കർഷകർ രാജ്യ തലസ്​ഥാനത്തേക്ക്​; ഡൽഹി അതിർത്തിയിൽ സുരക്ഷ ശക്തം

ന്യൂഡൽഹി: കേന്ദ്രസർക്കാറി​െൻറ കാർഷിക നിയമങ്ങൾക്കെതിരെ രാജ്യതലസ്​ഥാനം വളയാനൊരുങ്ങി​ കർഷകർ. മാർച്ചുമായി എത്തിയ കർഷകരെ ഡൽഹിയിലേക്ക്​ പ്രവേശിപ്പിക്കാതെ അതിർത്തികളിൽ തടഞ്ഞു. വ്യാഴാഴ്​ചത്തെ പ്രതിഷേധത്തി​െൻറ ബാക്കി അലയൊലികൾ വെള്ളിയാഴ്​ചയുണ്ടാകുമെന്നാണ്​ വിവരം.

പാനിപത്ത്​, സിർസ, കുരുക്ഷേത്ര, ഫത്തേഹാബാദ്​, ജിന്ദ്​ എന്നീ അതിർത്തി പ്രദേശങ്ങൾ കർഷകർ ഒത്തുകൂടി പ്രതിഷേധിക്കുകയാണ്​. ഈ പ്രദേശം​ പൊലീസി​െൻറ കനത്ത സുരക്ഷയിലാണ്​.

ഡൽഹിയിലെത്തിയാൽ സമരം എത്രദിവസം നീണ്ടാലും അവിടെ തുടരാൻ തയാറാണെന്ന്​ കർഷകർ വ്യക്തമാക്കി. അതേസമയം ഡൽഹി അതിർത്തിയിൽ വൻ സുരക്ഷ സന്നാഹങ്ങളാണ്​ ഏർപ്പെടുത്തിയിരിക്കുന്നത്​.

കേന്ദ്രസർക്കാറ​ി​െൻറ മൂന്ന്​ കാർഷിക നിയമങ്ങൾക്കെതിരെ പഞ്ചാബ്​, ഹരിയാന, മഹാരാഷ്​ട്ര തുടങ്ങിയ അഞ്ച്​ സംസ്​ഥാനങ്ങളിലെ കർഷകരുടെ നേതൃത്വത്തിലാണ്​ 'ഡൽഹി ചലോ' മാർച്ച്​. കാർഷിക നിയമങ്ങൾ പിൻവലിക്കുന്നതുവരെ പ്രതിഷേധം തുടരുമെന്നാണ്​ കർഷകരുടെ ആഹ്വാനം.

കഴിഞ്ഞ 12- 15 മണിക്കൂറിനിടെ രാജ്യതലസ്​ഥാനം കനത്ത പ്രതിഷേധങ്ങൾക്കാണ്​ സാക്ഷിയായത്​. കർഷകരെ പൊലീസ് ഹരിയാന​ അതിർത്തികളിൽ തടയുകയും ജലപീരങ്കി ഉൾപ്പെടെ പ്രയോഗിക്കുകയും ചെയ്​തു. കർഷകർക്ക്​ നേരെ കണ്ണീർ വാതകവും ജലപീരങ്കിയും പ്രയോഗിച്ചും അർധ സൈനിക വിഭാഗങ്ങളെ വിന്യസിച്ചും കോൺക്രീറ്റ്​ ബാരിക്കേഡ്​ സ്​ഥാപിച്ചും പ്രതിഷേധം അടിച്ചമർത്താനായിരുന്നു​ കേന്ദ്രസർക്കാറി​െൻറ ശ്രമം. എന്നാൽ ഇതെല്ലാം മറികടന്ന്​ പതിനായിര കണക്കിന്​ കർഷകർ അതിർത്തികൾ പിന്നിട്ട്​​ ഡൽഹിയിലേക്ക്​ നീങ്ങുകയാണ്​.