കോവിഡ്​ നിയന്ത്രണങ്ങൾ ഉടൻ പിൻവലിക്കുമെന്ന്​ അരവിന്ദ്​ കെജ്​രിവാൾ

ന്യൂഡൽഹി: രാജ്യതലസ്ഥാനത്തെ കോവിഡ്​ നിയന്ത്രണങ്ങൾ ഉടൻ പിൻവലിക്കുമെന്ന്​ ഡൽഹി മുഖ്യമന്ത്രി അരവിന്ദ്​ കെജ്​രിവാൾ. ജനങ്ങളുടെ ജീവിതം സാധാരണനിലയിലാക്കുന്നതിനുള്ള പ്രവർത്തനങ്ങൾ അതിവേഗം മുന്നോട്ട്​ പോവുകയാണെന്ന്​ അദ്ദേഹം പറഞ്ഞു. റിപബ്ലിക്​ ദിനത്തോട്​ അനുബന്ധിച്ച്​ നടത്തിയ പരിപാടിയിലായിരുന്നു അരവിന്ദ്​ കെജ്​രിവാളി​െൻറ പരാമർശം.

10 ദിവസത്തിനുള്ള കോവിഡ്​ ടെസ്​റ്റ്​ പോസിറ്റിവിറ്റി നിരക്ക്​ 20 ശതമാനമായി കുറച്ച്​ കൊണ്ട്​ വരാൻ ഡൽഹിക്ക്​ സാധിച്ചു. ഇന്ന്​ അത്​ 10 ശതമാനമായി കുറഞ്ഞിരിക്കുകയാണ്​. ജനുവരി 15ന്​ 30 ശതമാനമായിരുന്ന ടെസ്​റ്റ്​ പോസിറ്റിവിറ്റി നിരക്കാണ്​ വലിയ രീതിയിൽ കുറഞ്ഞിരിക്കുന്നത്​. ത്വരിതഗതിയിലുള്ള വാക്​സിനേഷനാണ്​ കോവിഡ്​ വ്യാപനത്തെ പിടിച്ച്​ നിർത്തിയതെന്നും കെജ്​രിവാൾ പറഞ്ഞു.

വിദ്യാഭ്യാസരംഗത്ത്​ ഡോ.ബി.ആർ അംബേദ്​ക്കറി​െൻറ സ്വപ്​നങ്ങൾ സാക്ഷാൽക്കരിക്കുകയാണ്​ ഡൽഹി സർക്കാറി​െൻറ ലക്ഷ്യമെന്നും കെജ്​രിവാൾ പറഞ്ഞു. കഴിഞ്ഞ ഏഴ്​ വർഷത്തിനുള്ളിൽ വിദ്യഭ്യാസമേഖലയിൽ വിപ്ലവകരമായ മാറ്റങ്ങളാണ്​ ഉണ്ടായതെന്നും അദ്ദേഹം അവകാശപ്പെട്ടു. ഇനി മുതൽ ഡൽഹിയിലെ വിവിധ ഓഫീസുകളിൽ ഭഗത്​ സിങ്ങി​േൻറയും ബി.ആർ.അംബേദ്​ക്കറി​െൻറയും ചിത്രങ്ങളുണ്ടാവും. മുഖ്യമന്ത്രിമാ​രുടേയോ രാഷ്​ട്രീയ നേതാക്കളുടേയോ ചിത്രങ്ങൾ ഓഫീസുകളിൽ ഉണ്ടാവില്ലെന്നും അദ്ദേഹം കൂട്ടിച്ചേർത്തു.