ഡാർജിലിങിൽ ഒരു മാസത്തെ ബന്ദിന് വിഘടനവാദികളുടെ ​ ആഹ്വാനം

ഡാർജിലിങ്​: ഡാർജലിങ്​ താഴ്​വര വീണ്ടും സംഘർഷങ്ങളിലേക്ക്​ നീങ്ങുകയാണെന്ന സൂചന നൽകി ഗൂർഖലാൻറ്​ ജനമുക്​തി മോർച്ച മേഖലയിൽ ഒരു മാസം നീളുന്ന ബന്ദിന്​ ആഹ്വാനം ചെയ്​തു. തിങ്കളാഴ്​ചയാണ്​ ബന്ദ്​ ആരംഭിക്കുന്നത്​. സർക്കാർ ഒാഫീസുകൾ, ബാങ്കുകൾ ത​ുടങ്ങിയ തിങ്കളാഴ്​ച മുതൽ പ്രവർത്തി​ക്കില്ലെന്നാണ്​ സൂചന. പ്രത്യേക ഗുർഖലാൻറ്​ സംസ്ഥാനത്തിനായി ഡാർജലിങിൽ പ്രക്ഷോഭം നടത്തുന്ന സംഘടനായണ്​ ഗൂർഖലാൻറ്​ ജനമുക്​തി മോർച്ച.

സംസ്ഥാനത്ത്​ ബംഗാളി ഭാഷ നിർബന്ധിക്കാനുള്ള സർക്കാർ തീരുമാനത്തിന് എതിരെയാണ്​​ ഡാർജലിങ്​ മേഖലയിൽ പ്രക്ഷോഭം ശക്​തമായത്​. ബംഗാളി നിർബന്ധിമാക്കിലെന്ന്​ ബംഗാൾ മുഖ്യമന്ത്രി മമത ബാനർജി അറിയിച്ചിരുന്നുവെങ്കിലും പ്രക്ഷോഭകർ ഇത്​ മുഖവിലക്കെടുക്കാൻ തയാറായിരുന്നില്ല. 

വ്യാഴാഴ്​ച സംഘടന നടത്തിയ പ്രക്ഷോഭം അക്രമാസക്​തമായിരുന്നു. പ്രക്ഷോഭകർ ​പൊലീസിനെതിരെ കല്ലെറിയുകയും ബോംബെറിയുകയും ചെയ്​തു. ഡസൺകണക്കിന്​ പൊലീസ്​ വാനുകളും പ്രക്ഷോഭകർ തകർത്തു. എന്നാൽ ഇതിനിടയിലും മുഖ്യമന്ത്രി മമത ബാനർജി ത​​​െൻറ ക്യാബിനറ്റ്​ മീറ്റിങ്​ ഡാർജലിങ്ങിൽ നടത്തി. 44 വർഷങ്ങൾക്ക്​ ശേഷമാണ്​ രാജ്​ഭവനിൽ ബംഗാൾ മന്ത്രിസഭായോഗം നടക്കുന്നത്​.