സ്പീക്കറിൽ സമവായമില്ല; ഓം ബിർളക്കെതിരെ കൊടിക്കുന്നിൽ

ന്യൂ​ഡ​ൽ​ഹി: ഡെ​പ്യൂ​ട്ടി സ്പീ​ക്ക​ർ പ​ദ​വി ​പ്ര​തി​പ​ക്ഷ​ത്തി​ന് ന​ൽ​കു​മെ​ന്ന് ഉ​റ​പ്പ് ന​ൽ​കാ​ൻ സ​ർ​ക്കാ​ർ ത​യാ​റാ​കാ​തി​രു​ന്ന​തോ​ടെ സ്പീ​ക്ക​ർ പ​ദ​വി​യി​ൽ സ​മ​വാ​യ നീ​ക്കം പൊ​ളി​ഞ്ഞു. ഇ​തോ​ടെ, എ​ൻ.​ഡി.​എ​യു​ടെ സ്പീ​ക്ക​ർ സ്ഥാ​നാ​ർ​ഥി ബി.​ജെ.​പി​യു​ടെ ഓം ​ബി​ർ​ള​ക്കെ​തി​രെ കൊ​ടി​ക്കു​ന്നി​ൽ സു​രേ​ഷി​നെ മ​ത്സ​രി​പ്പി​ക്കാ​ൻ ഇ​ൻ​ഡ്യ സ​ഖ്യം തീ​രു​മാ​നി​ച്ചു. നാ​മ​നി​ർ​ദേ​ശ പ​ത്രി​ക സ​മ​ർ​പ്പ​ണ​ത്തി​ന്റെ അ​വ​സാ​ന മ​ണി​ക്കൂ​റി​ലാ​ണ് പ്ര​തി​പ​ക്ഷം മ​ത്സ​ര​ത്തി​നി​റ​ങ്ങു​ക​യാ​ണെ​ന്ന് പ്ര​ഖ്യാ​പി​ച്ച​ത്.

എ​ൻ.​ഡി.​എ സ്ഥാ​നാ​ർ​ഥി​യാ​യ ഓം ​ബി​ർ​ള​യെ സ​മ​വാ​യ​ത്തി​ലൂ​ടെ തെ​ര​ഞ്ഞെ​ടു​ക്ക​ണ​മെ​ന്ന് പ്ര​തി​പ​ക്ഷ ക​ക്ഷി​ക​ളോ​ട് അ​ഭ്യ​ർ​ഥി​ക്കാ​ൻ കേ​ന്ദ്ര പ്ര​തി​രോ​ധ​മ​ന്ത്രി രാ​ജ്നാ​ഥ് സി​ങ്ങി​നെ​യാ​ണ് ന​രേ​ന്ദ്ര മോ​ദി​യും അ​മി​ത് ഷാ​യും ചു​മ​ത​ല​പ്പെ​ടു​ത്തി​യ​ത്. ഡെ​പ്യൂ​ട്ടി സ്പീ​ക്ക​ർ പ​ദ​വി പ്ര​തി​പ​ക്ഷ​ത്തി​ന് ന​ൽ​കാ​ൻ ത​യാ​റാ​യാ​ൽ ഓം ​ബി​ർ​ള​യെ സ്ഥാ​നാ​ർ​ഥി​യാ​ക്കി​യാ​ലും കു​ഴ​പ്പ​മി​ല്ലെ​ന്ന നി​ല​പാ​ടാ​ണ് ഇ​ൻ​ഡ്യ സ​ഖ്യം സ്വീ​ക​രി​ച്ച​ത്.

ഭ​ര​ണ​ഘ​ട​ന​യു​ടെ 95-ാം അ​നു​ച്ഛേ​ദ​ത്തി​ൽ സ്പീ​ക്ക​ർ​ക്കൊ​പ്പം ഡെ​പ്യൂ​ട്ടി സ്പീ​ക്ക​റു​ടെ​യും ​തെ​ര​ഞ്ഞെ​ടു​പ്പ് ഒ​രു​മി​ച്ച് ന​ട​ത്ത​ണ​മെ​ന്ന് നി​ഷ്‍ക​ർ​ഷി​ച്ചി​ട്ടും അ​തി​ന് വി​രു​ദ്ധ​മാ​ണ് ന​രേ​ന്ദ്ര മോ​ദി സ​ർ​ക്കാ​റി​ന്റെ നീ​ക്ക​മെ​ന്ന് കോ​ൺ​ഗ്ര​സ് കു​റ്റ​പ്പെ​ടു​ത്തി. എ​ന്നാ​ൽ, ഭ​ര​ണ​ഘ​ട​ന വ്യ​വ​സ്ഥ​യെ​ക്കു​റി​ച്ച് ഒ​ന്നും പ്ര​തി​ക​രി​ക്കാ​തി​രു​ന്ന കേ​ന്ദ്ര​മ​ന്ത്രി​മാ​രാ​യ കി​ര​ൺ റി​ജി​ജു​വും പി​യൂ​ഷ് ഗോ​യ​ലും സ​മ​വാ​യ​ത്തി​ലൂ​ടെ സ്പീ​ക്ക​റെ തെ​ര​ഞ്ഞെ​ടു​ക്കു​ക​യാ​ണ് കീ​ഴ്വ​ഴ​ക്ക​മെ​ന്നും പ്ര​തി​പ​ക്ഷം അ​തി​ന് ഉ​പാ​ധി വെ​ക്കു​ക​യാ​ണെ​ന്നും വി​മ​ർ​ശി​ച്ചു. എ​ൻ.​ഡി​എ ഘ​ട​ക​ക​ക്ഷി​യാ​യ ജ​ന​താ​ദ​ൾ യു​വി​ന്റെ ല​ല​ൻ സി​ങ്ങും ബി.​ജെ.​പി നേ​താ​ക്ക​ളു​ടെ നി​ല​പാ​ട് ശ​രി​വെ​ച്ചു.

ലോ​ക്സ​ഭ​യി​ൽ അ​ഖി​ലേ​ഷ് യാ​ദ​വ് അ​ട​ക്ക​മു​ള്ള പ്ര​തി​പ​ക്ഷ നേ​താ​ക്ക​ളു​മാ​യി രാ​ഹു​ലും കെ.​സി. വേ​ണു​ഗോ​പാ​ലും ച​ർ​ച്ച ന​ട​ത്തി​യ​തി​നു​ശേ​ഷം കൊ​ടി​ക്കു​ന്നി​ൽ കോ​ൺ​ഗ്ര​സ് നേ​താ​ക്ക​ളാ​യ മാ​ണി​ക്കം ടാ​ഗോ​ർ, പ്ര​ദീ​പ് സി​ങ് ഹൂ​ഡ, എം.​കെ. രാ​ഘ​വ​ൻ, ആ​ന്റോ ആ​ന്റ​ണി, ആ​ർ.​എ​സ്.​പി​യു​ടെ എ​ൻ.​കെ. പ്രേ​മ​ച​ന്ദ്ര​ൻ, ഡി.​എം.​കെ​യു​ടെ എ. ​രാ​ജ എ​ന്നി​വ​ർ​ക്കൊ​പ്പം പോ​യി നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ച്ചു. എ​ൻ.​ഡി.​എ ഘ​ട​ക​ക​ക്ഷി നേ​താ​ക്ക​ൾ​ക്കൊ​പ്പം വ​ന്ന് ഓം ​ബി​ർ​ള​യും പ​ത്രി​ക ന​ൽ​കി. ത​ങ്ങ​ളു​മാ​യി കൂ​ടി​യാ​ലോ​ചി​ച്ചി​ല്ലെ​ന്നു​പ​റ​ഞ്ഞ് കൊ​ടി​ക്കു​ന്നി​ലി​​ന്റെ മ​ത്സ​ര​ത്തി​ൽ നി​ന്ന് മാ​റി നി​ൽ​ക്കാ​ൻ ആ​ദ്യം തൃ​ണ​മു​ൽ കോ​ൺ​ഗ്ര​സ് തീ​രു​മാ​നി​ച്ചി​രു​ന്നെ​ങ്കി​ലും രാ​​ഹു​ൽ ഗാ​ന്ധി വൈ​കീ​ട്ട് അ​ഭി​ഷേ​ക് ബാ​ന​ർ​ജി​യു​മാ​യി സം​സാ​രി​ച്ച​തോ​ടെ​യാ​ണ് ഇ​രു​കൂ​ട്ട​ർ​ക്കു​മി​ട​യി​ൽ മ​ഞ്ഞു​രു​കി​യ​ത്.

542 അം​ഗ സ​ഭ​യി​ൽ 271 വോ​ട്ടാ​ണ് സ്പീ​ക്ക​ർ തെ​ര​ഞ്ഞെ​ടു​പ്പി​ൽ ജ​യി​ക്കാ​ൻ വേ​ണ്ട​ത്. നി​ല​വി​ൽ 293 അം​ഗ​ങ്ങ​ളു​ള്ള എ​ൻ.​ഡി.​എ​ക്ക് ജ​യം ഉ​റ​പ്പാ​ണെ​ങ്കി​ലും ഏ​ക​പ​ക്ഷീ​യ​മാ​യ നി​ല​പാ​ടു​മാ​യി മു​ന്നോ​ട്ടു​പോ​കാ​ൻ സ​ർ​ക്കാ​റി​നെ അ​നു​വ​ദി​ക്കേ​ണ്ടെ​ന്ന നി​ല​പാ​ടി​ലാ​ണ് സ്ഥാ​നാ​ർ​ഥി​യെ നി​ർ​ത്താ​ൻ സ​ഖ്യം തീ​രു​മാ​നി​ച്ച​ത്. ലോ​ക്സ​ഭ ​നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ എ​ൻ.​ഡി.​എ​യോ​ട് ദ​യ​നീ​യ​മാ​യി തോ​റ്റ ആ​​​ന്ധ്ര​പ്ര​ദേ​ശി​ലെ വൈ.​എ​സ്.​ആ​ർ.​സി.​പി​യു​ടെ നാ​ല് എം.​പി​മാ​രും എ​ൻ.​ഡി.​എ സ്ഥാ​നാ​ർ​ഥി​ക്ക് വോ​ട്ടു​ചെ​യ്യാ​ൻ തീ​രു​മാ​നി​ച്ചി​ട്ടു​ണ്ട്.