മേജറി​െൻറ ഭാര്യയുടെ കൊലപാതകം: ആയുധം കണ്ടെത്താനാവാതെ പൊലീസ്​

ന്യൂഡൽഹി: സൈനിക മേജറുടെ ഭാര്യയെ കൊലപ്പെടുത്തിയ കേസിലെ പ്രതിയായ മേജർ നിഖിൽ ഹന്ദയെ അറസ്​റ്റ്​ ചെയ്​തിട്ടും കൊലപാതകത്തിന്​ ഉപയോഗിച്ച ആയുധം കണ്ടെത്താനാവാതെ ഡൽഹി പൊലീസ്​. സ്വിസ്​ കത്തി ഉപയോഗിച്ച്​ മേജർ ​നിഖിൽ ഹന്ദ ഷൈൽസ ദ്വിവേദിയെ കൊലപ്പെടുത്തിയെന്നാണ്​ പൊലീസി​​​െൻറ നിഗമനം. എന്നാൽ, ഇതുവരെയായിട്ടും ഇൗ തൊണ്ടി​ കണ്ടെത്താൻ പൊലീസിന്​ സാധിച്ചിട്ടില്ല.

ബുധനാഴ്​ച കൊലപാതകം നടന്ന സ്ഥലത്തെത്തി അഞ്ച്​ മണിക്കൂർ നീണ്ട പരിശോധന പൊലീസ്​ നടത്തിയിരുന്നു. എന്നാൽ, ഇൗ പരിശോധനയിൽ കാര്യമായ പുരോഗത​ിയൊന്നും ഉണ്ടായില്ല. കൊലപാതകത്തിന്​ ശേഷം ഹന്ദയുടെ കാറിൽ നിന്ന്​ ചെറിയൊരു കത്തി പൊലീസ്​ കണ്ടെത്തിയിരുന്നു. പക്ഷേ ഫോറൻസിക്​ വിദഗ്​ധർ വലിയ കത്തി ഉപയോഗിച്ചാണ്​ കൊലപാതകം നടത്തിയെന്ന്​ വ്യക്​തമാക്കിയതോടെ മറ്റൊരു ആയുധമാണ്​ കൃത്യത്തിന്​ ഉപയോഗിച്ചതെന്നാണ് പൊലീസ്​ നിഗമനം. ഇതി​​​െൻറ അടിസ്ഥാനത്തിലാണ് സംഭവസ്ഥലത്ത്​​ പൊലീസ്​ ഇപ്പോൾ പരിശോധന നടത്തുന്നത്​.

കൊലപാതകത്തിന്​ ശേഷം കത്തി വലിച്ചെറിഞ്ഞുവെന്നാണ്​ മേജർ പറയുന്നത്​. രണ്ട്​ ദിവസം പരി​േശാധന നടത്തിയിട്ടും ഇത്​ കണ്ടെത്താൻ പൊലീസിന്​ സാധിച്ചില്ല. മനപ്പൂർവം അന്വേഷണം വഴിതെറ്റിക്കാനുള്ള നീക്കങ്ങളാണ്​ ഹന്ദ നടത്തുന്നതെന്നാണ്​ പൊലീസി​​​െൻറ നിഗമനം.