സെൽഫിയെടുക്കുന്നതിനിടെ ​യുവതി മലമുകളിൽ നിന്ന്​ വീണ് മരിച്ചു

മുംബൈ: മലമുകളിൽ നിന്ന്​ സെൽഫിയെടുക്കുന്നതിനിടെ കാൽ തെന്നി 500 അടി താഴ്​ചയിലേക്ക്​ വീണ്​ യുവതി മരിച്ചു. സരിത രാംരമേഷ്​ ചൗഹാൻ(33) ആണ്​ മരിച്ചത്​. മും​ൈബക്ക്​ അടുത്ത്​ റെയ്​ഗാഡ്​ ജില്ലയിൽ മതെരാൻ ഹിൽസ്​റ്റേഷനിൽ ബുധനാഴ്​ച വൈകുന്നേരം 6.30ഒാടെയായിരുന്നു സംഭവം. 

മതെരാനിലെ ലൂയിസ പോയിൻറിൽ വെച്ച്​ സെൽഫിയെടുക്കുകയായിരുന്നു യുവതി. ഭർത്താവും മൂന്ന്​ കുട്ടികളും ഒപ്പമുണ്ടായിരുന്നു. എന്നാൽ ഇതിനിടെ സരിത കാൽതെന്നി ആഴമേറിയ കൊക്കയിലേക്കു വീഴുകയായിരുന്നു. സംഭവം​ മതെരാൻ പൊലീസ്​ സ്​റ്റേഷനിൽ അറിയിച്ചതിനെ തുടർന്ന്​ പൊലീസ്​ രക്ഷാപ്രവർത്തനം ആരംഭിച്ചെങ്കിലും അർദ്ധ രാത്രിയോടെ സരിതയുടെ മൃതദേഹം താഴ്​വരയിൽ നിന്ന്​ കണ്ടെത്തുകയായിരുന്നു.​ 

സമീപത്തെ ആശുപത്രിയിൽ നിന്ന്​ പോസ്​റ്റ്​മോർട്ടത്തിനു ശേഷം മൃതദേഹം കുടുംബത്തിനു വിട്ടു നൽകി.