ബ്ലാക്ക്​​ ഫംഗസ് മരുന്നിന്​ അമിത നികുതി; കേന്ദ്രത്തിനെതിരെ ഡൽഹി ഹൈകോടതി

ന്യൂഡൽഹി: ബ്ലാക്ക്​​ ഫംഗസ് (മ്യൂക്കോർമൈകോസിസ്) ചികിത്സിക്കുള്ള മരുന്നിന്​ അമിത നികുതി ഈടാക്കുന്ന കേന്ദ്രസർക്കാർ നടപടിക്കെതിരെ ഡൽഹി ഹൈകോടതി. ആംഫോട്ടെറിസിൻ ബി എന്ന മരുന്നാണ്​ ചികിത്സക്ക്​ ഉപയോഗിക്കുന്നത്​. ഇതിന്‍റെ ഉയർന്ന ഇറക്കുമതി തീരുവ കുറക്കണമെന്ന്​ ഹൈകോടതി കേന്ദ്ര സർക്കാറിനോട്​ ആവശ്യപ്പെട്ടു.

''രാജ്യത്തുടനീളം ആയിരക്കണക്കിനാളുകൾക്കാണ്​ ബ്ലാക്ക്​ ഫംഗസ്​ ബാധിച്ചത്​. ഇവരുടെ ജീവൻ രക്ഷിക്കാൻ ആംഫോട്ടെറിസിൻ ബി ആവശ്യമാണ്​. ഇന്ത്യയിൽ മരുന്നിന്​ ക്ഷാമം തീരുന്നത്​ വരെ അമിത കസ്റ്റംസ് നികുതി ഒഴിവാക്കുന്നത് കേന്ദ്ര സർക്കാർ പരിഗണിക്കണം'' -കോടതി ആവശ്യപ്പെട്ടു. ബ്ലാക്ക്​ ഫംഗസ് ബാധിതനായ മുത്തച്ഛന് മരുന്ന് വാങ്ങുന്നത്​ സംബന്ധിച്ച്​ അഭിഭാഷകൻ ഇഖ്​റ ഖാലിദ് സമർപ്പിച്ച ഹരജി പരിഗണിക്കുകയായിരുന്നു ഹൈകോടതി. രാജ്യത്തെ മ്യൂക്കോർമൈക്കോസിസ് ചികിത്സാ സൗകര്യവും മരുന്ന്​ ക്ഷാമവും കോടതി ഈ വിഷയത്തിൽ പരിഗണിച്ചു.

''ഇന്ത്യയിൽ മരുന്ന് ലഭ്യതക്കുറവ്​ പരിഹരിക്കുന്നത്​ വരെ ഇറക്കുമതി തീരുവ ഒഴിവാക്കുന്നത് കേന്ദ്രം ഗൗരവമായി പരിഗണിക്കുമെന്നാണ്​ ഞങ്ങൾ കരുതുന്നത്​. കേന്ദ്രസർക്കാർ ഇക്കാര്യത്തിൽ തീരുമാനമെടുക്കുന്നത്​ വരെ മരുന്ന്​ ഇറക്കുമതി ചെയ്യുന്ന വ്യക്​തികൾ സ്വയം സമർപ്പിക്കുന്ന ബോണ്ടിന്‍റെ അടിസ്​ഥാനത്തിൽ നികുതി ഒഴിവാക്കി​െകാടുക്കണം. അഥവാ, തീരുവ സർക്കാർ എഴുതിത്തള്ളുന്നില്ലെങ്കിൽ ഇറക്കുമതി ചെയ്യുന്നവർ അടയ്‌ക്കാ​െമന്ന്​ബോണ്ടിൽ നിബന്ധന വെച്ചാൽമതി" -ജസ്റ്റിസുമാരായ വിപിൻ സംഘി, ജസ്മീത് സിങ്​ എന്നിവരടങ്ങിയ ബെഞ്ച് നിർദേശിച്ചു.

ഈ ഉത്തരവ് കേന്ദ്ര നികുതി വിഭാഗത്തെയും ധനകാര്യ സെക്രട്ടറിയെയും അറിയിക്കുമെന്നും അടുത്ത രണ്ട് ദിവസത്തിനുള്ളിൽ തീരുമാനമെടുക്കുമെന്നും കേന്ദ്രസർക്കാർ അഭിഭാഷകൻ കീർത്തിമാൻ സിങ്​ കോടതിയെ അറിയിച്ചു.

ര​ക്ത​ത്തി​ലെ ഫം​ഗ​സ് സാ​ന്നി​ധ്യം ഇ​ല്ലാ​താ​ക്കാ​നും മ​റ്റ്​ ശ​രീ​ര​ഭാ​ഗ​ങ്ങ​ളി​ലേ​ക്ക്​ വ്യാ​പി​ക്കാ​തി​രി​ക്കാ​നു​മാ​ണ്​ ആ​ൻ​റി ഫം​ഗ​ൽ ഇ​ൻ​ജ​ക്​​ഷ​ൻ മ​രു​ന്നാ​യ ആം​ഫോ​ടെ​റി​സി​ൻ- ബി ​ന​ൽ​കു​ന്ന​ത്. രോ​ഗം കൂ​ടു​ത​ല്‍ അ​വ​യ​വ​ങ്ങ​ളി​ലേ​ക്ക് ബാ​ധി​ക്കാ​തി​രി​ക്കാ​ന്‍ നേ​ര​ത്തേ ക​ണ്ടെ​ത്തി ചി​കി​ത്സ തു​ട​ങ്ങു​ക നി​ർ​ണാ​യ​ക​മാ​ണ്.