേ​ശി​ക്കു​ന്ന​ത്. വി.​സി നി​യ​മ​നം നി​യ​ന്ത്ര​ണ​ത്തി​ലാ​ക്കി​യാ​ൽ സ​ർ​വ​ക​ലാ​ശാ​ല സം​വി​ധാ​നം ഒ​ന്ന​ട​ങ്കം കൈ​പ്പി​ടി​യി​ലൊ​തു​ക്കാ​മെ​ന്ന ത​ന്ത്ര​മാ​ണി​തി​ന് പി​ന്നി​ൽ. ഒ​ട്ടു​മി​ക്ക സം​സ്ഥാ​ന സ​ർ​വ​ക​ലാ​ശാ​ല​ക​ളി​ലും (സ്റ്റേ​റ്റ് യൂ​നി​വേ​ഴ്സി​റ്റി) അ​ന്തി​മ അ​ധി​കാ​ര കേ​ന്ദ്ര​മാ​യ ചാ​ൻ​സ​ല​ർ പ​ദ​വി ഗ​വ​ർ​ണ​റി​ലാ​ണ് നി​ക്ഷി​പ്ത​മാ​ക്കി​യി​രി​ക്കു​ന്ന​ത്.

സ​ർ​വ​ക​ലാ​ശാ​ല​ക​ൾ സ​ർ​ക്കാ​ർ വ​കു​പ്പു​ക​ളാ​കാ​തെ സ്വ​യം​ഭ​ര​ണ സ്ഥാ​പ​ന​ങ്ങ​ളാ​യി നി​ല​നി​ൽ​ക്ക​ണ​മെ​ന്ന വി​ശാ​ല കാ​ഴ്ച​പ്പാ​ടി​ലാ​ണ്, ഓ​രോ സ​ർ​വ​ക​ലാ​ശാ​ല​ക​ളും രൂ​പ​വ​ത്ക​രി​ച്ച് നി​യ​മ​സ​ഭ​ക​ൾ പാ​സാ​ക്കു​ന്ന ബി​ല്ലി​ൽ ബ​ന്ധ​പ്പെ​ട്ട ഗ​വ​ർ​ണ​ർ​മാ​രെ ചാ​ൻ​സ​ല​ർ പ​ദ​വി​യി​ൽ ഇ​രു​ത്തു​ന്ന​ത്. സ​ർ​വ​ക​ലാ​ശാ​ല​ക​ളു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ നി​യ​ന്ത്രി​ക്കു​ന്ന ഓ​ഫി​സ​റാ​യി വൈ​സ് ചാ​ൻ​സ​ല​ർ പ്ര​വ​ർ​ത്തി​ക്കു​മ്പോ​ൾ, ചാ​ൻ​സ​ല​ർ പ​ദ​വി ‘ആ​ല​ങ്കാ​രി​കം’ മാ​ത്ര​മാ​യി​രു​ന്നു. എ​ന്നാ​ൽ, ചാ​ൻ​സ​ല​റെ സ​ർ​വ​ക​ലാ​ശാ​ല​ക​ളു​ടെ​യാ​കെ സ​ർ​വാ​ധി​കാ​രി​യാ​ക്കു​ന്ന രീ​തി​യി​ൽ മു​ഴു​വ​ൻ സം​സ്ഥാ​ന​ങ്ങ​ളി​ലെ​യും ഉ​ന്ന​ത​വി​ദ്യാ​ഭ്യാ​സ മേ​ഖ​ല​യെ കേ​ന്ദ്ര​സ​ർ​ക്കാ​ർ താ​ൽ​പ​ര്യ​ത്തി​ൽ നി​യ​മി​ക്കു​ന്ന ഗ​വ​ർ​ണ​ർ​മാ​ർ​ക്ക് കീ​ഴി​ലാ​ക്കാ​നു​ള്ള പ​ദ്ധ​തി​യാ​ണ് യു.​ജി.​സി​യു​ടെ 2025ലെ ​ക​ര​ട് റെ​ഗു​ലേ​ഷ​ൻ. ഉ​യ​ർ​ന്ന അ​ക്കാ​ദ​മി​ക യോ​ഗ്യ​ത​യി​ല്ലാ​ത്ത ഇ​ഷ്ട​ക്കാ​രാ​യ ആ​രെ​യും വൈ​സ് ചാ​ൻ​സ​ല​ർ പ​ദ​വി​യി​ൽ ഇ​രു​ത്താ​ൻ കേ​ന്ദ്ര​സ​ർ​ക്കാ​റി​ന് വ​ഴി​തു​റ​ന്നി​ടു​ന്ന​ത് കൂ​ടി​യാ​ണ് റെ​ഗു​ലേ​ഷ​ൻ.

അ​റി​വി​ല്ലാ​ത്ത വി​ഷ​യ​ത്തി​ലും അ​ധ്യാ​പ​ക​നാ​കാം

നി​ല​വി​ലു​ള്ള റെ​ഗു​ലേ​ഷ​ൻ പ്ര​കാ​രം കോ​ള​ജ് അ​ധ്യാ​പ​ക നി​യ​മ​ന​ത്തി​ന് ബ​ന്ധ​പ്പെ​ട്ട വി​ഷ​യ​ത്തി​ൽ 55 ശ​ത​മാ​നം മാ​ർ​ക്കി​ൽ കു​റ​യാ​തെ പി.​ജി​യും ബ​ന്ധ​പ്പെ​ട്ട വി​ഷ​യ​മേ​ഖ​ല​യി​ൽ യു.​ജി.​സി/ സി.​എ​സ്.​ഐ.​ആ​ർ ന​ട​ത്തു​ന്ന നാ​ഷ​ന​ൽ എ​ലി​ജി​ബി​ലി​റ്റി ടെ​സ്റ്റ് (നെ​റ്റ്)/ ജൂ​നി​യ​ർ റി​സ​ർ​ച്ച് ഫെ​ലോ​ഷി​പ്പും (ജെ.​ആ​ർ.​എ​ഫ്) നേ​ടി​യി​രി​ക്ക​ണം. നെ​റ്റ് പ​രീ​ക്ഷ ന​ട​ക്കാ​ത്ത വി​ഷ​യ​ങ്ങ​ളി​ൽ ഇ​തി​ന് ഇ​ള​വു​ണ്ട്. ബ​ന്ധ​പ്പെ​ട്ട വി​ഷ​യ​മേ​ഖ​ല​യി​ലെ പി​എ​ച്ച്.​ഡി ബി​രു​ദം നെ​റ്റി​ന് പ​ക​ര​മാ​യും പ​രി​ഗ​ണി​ക്കും. എ​ന്നാ​ൽ, ക​ര​ട് റെ​ഗു​ലേ​ഷ​ൻ പ്ര​കാ​രം ബി​രു​ദ, ബി​രു​ദാ​ന​ന്ത​ര ത​ല​ത്തി​ൽ പ​ഠി​ച്ച വി​ഷ​യ​ത്തി​ൽ​നി​ന്ന് വ്യ​ത്യ​സ്ത​മാ​യ വി​ഷ​യ​ത്തി​ൽ നെ​റ്റ് യോ​ഗ്യ​ത നേ​ടി​യ​വ​ർ​ക്ക്, നെ​റ്റു​ള്ള വി​ഷ​യ​ത്തി​ൽ അ​സി​സ്റ്റ​ൻ​റ് പ്ര​ഫ​സ​റാ​യി നി​യ​മ​ന​ത്തി​ന് അ​ർ​ഹ​ത​യു​ണ്ടാ​യി​രി​ക്കും.

അ​താ​യ​ത്, വി​ഷ​യ​ത്തി​ൽ ആ​ഴ​ത്തി​ലു​ള്ള അ​റി​വി​ല്ലാ​ത്ത​വ​ർ​ക്കു​പോ​ലും നെ​റ്റ് യോ​ഗ്യ​ത​യു​ടെ ബ​ല​ത്തി​ൽ കോ​ള​ജ് അ​ധ്യാ​പ​ക​നാ​കാ​ൻ സാ​ധി​ക്കു​മെ​ന്ന് ചു​രു​ക്കം.

ബി​രു​ദ, പി.​ജി വി​ഷ​യ​ത്തി​ൽ​നി​ന്ന് വ്യ​ത്യ​സ്ത വി​ഷ​യ​ത്തി​ലാ​ണ് പി​എ​ച്ച്.​ഡി പൂ​ർ​ത്തി​യാ​ക്കി​യ​തെ​ങ്കി​ൽ പി​എ​ച്ച്.​ഡി പൂ​ർ​ത്തി​യാ​ക്കി​യ വി​ഷ​യ​ത്തി​ൽ അ​സി​സ്റ്റ​ൻ​റ്/​അ​സോ​സി​യ​റ്റ് പ്ര​ഫ​സ​ർ/ പ്ര​ഫ​സ​ർ ത​സ്തി​ക​ക​ളി​ൽ നി​യ​മ​ന​ത്തി​ന് യോ​ഗ്യ​ത​യു​ണ്ടാ​യി​രി​ക്കു​മെ​ന്നും ക​ര​ട് റെ​ഗു​ലേ​ഷ​ൻ വ്യ​വ​സ്ഥ ചെ​യ്യു​ന്നു. നാ​ഷ​ന​ൽ ടെ​സ്റ്റി​ങ് ഏ​ജ​ൻ​സി (എ​ൻ.​ടി.​എ) നെ​റ്റ്/ പി​എ​ച്ച്.​ഡി പ്ര​വേ​ശ​ന പ​രീ​ക്ഷ​ക​ൾ ന​ട​ത്തു​ന്ന​ത് മു​മ്പു​ണ്ടാ​യി​രു​ന്ന വി​വ​ര​ണാ​ത്മ​ക രീ​തി ഒ​ഴി​വാ​ക്കി ഒ​ബ്ജ​ക്ടീ​വ് മാ​തൃ​ക​യി​ലു​മാ​ണ്. വി​ഷ​യ​ത്തി​ൽ ആ​ഴ​ത്തി​ലു​ള്ള അ​റി​വി​ല്ലാ​ത്ത​വ​ർ ക്ലാ​സ് റൂ​മു​ക​ളി​ലെ​ത്തു​ന്ന​തോ​ടെ ജ​ഞാ​നോ​ൽ​പാ​ദ​നം എ​ന്ന പ​ര​മ​പ്ര​ധാ​ന​മാ​യ വി​ദ്യാ​ഭ്യാ​സ​ത്തി​ന്റെ ല​ക്ഷ്യം​ത​ന്നെ കൂ​മ്പ​ട​യും.

ഭീ​ഷ​ണി മു​ഴ​ക്കു​ന്ന റെ​ഗു​ലേ​ഷ​ൻ

മു​ൻ​കാ​ല റെ​ഗു​ലേ​ഷ​നു​ക​ളി​ൽ​നി​ന്ന് വ്യ​ത്യ​സ്ത​മാ​യി ക​ര​ട് റെ​ഗു​ലേ​ഷ​നി​ൽ സ​ർ​വ​ക​ലാ​ശാ​ല​ക​ളെ​യും അ​തു​വ​ഴി സം​സ്ഥാ​ന​ങ്ങ​ളെ​യും ഭീ​ഷ​ണി​പ്പെ​ടു​ത്താ​നും ഒ​രു​പേ​ജ് മാ​റ്റി​വെ​ച്ചി​ട്ടു​ണ്ട്. റെ​ഗു​ലേ​ഷ​ൻ ലം​ഘി​ച്ചാ​ൽ സ​ർ​വ​ക​ലാ​ശാ​ല​ക​ളു​ടെ ബി​രു​ദം ന​ൽ​കാ​നു​ള്ള അ​ധി​കാ​രം ത​ട​യും, യു.​ജി.​സി പ​ദ്ധ​തി​ക​ളി​ൽ​നി​ന്ന് വി​ല​ക്കും, വി​ദൂ​ര, ഓ​ൺ​ലൈ​ൻ കോ​ഴ്സു​ക​ൾ ന​ട​ത്തു​ന്ന​ത് ത​ട​യും, യു.​ജി.​സി ആ​ക്ട് പ്ര​കാ​ര​മു​ള്ള 2(f), 12(B) സ്ഥാ​പ​ന​ങ്ങ​ളു​ടെ പ​ട്ടി​ക​യി​ൽ​നി​ന്ന് ഒ​ഴി​വാ​ക്കും എ​ന്നി​വ​യാ​ണ് ക​ര​ട് റെ​ഗു​ലേ​ഷ​നി​ലെ ഭീ​ഷ​ണി​ക​ൾ.