ഡൽഹി അതിർത്തി ഒരാഴ്​ചത്തേക്ക്​ കൂടി അടച്ചിടും

ന്യൂഡൽഹി: കോവിഡ്​ ബാധിതരുടെ എണ്ണം ഉയരുന്ന സാഹചര്യത്തിൽ സംസ്​ഥാന അതിർത്തികൾ ഒരാഴ്​ചത്തേക്ക്​ കൂടി അടച്ചിടുന്നതായി ഡൽഹി മുഖ്യമന്ത്രി അരവിന്ദ്​ കെജ്​രിവാൾ. 

അവശ്യ സർവിസുകൾക്ക്​ മാത്രമായിരിക്കും അനുമതി നൽകുക. ഇ -പാസ്​ ഇല്ലാത്തവർക്ക്​ യാത്ര അനുവദിക്കില്ല. ഒരാഴ്​ച കഴിഞ്ഞ്​ ജനങ്ങളുടെ അഭിപ്രായം ​ആരാഞ്ഞ ശേഷമായിരിക്കും അതിർത്തികൾ തുറക്കണോ വേണ്ടയോ എന്ന തീരുമാനമെടുക്കുകയെന്നും കെജ്​രിവാൾ അറിയിച്ചു.    

അതേസമയം സംസ്​ഥാനത്ത്​ ബാർബർ ഷോപ്പുകൾ, സലൂണുകൾ ഉൾപ്പടെ എല്ലാ വ്യാപാര സ്​ഥാപനങ്ങളും തുറക്കാൻ അനുമതി നൽകി. ലോക്​ഡൗൺ ഇളവുകളുടെ ഒന്നാംഘട്ടത്തി​​െൻറ ഭാഗമായാണ്​ ഇവ തുറക്കാൻ അനുമതി നൽകിയതെന്നും മുഖ്യമന്ത്രി അറിയിച്ചു. 

രാജ്യത്ത്​ ഏറ്റവും കൂടുതൽ രോഗബാധിതരുള്ള മൂന്നാമത്തെ സംസ്​ഥാനമാണ്​ ഡൽഹി. 20,000 ത്തോളം പേർക്കാണ്​ ഡൽഹിയിൽ കോവിഡ്​ സ്​ഥിരീകരിച്ചത്​. 470 പേർ മരിക്കുകയും ​ചെയ്​തു.