'എം.എൽ.എയുടെ മകൻ' സ്റ്റിക്കർ പതിച്ച കാർ; ഡൽഹിയിൽ വിവാദം

ന്യൂഡൽഹി: 'എം.എൽ.എയുടെ മകൻ' എന്ന സ്റ്റിക്കർ പതിപ്പിച്ച കാറിനെ ചൊല്ലി ഡൽഹിയിൽ വിവാദം. നിയമസഭ സ്പീക്കറുടെ മകന്‍റെ കാറിലാണ് സ്റ്റിക്കർ പതിപ്പിച്ചതെന്ന് ശിരോമണി അകാലി ദൾ എം.എൽ.എ മജീന്ദർ സിങ് സിർസ ട്വീറ്റ് ചെയ്തിരുന്നു. എന്നാൽ, ഇത് നിഷേധിച്ച് സ്പീക്കർ റാം നിവാസ് ഗോയൽ രംഗത്തെത്തിയതോടെയാണ് വിവാദം ഉടലെടുത്തത്.

സംഭവത്തിൽ മജീന്ദർ സിങ് സിർസക്കെതിരേ സ്പീക്കർ റാം നിവാസ് ഗോയൽ അപകീർത്തി നോട്ടീസ് നൽകി. എം.എൽ.എ മാപ്പ് പറയണമെന്ന് സ്പീക്കർ ആവശ്യപ്പെട്ടിരുന്നു. തുടർന്നാണ് സിർസക്കെതിരേ അപകീർത്തി നോട്ടീസ് നൽകിയത്.