റിപ്പബ്ലിക്​ ദിനത്തിലെ അക്രമം; ദീപ്​ സിദ്ധുവിനെ ചെ​ങ്കോട്ടയിലെത്തിച്ചു

ന്യൂഡൽഹി: റിപ്പബ്ലിക്​ ദിനത്തിലെ അക്രമ സംഭവങ്ങളുമായി ബന്ധപ്പെട്ട്​ അറസ്​റ്റിലായ നടൻ ദീപ്​ സിദ്ധുവിനെ ചെ​ങ്കോട്ടയിലെത്തിച്ചു. അന്വേഷണത്തി​െൻറ ഭാഗാമയാണ്​ ചെ​ങ്കോട്ടയിലെത്തിച്ചത്​. ചെ​ങ്കോട്ടയിലെത്തിക്കുന്നതിന്​ മുമ്പ്​ ക്രൈംബ്രാഞ്ച്​, ദീപ്​ സിദ്ധുവിനെ അദ്ദേഹം റിപ്പബ്ലിക്​ ദിനത്തിൽ ചെ​ങ്കോട്ടയി​ലേക്ക്​ നീങ്ങിയ വഴികളിലും എത്തിച്ചു.

ഇക്​ബാൽസിങ്ങും ദീപ്​ സിദ്ധുവുമാണ്​ റിപ്പബ്ലിക്​ ദിനത്തിൽ കർഷകരുടെ ട്രാക്​ടർ റാലി നടക്കവെ പ്രക്ഷോഭകരെ ചെ​​ങ്കോട്ടയിലേക്ക്​ നയിച്ചതെന്ന്​ ഡൽഹി പൊലീസ്​ പറഞ്ഞു. ഇതേത്തുടർന്ന്​ വലിയ തോതിൽ അക്രമ സംഭവങ്ങൾ ഡൽഹിയിൽ അരങ്ങേറിയിരുന്നു.

സംഭവവുമായി ബന്ധപ്പെട്ട്​ ഫെബ്രുവരി ഒമ്പതിനാണ്​ ദീപ്​ സിദ്ധു ഹരിയാനയിലെ കർനാൽ ബൈപ്പാസിൽ വെച്ച്​ അറസ്​റ്റിലാവുന്നത്​. തുടർന്ന്​ കോടതി ഇയാളെ ഏഴ്​ ദിവസത്തെ പൊലീസ്​ കസ്​റ്റഡിയിൽ അയച്ചു.

നേരത്തേ റിപ്പബ്ലക്​ ദിനത്തിലെ അക്രമ സംഭവങ്ങളുമായി ബന്ധപ്പെട്ട്​ ദീപ്​ സിദ്ധുവി​െൻറയും മറ്റ്​ മൂന്ന്​ പേരുടേയു​ം അറസ്​റ്റിലേക്ക്​ നയിക്കുന്ന എന്തെങ്കിലും വിവരം നൽകുന്നവർക്ക്​ ഡൽഹി പൊലീസ്​ ഒരു ലക്ഷം രൂപ ഇനാം പ്രഖ്യാപിച്ചിരുന്നു.