മാർക്കറ്റുകൾ തുറക്കും, മെട്രോ സർവീസിനും അനുമതി; ഡൽഹിയിൽ ലോക്​ഡൗൺ ഇളവുകൾ പ്രഖ്യാപിച്ചു

ന്യൂഡൽഹി: കോവിഡ്​ രോഗികളുടെ എണ്ണം കുറഞ്ഞതോടെ ലോക്​ഡൗണിൽ കൂടുതൽ ഇളവുകൾ വരുത്തി ഡൽഹി സർക്കാർ. മാർക്കറ്റുകളും മാളുകളും ഒന്നിടവിട്ട ദിവസങ്ങളിൽ തുറക്കുമെന്ന്​ മുഖ്യമന്ത്രി അരവിന്ദ്​ കെജ്​രിവാൾ അറിയിച്ചു. 50 ശതമാനം യാത്രക്കാരുമായി ഡൽഹി മെട്രോ സർവീസ്​ നടത്തും.

സ്വകാര്യ ഓഫീസുകളിൽ 50 ശതമാനം ജീവനക്കാർക്ക്​ ജോലിക്കെത്താം. സർക്കാർ ഓഫീസുകളിലെ ഗ്രൂപ്പ്​ എ ജീവനക്കാർ എല്ലാ ദിവസവും ഓഫീസിൽ ഹാജരാവണം. ഗ്രൂപ്പ്​ ബി ജീവനക്കാരിൽ 50 ശതമാനം ഓഫീസിലെത്തിയാൽ മതിയാകും.

420 ടൺ ഓക്​സിജൻ ശേഖരിക്കാനുള്ള സംവിധാനം ആരംഭിക്കും. കോവിഡി​െൻറ ജനിതകമാറ്റം സംഭവിച്ച വകഭേദങ്ങളെ കണ്ടെത്താൻ രണ്ട്​ ലാബുകൾ സ്ഥാപിക്കുമെന്നും മുഖ്യമന്ത്രി അറിയിച്ചു. ഡൽഹിയിൽ കഴിഞ്ഞ ദിവസം 400 പേർക്കാണ്​ കോവിഡ്​ സ്ഥിരീകരിച്ചത്​. 0.5 ശതമാനമാണ്​ ടെസ്​റ്റ്​ പോസിറ്റിവിറ്റി നിരക്ക്​.