ഡൽഹി മെട്രോ കൊറിയർ സർവിസ്

ന്യൂഡൽഹി: വരുമാനം വർധിപ്പിക്കാൻ ഡൽഹി മെട്രോ കൊറിയർ സർവിസ് ആരംഭിക്കുന്നു. ഇതിനായി ലോജിസ്റ്റിക് കമ്പനിയായ ബ്ലൂ ഡാർട്ടുമായി കരാർ ഒപ്പുവെച്ചു. യാത്രക്കാർ കുറവുള്ള സമയങ്ങളിൽ കൊറിയർ സാധനങ്ങൾ കൊണ്ടുപോകാൻ മെട്രോ ട്രെയിൻ ഉപയോിക്കാനാണ് കരാർ. സമയബന്ധിതമായി കൊറിയർ നീക്കം നടത്താനും റോഡിലെ തിരക്ക് കുറക്കാനും ഇതുമൂലം സാധിക്കും.

നേരത്തെ, പരീക്ഷണാടിസ്ഥാനത്തിൽ ആരംഭിച്ചെങ്കിലും ഫലം കണ്ടില്ല. മുഴുവൻ പാതകളെയും ബന്ധിപ്പിച്ചാലേ കാര്യക്ഷമമാകൂ എന്ന വിലയിരുത്തലിലാണ് പദ്ധതി വിപുലീകരിച്ചത്.