![modi modi](https://www.madhyamam.com/h-upload/2021/06/04/1035937-delhi-man-threatens-to-kill-pm-modi-arrested.webp)
മോദിക്ക് വധഭീഷണി; ഒരാൾ അറസ്റ്റിൽ
text_fieldsന്യൂഡൽഹി: പ്രധാനമന്ത്രി നരേന്ദ്രമോദിക്കെതിരെ വധഭീഷണി മുഴക്കിയ 22കാരൻ അറസ്റ്റിൽ. ഡൽഹിയിലെ കജൂരി ഖാസിലാണ് സംഭവം.
പൊലീസ് സ്റ്റേഷനിലേക്ക് ഫോൺ വിളിച്ചശേഷം പ്രധാനമന്ത്രിയെ കൊലപ്പെടുത്തുമെന്ന് അറിയിക്കുകയായിരുന്നു. വ്യാഴാഴ്ച വൈകിട്ടാണ് ഭീഷണിസന്ദേശമെത്തിയത്. 'ഞാൻ മോദിയെ കൊലപ്പെടുത്താൻ ആഗ്രഹിക്കുന്നു' എന്നായിരുന്നു സന്ദേശം.
തുടർന്ന് പൊലീസ് നടത്തിയ അന്വേഷണത്തിൽ കജൂരി ഖാസിൽനിന്ന് 22കാരനായ സൽമാൻ എന്നയാളെ പിടികൂടുകയായിരുന്നു. പൊലീസ് സ്റ്റേഷനിൽ എത്തിച്ച് നടത്തിയ ചോദ്യം ചെയ്യലിൽ തനിക്ക് ജയിലിൽ പോകാൻ ആഗ്രഹമുള്ളതിനാലാണ് ഭീഷണി സന്ദേശം അയച്ചതെന്ന് സൽമാൻ പറഞ്ഞു.
നിരവധി കേസുകളിൽ പ്രതിയാണ് സൽമാൻ. നിലവിൽ ജാമ്യത്തിലിറങ്ങിയിരിക്കുകയാണ് ഇയാൾ. പ്രധാനമന്ത്രിയുമായി ബന്ധപ്പെട്ട കേസായതിനാൽ ഇന്റലിജൻസ് വൃത്തങ്ങളും സൽമാനെ ചോദ്യം ചെയ്യും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.