ഡൽഹി കലാപത്തിൽ സംഘ്​പരിവാർ ലക്ഷ്യമിട്ടിരുന്നത്​ മുസ്​ലിംകളെ മാത്രമല്ല; ദലിതരെയും

ന്യൂഡൽഹി: ‘ദലിതരെ നിങ്ങൾ ആക്രമിക്കു, ഞങ്ങൾ ഒപ്പമുണ്ട്​’- വടക്കുകിഴക്കൻ ഡൽഹിയിൽ ഫെബ്രുവരിയിൽ നടന്ന കലാപത്തിൽ മുഴങ്ങിക്കേട്ട ആക്രോശങ്ങളിലൊന്നാണിത്​. സംഘ്​പരിവാറി​​െൻറ ലക്ഷ്യം മുസ്​ലിംകൾ മാത്രമായിരുന്നില്ല, ദലിതരെയും അവർ ലക്ഷ്യമിട്ടിരുന്നെന്നാണ്​ ഇത്​ തെളിയിക്കുന്നത്​. കലാപത്തിനിടെ ദലിതർക്കെതിരെയും മുദ്രാവാക്യം മുഴക്കിയതായി കാണിച്ച്​ ഡൽഹി പൊലീസ്​ ആസ്​ഥാനത്ത്​ നിരവധി പരാതികൾ ലഭിച്ചതായി ‘ദ ക്വിൻറ്’​ റിപ്പോർട്ട്​ ചെയ്​തു. 

‘കപിൽ മിശ്ര, നിങ്ങൾ വടികൊണ്ട്​ ആക്രമിക്കൂ, ഞങ്ങൾ നിങ്ങൾക്കൊപ്പമുണ്ട്​. മുസ്​ലിംകളെ വടികൊണ്ട്​ ആക്രമിക്കൂ, ജാദവ്​ ദലിതരെ വടികൊണ്ട്​ ആക്രമിക്കൂ, ഭീം ആദ്​മി നേതാവ്​ ച​ന്ദ്രശേഖർ ആസാദ്​ രാവണെ വടികൊണ്ട്​ ആക്രമിക്കൂ, ഞങ്ങൾ നിങ്ങൾക്കൊപ്പമുണ്ട്​’ ഇതായിരുന്നു തെരുവിൽ മുഴങ്ങിയ മുദ്രാവാക്യങ്ങളിലൊന്ന്​. 25ഓളം പേർ അടങ്ങിയ സംഘം ഫെബ്രുവരി 23ന്​ ഏകദേശം ഉച്ച രണ്ടുമണിയോടെ തെരുവിൽ തടിച്ചുകൂടുകയും മുസ്​ലിംകൾക്കും ദലിതർക്കുമെതിരെ മു​ദ്രാവാക്യം മുഴക്കുകയുമായിരുന്നുവെന്നും പരാതിയിൽ പറയുന്നു. 

ഇത്തരത്തിൽ ദലിത്​ വിരുദ്ധ മുദ്രാവാക്യം വടക്കുകിഴക്കൻ ഡൽഹിയിൽ മുഴങ്ങിയതിനെതിരെ നിരവധി പരാതികൾ ഉയരുന്നുണ്ട്​. പൗരത്വ ഭേദഗതി നിയമവും മുസ്​ലിംകളും മാത്രമല്ല, ദലിതരും ആക്രമണത്തിന്​ ഇരയായി എന്നു ചൂണ്ടിക്കാണിക്കുന്നതാണ്​ ഈ വിവരം. കലാപത്തിൽ പങ്കു​ചേർന്ന്​ നിഷ്​​ക്രിയരായി നോക്കിനിന്നെന്ന പരാതി പൊലീസുകാർക്കെതിരെയും ഉയരുന്നു.

ദലിതർക്കെതിരെ മുദ്രാവാക്യം വിളിക്കുന്നതും കൊലവിളി മുഴക്കുന്നതുമായി വിഡിയോ അടക്കം പങ്കുവെച്ചാണ് ഒരു​ പരാതി. തെളിവായി ചൂണ്ടിക്കാണിക്കുന്ന ഒരു വിഡിയോയിൽ ഹിന്ദുത്വ നേതാവ്​ രാഗിണി തിവാരി ദലിത്​ നേതാവിനെ വെട്ടിവീഴ്​ത്തു എന്നു പറയുന്നത്​ കേൾക്കാം.  

മാർച്ച്​ 17ന്​ ദയാൽപൂർ പൊലീസ്​ സ്​റ്റേഷനിൽ ലഭിച്ച പരാതി യമുന വിഹാറിൽ താമസിക്കുന്ന ഒരു വ്യക്തിയുടേതായിരുന്നു. ഫെബ്രുവരി രണ്ടിന്​ കലാപകാരികൾ കത്തിച്ച പന്തലിൽ​ അംബേദ്​കറി​​െൻറ ചിത്രവുമായെത്തിയ വനിത പ്രതിഷേധക്കാർ കുത്തിയിരുന്ന്​ പ്രതിഷേധിച്ചിരുന്നു. ഏകദേശം ഒരുമണിയോടെ മോഹൻ നഴ്​സിങ്​ ഹോമി​​െൻറ മുകളിൽ എത്തിയ ഉടമസ്​ഥനും കൂട്ടരുമെത്തി വെടിയുതിർക്കുകയും പെല്ലറ്റുകൾ പ്രയോഗിക്കുകയുമായിരുന്നു. കൂടാതെ വനിതകളെ ആക്രമിക്കുകയും തള്ളിയിടുകയും അംബേദ്​കറി​​െൻറ പ്രതിമ ദൂരേക്ക്​ വലിച്ചെറിയുകയും ചെയ്​തെന്ന്​ പരാതിയിൽ പറയുന്നു. ആൾക്കൂട്ടം വടിയും കുപ്പികളും കല്ലും ഉപയോഗിച്ച്​ ദലിത്​ വിഭാഗത്തിനെ ഭീഷണിപ്പെടുത്തിയതായും പറയുന്നു. 

മേയ്​ ആറിന്​ ലഭിച്ച ഡൽഹി ​െപാലീസ്​ ആസ്​ഥാനത്ത്​ ലഭിച്ച ബാബർപുർ സ്വദേശിയുടെ പരാതിയിലും ദലിതരെയും ലക്ഷ്യമിട്ടതായി വ്യക്തമാകും. കലാപത്തിനെതി​െര ബാബാ സാ​േഹബ്​ അംബേദ്​കറുടെ മു​ദ്രാവാക്യം വിളിച്ചതിന്​ ഭീഷണിപ്പെടുത്തിയതായാണ്​ പരാതി. അംബേദ്​കറുടെ പേര്​ പറയുതെന്നും ​മുദ്രാവാക്യം വിളിക്കരുതെന്നും കലാപകാരികൾ ഭീഷണിപ്പെടുത്തിയതായി പറയുന്നു.