ഡൽഹിയിൽ കോവിഡി​െൻറ രണ്ടാം തരംഗമെന്ന്​ കെജ്​രിവാൾ

ന്യൂഡൽഹി: തലസ്ഥാന നഗരമായ ഡൽഹിയിൽ കോവിഡ്​ വ്യാപനത്തി​െൻറ രണ്ടാം തരംഗം അവസാനഘട്ടത്തിലെത്തിയെന്ന്​​ മുഖ്യമന്ത്രി അരവിന്ദ്​ കെജ്​രിവാൾ. സെപ്​തംബർ 16 വരെ ഡൽഹിയിൽ 4500 വരെയായിരുന്നു പ്രതിദിന കോവിഡ്​ രോഗികളുടെ എണ്ണം. എന്നാൽ പിന്നീടുള്ള ദിവസങ്ങളിൽ ഇത്​ കുറഞ്ഞു. 24 മണിക്കൂറിനകം 3700 കേസുകളും അതിൽ താഴെയുമായി. അടുത്ത ദിവസങ്ങളിൽ കോവിഡ്​ വ്യാപനം കുറയുമെന്നാണ്​ വിദഗ്​ധർ നൽകുന്ന സൂചന -കെജ്​രിവാൾ വിശദീകരിച്ചു.

പ്രതിദിന കണക്കിൽ ഏറ്റവും വലിയ വർധനവ്​ രേഖപ്പെടുത്തിയത്​ സെപ്​തംബർ 16നാണ്​. ​ അന്ന്​ 4473 പേർക്കാണ്​​ കോവിഡ്​ സ്ഥിരീകരിച്ചത്​. സെപ്​തംബർ 15 മുതൽ 19 വരെ ദിനംപ്രതി 4000ലേറെ കേസുകളും 30 മുതൽ 40 വരെ മരണങ്ങളും റിപ്പോർട്ട്​ ചെയ്​തിരുന്നു.

ഡൽഹിയിൽ ഇതുവരെ രണ്ടുലക്ഷത്തിലേറെ പേർക്ക്​ കോവിഡ്​ സ്ഥിരീകരിച്ചു. വൈറസ്​ ബാധയിൽ 4638 പേർക്കാണ്​ ജീവൻ നഷ്​ടമായത്​.