ശഹ്​ല റാശിദിനെ പ്രോസിക്യൂട്ട്​ ചെയ്യാൻ ലഫ്​. ഗവർണറുടെ അനുമതി

ന്യൂഡൽഹി: സേനയുമായി ബന്ധപ്പെട്ട​ ട്വീറ്റിൽ ജവഹർലാൽ നെഹ്​റു സർവകലാശാല (ജെ.എൻ.യു) മുൻ വിദ്യാർഥി യൂനിയൻ നേതാവ്​ ശഹ്​ല റാശിദിനെതിരെ പ്രോസിക്യൂഷന്​ ഡൽഹി ലഫ്​റ്റനന്‍റ്​ ഗവർണർ വി.കെ. സക്​സേന അനുമതി നൽകി.

സൗഹാർദം തകർക്കുന്നതും വ്യത്യസ്ത വിഭാഗങ്ങൾക്കിടയിൽ ശത്രുത വളർത്തുന്നതുമായ ട്വീറ്റ്​ ആണെന്ന്​ ആരോപിച്ച്​ അഭിഭാഷകനായ അലോക്​ ശ്രീവാസ്തവ 2019ൽ നൽകിയ പരാതിയുടെ അടിസ്ഥാനത്തിലാണ്​ ഡൽഹി ലഫ്​. ഗവർണറുടെ നടപടി.