ലാലുവിനെ വിളിപ്പിച്ച് ഡൽഹി സി.ബി.ഐ കോടതി

ന്യൂഡൽഹി: ബിഹാർ മുൻ മുഖ്യമന്ത്രിയും ആർ.ജെ.ഡി നേതാവുമായ ലാലു പ്രസാദ് യാദവിനും ഭാര്യ റബ്റി ദേവിക്കുമെതിരെ ഡൽഹി സി.ബി.ഐ കോടതിയുടെ സമൻസ്. മാ‍ർച്ച് 15ന് കോടതിയിൽ ഇരുവരും നേരിട്ട് ഹാജരാകണം. ജോലിക്കായി ഭൂമി കോഴയായി കൈപ്പറ്റിയെന്ന കേസിൽ സി.ബി.ഐ നേരത്തേ കുറ്റപത്രം സമർപ്പിച്ചിരുന്നു.

ലാലു പ്രസാദും റബ്റി ദേവിയും ഉൾപ്പെടെ 16 പേർക്കെതിരായാണ് സി.ബി.ഐ തിങ്കളാഴ്ച കുറ്റപത്രം നൽകിയിരിക്കുന്നത്. ലാലുവിനെ ബി.ജെ.പിക്ക് ഭയമാണെന്നും അതിനാലാണ് കേന്ദ്ര ഏജൻസികൾ പിന്നാലെ വരുന്നതെന്നും റബ്റി ദേവി പറഞ്ഞു. വൃക്ക മാറ്റിവെക്കൽ ശസ്ത്രക്രിയക്കുശേഷം സിംഗപ്പൂരിൽനിന്ന് ലാലു ഫെബ്രുവരി 10നാണ് നാട്ടിലെത്തിയത്.