നോട്ട്​ പിൻവലിക്കൽ: 35 ശതമാനം ​​പേർക്ക്​ തൊഴിൽ നഷ്​ടമായി

ചെന്നൈ: നോട്ട്​ പിൻവലിക്കൽ നടപടിയെ തുടർന്ന്​ ചെറുകിട വ്യവസായ സംരംഭങ്ങളിലെ 35 ശതമാനം പേർക്ക്​ തൊഴിൽ നഷ്​ടപ്പെട്ടതായി റിപ്പോർട്ട്​​. വ്യവസായ മേഖലയിൽ നിന്നുള്ള വരുമാനത്തിൽ 50 ശതമാനത്തി​​െൻറ കുറവ്​ വന്നതായും ആൾ ഇന്ത്യ മാനിഫാക്​ച്യുഴേസ്​ ഒാർഗനൈസേഷൻ(എ.​െഎ.എം.ഒ) നടത്തിയ പഠനത്തിൽ വ്യക്തമാക്കുന്നു.

2017 മാർച്ച്​ എത്തുന്നതോടെ ചെറുകിട വ്യവസായ മേഖലയിൽ തൊഴിൽ നഷ്​ടമായവരുടെ എണ്ണം 60 ശതമാനവും വരുമാന നഷ്​ടം 55 ശതമാനവുമാകും.
കയറ്റുമതി ഉൾപ്പെടെയുള്ള വ്യാപാരം നടത്തിവരുന്ന ചെറുകിട– വൻകിട വ്യവസായ മേഖലയിൽ 30 ശതമാനം തൊഴിൽ നഷ്​ടപ്പെട​ുകയും 40 ശതമാനം സാമ്പത്തിക നഷ്​ടവുമുണ്ടായി.​ മാർച്ച്​ എത്തുന്നതോടെ ഇതിൽ അഞ്ചു ശതമാനത്തി​​െൻറ വർധനവ്​ ഉണ്ടാകും.

ഉൽപാദന മേഖലയിലുള്ള വ്യവസായ സ്ഥാപനങ്ങളിൽ 20 ശതമാനത്തി​​െൻറ നഷ്​ടമാണുള്ളത്. ​വരുമാന നഷ്​ടം 15 ശതമാനത്തി​ലേറെ വർധിക്കാനിടയുണ്ടെന്നും റിപ്പോർട്ട്​ ചൂണ്ടിക്കാട്ടുന്നു.

നോട്ട്​ രഹിത ഇടപാടുകൾ, പണം പിൻവലിക്കുന്നതിനുള്ള നിയന്ത്രണങ്ങൾ, പണമിടപാടുകളുടെ കുറവ്​​, രൂപയുടെ മൂല്യ തകർച്ച, ധനസമാഹരണത്തിനുള്ള മാർഗങ്ങൾ കുറഞ്ഞത്​, റിയൽ എസ്​റ്റേറ്റ്​ മേഖലയിലെ തകർച്ച, ജി.എസ്​.ടിയിലെ അനിശ്ചിതാവസ്ഥ എന്നീ ഘടകങ്ങളാണ്​ വരുമാന തകർച്ചയിലേക്കും തൊഴിൽ നഷ്​ടത്തിലേക്കും വ്യാപാര –വ്യവസായ മേഖലകളെ കൊണ്ടെത്തിച്ചതെന്ന്​ പഠനത്തിലൂടെ വ്യക്തമാകുന്നു.
പണം പിൻവലിക്കൽ വ്യാപാര– വ്യവസായ മേഖലകളിൽ ഏൽപ്പിച്ച ആഘാതത്തെ കുറിച്ച്​ മൂന്നാമത്തെ പഠന റിപ്പോർട്ടാണ്​ എ.​െഎ.എം.ഒ ഇപ്പോൾ പ്രസിദ്ധീകരിച്ചിട്ടുള്ളത്​.