ഭക്ഷണം കാത്തിരുന്ന കുഞ്ഞുങ്ങൾക്കരികി​ലെത്തിയത്​ പിതാവി​െൻറ മൃതദേഹം

ന്യൂഡൽഹി: ഡൽഹിയിൽ പൗരത്വ പ്രക്ഷോഭത്തിനിടെ കൊല്ലപ്പെട്ട മുഹമ്മദ്​ ഫുർഖാൻെറ മരണത്തിൽ ഞെട്ടൽ മാറാതെ കുടുംബം. ഭക്ഷണം വാങ്ങാൻ പുറത്തുപോയ പിതാവിനെക്കാത്ത്​ വിശന്നിരിക്കുന്ന കുരുന്നുകളെ നേരിടാനാവാതെ പകച്ചിരിക്കുകയാണ് ​ ഫുർഖ​ാൻെറ സഹോദരൻ മുഹമ്മദ്​ ഇമ്രാൻ.

പൗരത്വ പ്രക്ഷോഭത്തെ തുടർന്ന്​ പരിസരത്തെ കടകളെല്ലാം അടച്ചിട്ടിരുന ്നു. ഇതേ തുടർന്ന്​ കുട്ടികൾക്ക്​ ഭക്ഷണം വാങ്ങാനായി പുറത്തിറങ്ങിയതായിരുന്നു ഫുർഖാൻ. ഇതിനിടെയാണ്​ 32കാരനായ ഫുർഖ ാന്​ വെടിയേൽക്കുന്നത്​.

‘‘സഹോദരൻെറ കാലിന്​​ വെടിയേറ്റതായി ആരോ അറിയിച്ചു. വിശ്വസിക്കാൻ കഴിഞ്ഞിരുന്നില്ല. കാരണം തിങ്കളാഴ്​ച രണ്ടരക്ക്​ ഞാൻ സഹോദരനെ കണ്ടിരുന്നു. അവൻ ആ സമയം വീട്ടിലായിരുന്നു. വെടിയേറ്റ വിവരം അറിഞ്ഞശേഷം ഫോണിൽ ബന്ധപ്പെടാൻ ശ്രമിച്ചു. ആരും ഫോൺ കോൾ എടുത്തില്ല. ഇതോടെ ഞാൻ പകച്ചുപോയി’’ - ഇമ്രാൻ പറയുന്നു.

പിന്നീട്​ നിരവധി ഫോൺ വിളികളാണ്​ ഇമ്രാൻെറ ഫോണിലേക്കെത്തിയത്​. വെടിയേറ്റ സഹോദരനെ ജി.ടി.ബി ആശുപത്രിയിൽ പ്രവേശിപ്പിച്ചുവെന്നായിരുന്നു വിവരം. ഇമ്രാൻ അവിടെ എത്തുന്നതിന്​ മുമ്പതന്നെ ഫുർഖാൻ ​മരണപ്പെട്ടിരുന്നു. സഹോദരനെ രക്ഷിക്കാൻ ഡോക്​ടർമാരോട്​ കേണ​പേക്ഷിച്ചിരുന്നു. എന്നാൽ, അവസാന സാധ്യതയും നഷ്​ടപ്പെട്ടിരുന്നതായി ഡോക്​ടർമാർ അറിയിച്ചു.

‘‘ഞങ്ങളുടെ ലോകം നശിച്ചു... സഹോദരന്​ രണ്ടു ചെറിയ കുഞ്ഞുങ്ങളാണുള്ളത്​. ഒരു മകനും മകളും... എന്തുചെയ്യുമെന്നറില്ല’’ ഇമ്രാൻ നിറകണ്ണുകളോടെ പറയുന്നു.
ഇമ്രാനും സഹോദരനും കരകൗശല വസ്​തുക്കളുടെ ഷോപ്പ്​ നടത്തുകയാണ്​. വടക്കുകിഴക്കൻ ഡൽഹിയിലെ കർദംപുരിയിലാണ്​ ഫുർഖാനും സഹോദരനും ഇരുവരുടെയും കുടുംബവും താമസിക്കുന്നത്​. ഇവിടെ എല്ലായിടത്തും സമാധാനപരമായി പ്ര​തിഷേധങ്ങൾ നടക്കുന്നുണ്ട്​. എന്നാൽ ബി.ജെ.പി നേതാവ്​ കപിൽ മിശ്രയാണ്​ ഈ കലാപത്തിന്​​ തുടക്കം കുറിച്ചതെന്നാണ്​ ഇമ്രാൻ ഉൾപ്പെടെയുള്ളവരുടെ പ്രതികരണം.

തിങ്കളാഴ്​ച ഡൽഹിയിലുണ്ടായ അക്രമസംഭവങ്ങളിൽ ഏഴുപേരാണ്​ കൊല്ലപ്പെട്ടത്​. നൂറോളം ​േപർക്ക്​ പരിക്കേൽക്കുകയും ചെയ്​തു. മതം ചോദിച്ചായിരുന്നു പ്രദേശവാസികൾക്ക്​ നേരെ പൗരത്വ നിയമ അനുകൂലികളുടെ ആക്രമണം.