കമൽഹാസ​െൻറ താരമൂല്യം വോട്ടായില്ല; കൂട്ടത്തോടെ കൂടു വിട്ട്​ നേതാക്കൾ

തമിഴ്​നാട്​ നിയമസഭ തെരഞ്ഞെടുപ്പിലെ കടുത്ത പരാജയത്തെ തുടർന്ന്​ കമൽ ഹാസ​െൻറ മക്കൾ നീതി മയ്യത്തിൽ രൂപപ്പെട്ട കലഹം പുറത്തേക്ക്​. ​താരപൂജ എന്നൊന്നില്ല എന്നാണ്​ പാർട്ടിവിട്ട നേതാവ്​ സി.കെ കുമാരവേൽ പറഞ്ഞത്​. നേതൃനിരയിലെ പ്രമുഖരെല്ലാം പാർട്ടി വിട്ടുകൊണ്ടിരിക്കുകയാണ്​. നിയമസഭാ തെരഞ്ഞെടുപ്പിൽ ഒരു സീറ്റു പോലും നേടാനാകാത്തതിൽ കടുത്ത നിരാശയിലായിരുന്നു നേതാക്കളേറെയും. എന്നാൽ, ഇപ്പോൾ പുറത്തു പോകുന്നത്​ ആവശ്യമില്ലാത്ത കളകളാണ്​ എന്നാണ്​ കമൽഹാസൻ നേതാക്കളുടെ രാജിയോട്​ പ്രതികരിച്ചത്​.

മൂന്നു വർഷം മുമ്പ്​ രൂപീകരിച്ച കമൽഹാസ​െൻറ മക്കൾ നീതി മയ്യം തമിഴ്​നാട്ടിൽ 294 സീറ്റിലും മത്സരിച്ചിരുന്നു. എന്നാൽ, കോയമ്പത്തൂർ സൗത്തിൽ നിന്ന്​ മത്സരിച്ച കമൽഹാസനടക്കമുള്ള ഒരു സ്​ഥാനാർഥിക്കും വിജയിക്കാനായില്ല. ഇതേ തുടർന്ന്​ നേതാക്കൾ കൂട്ടത്തോടെ പാർട്ടി വിടുന്നതാണ്​ പിന്നെ കണ്ടത്​. വൈസ്​ പ്രസിഡൻറ്​ ആർ. മഹേന്ദ്രൻ, ജനറൽ സെക്രട്ടറി സന്തോഷ്​ ബാബു എന്നിവരൊക്കെ പാർട്ടി വിട്ടു.

വൈസ്​ പ്രസിഡൻറ്​ മഹേന്ദ്രൻ പാർട്ടി വിട്ടപ്പോൾ വഞ്ചകൻ എന്നാണ്​ കമൽ ഹാസൻ വിശേഷിപ്പിച്ചത്​. വഞ്ചകൻമാരുടെ അപസ്വരങ്ങൾ നീങ്ങുന്നതോടെ പാർട്ടിയുടേത്​ ഏകസ്വരമായി മാറുമെന്നും അദ്ദേഹം പറഞ്ഞു.

കളകൾ പാർട്ടിയിൽ നിന്ന്​ നീങ്ങു​ന്നതോടെ പാർട്ടിയുടെ വളർച്ച ആരംഭിക്കുമെന്നും കമൽഹാസൻ പറഞ്ഞു. ജനറൽ സെക്രട്ടറി സന്തോഷ്​ ബാബു അടക്കമുള്ളവർ വ്യക്​തിപരമായ കാരണങ്ങളാൽ പാർട്ടിവിടുന്നു എന്നാണ്​ പ്രഖ്യാപിച്ചിട്ടുള്ളത്​. പാർട്ടിയിൽ ജനാധിപത്യമില്ല എന്ന്​ ആരോപിച്ചാണ്​ എം. മുരുകാനന്ദൻ പാർട്ടി വിട്ടത്​.

മുൻ ഐ.പി.എസ്​ ഓഫിസർ എ.ജി. മൗര്യ, തങ്കവേൽ, ഉമാദേവി, സി.കെ. കുമാരവേൽ, ശേഖർ, സുരേഷ്​ ​അയ്യർ എന്നിവരെല്ലാം പാരാജയത്തെ തുടർന്ന്​ വ്യത്യസ്​ത കാരണങ്ങൾ ചൂണ്ടികാട്ടി പാർട്ടി വിട്ടവരാണ്​.

2019ൽ ലോക്​സഭ തെരഞ്ഞെടുപ്പിലും മക്കൾ നീതി മയ്യം മത്സരിച്ചിരുന്നു. അന്ന്​ 3.7 ശതമാനം വോട്ടാണ്​ മക്കൾ നീതി മയ്യം നേടിയത്​. ​എന്നാൽ, നിയമസഭ തെരഞ്ഞെടുപ്പിൽ ഭരണകക്ഷിയായ എ.​െഎ.എ.ഡി.എം.കെയും സഖ്യകക്ഷിയായ ബി.ജെ.പിയും ഒരുഭാഗത്തും മറുഭാഗത്ത്​ സ്​റ്റാലി​െൻറ നേതൃത്വത്തിൽ ഡി.എം.കെയും അണിനിരന്നപ്പോൾ കമൽഹാസ​െൻറ പാർട്ടി കൂടുതൽ ദുർബലമാകുകയായിരുന്നു. നിയമസഭാ തെരഞ്ഞെടുപ്പിൽ എം.എൻ.എമ്മി​െൻറ വോട്ടിങ്​ ശതമാനം 2.52 ആയി കുറഞ്ഞു.

കമൽഹാസ​െൻറ താരമൂല്യത്തിന്​ തെരഞ്ഞെടുപ്പിൽ ചലനമുണ്ടാക്കാനാകുന്നില്ലെന്ന്​ ബോധ്യമായതോടെ നേതാക്കൾ കൂട്ടത്തോടെ കൂടുവിടുകയായിരുന്നു. താരപൂജ ഇല്ല എന്ന സി.കെ കുമാരവേലി​െൻറ പ്രസ്​താവന വ്യക്​തമാക്കുന്നത്​ ഇതാണ്​. വോട്ടിങ്​ ശതമാനത്തിൽ കുറവു കാണിക്കുന്ന ഒരു പാർട്ടിക്ക്​ സമീപ കാലത്തൊന്നും ചലനമുണ്ടാക്കാനാകില്ലെന്ന കണക്കൂകൂട്ടലാണ്​ നേതാക്കളുടെ കൊഴിഞ്ഞു പോക്കിന്​ പിറകിൽ.