കലാപാഹ്വാനം: നടപടിയെടുക്കാൻ ഹൈകോടതി നാലാഴ്​ച സമയം നൽകി

ന്യൂ ഡൽഹി: ഡൽഹി അക്രമത്തിന്​ പേരിപ്പിച്ച ബി.ജെ.പി നേതാക്കളടക്കമുള്ളവർ​െക്കതിരെ നടപടി എടുക്കാൻ കേന്ദ്രത്തിനു ം ഡൽഹി പൊലീസിനും ​ഹൈകോടതി നാലാ​ഴ്​ച സമയം അനുവദിച്ചു. എഫ്​.ഐ.ആർ തയാറാക്കുന്നതിന്​ കൂടുതൽ സമയം വേണമെന്ന്​ കേന് ദ്രത്തിനും പൊലീസിനും വേണ്ടി കോടതിയിൽ ഹാജരായ സോളിസിറ്റർ ജനറൽ തുഷാർ മേത്ത ആവശ്യപ്പെട്ടിരുന്നു.

നിരവധി നേതാക്കൾ വിദ്വേഷ പ്രസംഗം നടത്തിയിട്ടുണ്ടെന്നും ഇതെല്ലാം പരിശോധിച്ച ശേഷമേ നടപടി സാധിക്കുകയുള്ളൂ എന്നും സോളിസിറ്റർ ജനറൽ പറഞ്ഞു. പരാതിക്കാർ മൂന്ന്​ പ്രസംഗം മാത്രമാണ്​ ചൂണ്ടിക്കാണിച്ചതെന്നും ഇദ്ദേഹം പറഞ്ഞു. ചീഫ്​ ജസ്​റ്റിസ്​ ഡി.എൻ. ​പ​ട്ടേൽ, ജസ്​റ്റിസ്​ സി. ഹരിശങ്കർ എന്നിവരാണ്​ കേസ്​ പരിഗണിച്ചത്​. കേന്ദ്ര സർക്കാർ ഒരാഴ്​ചക്കകം മറുപടി നൽകണമെന്നും നാലാഴ്​ചക്ക്​ ശേഷം വാദം കേൾക്കുമെന്നും കോടതി പറഞ്ഞു.

കലാപാഹ്വാനം നടത്തിയ ബി.ജെ.പി നേതാക്കൾക്കെതിരെ കേസെടുക്കാൻ ബുധനാഴ്​ച ഹൈകോടതി പൊലീസിനോട്​ ഉത്തരവിട്ടിരുന്നു. പ്ര​കോപനപരമായ പ്രസംഗങ്ങൾ താൻ കണ്ടിട്ടില്ലെന്ന്​ സോളിസിറ്റർ ജനറൽ തുഷാർ മേത്ത പറഞ്ഞപ്പോൾ, കോടതി നിർദേശ പ്രകാരം ദൃശ്യങ്ങൾ കോടതി ഹാളിൽ പ്രദർശിപ്പിക്കുകയും ചെയ്​തിരുന്നു.

കേന്ദ്ര മന്ത്രി അനുരാഗ് താക്കൂർ, ബി.ജെ.പി നേതാവ് കപിൽ മിശ്ര, ബി.ജെ.പി എം.എൽ.എ പർവേശ് വർമ അടക്കമുള്ളവരുടെ വിദ്വേഷ പ്രസംഗങ്ങളാണ് പ്രദർശിപ്പിച്ചത്. കപിൽ മിശ്ര വിദ്വേഷ പ്രസംഗം നടത്തിയപ്പോൾ സമീപത്തുണ്ടായിരുന്ന പൊലീസ് ഒാഫിസർ ആരാണെന്നും പൂർണ വിവരം അറിയിക്കണമെന്നും കോടതി നിർദേശിച്ചിരുന്നു.