രാഷ്ട്രപതിയുടെ അംഗീകാരത്തോടെ ഡൽഹി ബിൽ നിയമമായി

ന്യൂഡൽഹി: പാർലമെന്‍റിന്‍റെ ഇരുസഭകളും പാസ്സാക്കിയ ഡൽഹി സർവിസ് ബിൽ രാഷ്ട്രപതി വെള്ളിയാഴ്ച അംഗീകരിച്ചതോടെ നിയമമായി. പ്രതിപക്ഷ പ്രതിഷേധത്തിനിടെ ലോക്സഭ ആഗസ്റ്റ് ഒന്നിനും രാജ്യസഭ ആഗസ്റ്റ് ഏഴിനും ബിൽ പാസ്സാക്കിയിരുന്നു. സം​സ്ഥാ​ന​ങ്ങ​ളു​ടെ അ​ധി​കാ​രം വ​ള​ഞ്ഞ​വ​ഴി​യി​ലൂ​ടെ ക​വ​രാ​നു​ള്ള കു​ത​ന്ത്ര​മെ​ന്നാണ് ബില്ലിനെതിരെ ആ​ക്ഷേ​പ​മു​യ​ർ​ന്നത്.

ഉ​ദ്യോ​ഗ​സ്​​ഥ നി​യ​മ​ന​ത്തി​നും സ്ഥ​ലം​മാ​റ്റ​ത്തി​നു​മു​ള്ള അ​ധി​കാ​രം ഡ​ൽ​ഹി സ​ർ​ക്കാ​റി​ൽ നി​ക്ഷി​പ്ത​മാ​ക്കി​യ സു​പ്രീം​കോ​ട​തി ഭ​ര​ണ​ഘ​ട​ന ബെ​ഞ്ചി​ന്‍റെ വി​ധി മ​റി​ക​ട​ക്കാനാണ് കേന്ദ്രം നി​യ​മ​ഭേ​ദ​ഗ​തി ബി​ൽ കൊണ്ടുവന്നത്. കോ​ൺ​ഗ്ര​സ്​ അ​ട​ക്കം ഇ​ൻ​ഡ്യ മു​ന്ന​ണി​യി​ലെ എ​ല്ലാ ക​ക്ഷി​ക​ളും നി​യ​മ​ഭേ​ദ​ഗ​തി​യെ കൂ​ട്ടാ​യി എ​തി​ർ​ത്തിരുന്നു.

ഡ​ൽ​ഹി​യി​ലെ ഗ്രൂ​പ് എ ​ഉ​ദ്യോ​ഗ​സ്ഥ​രെ സ്ഥ​ലം​മാ​റ്റു​ന്ന​തി​നും നി​യ​മി​ക്കു​ന്ന​തി​നു​മു​ള്ള അ​ധി​കാ​രം മു​ഖ്യ​മ​ന്ത്രി അ​ധ്യ​ക്ഷ​നാ​യു​ള്ള അ​തോ​റി​റ്റി​ക്ക് കൈ​മാ​റാ​നു​ള്ള ഓ​ർ​ഡി​ന​ൻ​സാ​ണ് ബി​ല്ലാ​ക്കി പാ​ർ​ല​മെ​ന്‍റി​ൽ അ​വ​ത​രി​പ്പി​ച്ച​ത്. അ​തോ​റി​റ്റി​യി​ൽ ചീ​ഫ് സെ​ക്ര​ട്ട​റി, ആ​ഭ്യ​ന്ത​ര വ​കു​പ്പ്​ പ്രി​ൻ​സി​പ്പ​ൽ സെ​ക്ര​ട്ട​റി എ​ന്നി​വ​രും അം​ഗ​ങ്ങ​ളാ​വും. വി​യോ​ജി​പ്പു​ണ്ടാ​യാ​ൽ അ​ന്തി​മ തീ​രു​മാ​ന​മെ​ടു​ക്കാ​നു​ള്ള അ​ധി​കാ​രം കേ​ന്ദ്ര സ​ർ​ക്കാ​ർ നോ​മി​നി​യാ​യ ലെ​ഫ്റ്റ​ന​ന്‍റ്​ ഗ​വ​ർ​ണ​ർ​ക്കാ​കും. ഇ​ങ്ങ​നെ വ​രു​ന്ന​തോ​ടെ തെ​ര​ഞ്ഞെ​ടു​ക്ക​പ്പെ​ട്ട ഡ​ൽ​ഹി സ​ർ​ക്കാ​ർ ഫ​ല​ത്തി​ൽ നോ​ക്കു​കു​ത്തി​യാ​കും.