വിവേകാനന്ദ പ്രതിമ നശിപ്പിച്ചു; ജെ.എൻ.യു വിദ്യാർഥികൾക്കെതിരെ എഫ്​.ഐ.ആർ

ന്യൂഡൽഹി: ഹോസ്​റ്റൽ ഫീസ്​ വർധനക്കെതിരെ നടത്തിയ പ്രതിഷേധത്തിനിടെ വിവേകാനന്ദ പ്രതിമ നശിപ്പിച്ചുവെന്നാരോപി ച്ച്​ ജെ.എൻ.യു വിദ്യാർഥികൾക്കെതിരെ കേസ്​. സ്വാമി വിവേകാനന്ദ സ്​റ്റാറ്റ്യു കമ്മിറ്റിയിലെ ബുദ്ധ സിങ്​ നൽകിയ പരാതി പരിഗണിച്ചാണ്​ നടപടി.

ഏഴ്​ പേർക്കെതിരെയാണ്​ നിലവിൽ കേസെടുത്തിരിക്കുന്നത്​. എന്നാൽ, ഇവരെ കുറിച്ചുള്ള കൂടുതൽ വിവരങ്ങൾ പുറത്ത്​ വിട്ടിട്ടില്ല. പ്രതിഷേധകാരികൾ പ്രതിമക്ക്​ താഴെ രാഷ്​ട്രീയ മുദ്രാവാക്യങ്ങൾ എഴുതുകയും ചെയ്​തിട്ടുണ്ട്​​. ജെ.എൻ.യുവിലെ ഭരണനിർവഹണ ബ്ലോക്കിനും വിദ്യാർഥികൾ കേടുപാട്​ വരുത്തിയതായി പരാതിയുണ്ട്​. നവംബർ 14നാണ്​ കേസിനാസ്​പദമായ സംഭവം.

അതേസമയം, പ്രതിമ നശിപ്പിച്ചതിനെതിരെ പ്രതിഷേധം ഉയർന്നിട്ടുണ്ട്​. പ്രതിമ നശിപ്പിച്ചല്ല പ്രതിഷേധം പ്രകടിപ്പിക്കേണ്ടതെന്നായിരുന്നു​ വിമർശനം.