വാക്​സിനെടുക്കാൻ പോയ സമയത്ത്​ വീട്ടിൽ കവർച്ച; ഒ​ാ​ട്ടോ ഡ്രൈവറുടെ 25ലക്ഷവും സ്വർണവും കവർന്നു

ന്യൂഡൽഹി: ഡൽഹിയിൽ ഓ​ട്ടോ ഡ്രൈവറുടെ വീട്ടിൽനിന്ന്​ അജ്ഞാതസംഘം 25 ലക്ഷവും സ്വർണവും കവർന്നു. വടക്കുകിഴക്കൻ ഡൽഹിയിലെ ശിവവിഹാർ പ്രദേശത്ത്​ ബുധനാഴ്ച വൈകി​ട്ടോടെയാണ്​ സംഭവം.

40കാരനായ അരവിന്ദ്​ കുമാർ പട്​വയും ഭാര്യയും വാക്​സിൻ സ്വീകരിക്കാൻ പോയ സമയത്തായിരുന്നു കവർച്ച. അരവിന്ദിന്‍റെ മൂന്നുമക്കളെയും ലക്ഷ്​മി വിഹാറിലെ ഭാര്യയുടെ വീട്ടിൽ ഏൽപ്പിച്ചശേഷമായിരുന്നു വാക്​സിനെടുക്കാൻ പോയത്​.

വാക്​സിൻ സ്വീകരിച്ച്​ ഉച്ചകഴിഞ്ഞ്​ മൂന്നു​മണിയോടെ വീട്ടിലെത്തിയപ്പോൾ വീടിന്‍റെ വാതിലുകൾ കുത്തിത്തുറന്ന നിലയിലായിരുന്നു. കൂടാതെ​ വീട്ടിലെ ലൈറ്റുകളും ഫാനുമെല്ലാം ഓണാക്കിയിട്ടിരിക്കുകയായിരുന്നുവെന്നും അരവിന്ദ്​ പറഞ്ഞു.

അലമാരയിൽ സൂക്ഷിച്ചിരുന്ന ആഭരണങ്ങളും പണവും കവർന്നതായി അരവിന്ദ്​ പൊലീസിനോട്​ പറഞ്ഞു. സംഭവത്തിൽ പൊലീസ്​ കേസെടുത്ത്​ അന്വേഷണം ആരംഭിച്ചു.