വിമാനത്തിൽ ഹിന്ദി ദിനപത്രങ്ങൾ നിർബന്ധമാക്കണമെന്ന്​ ഡി.ജി.സി.എ

​ബംഗളൂരു: ഇന്ത്യൻ വിമാനങ്ങളില്‍ ഹിന്ദി പത്രങ്ങളും മാസികകളും നിര്‍ബന്ധമാക്കണമെന്ന്​ സിവില്‍ എവിയേഷന്‍ ഡയറക്ടര്‍ ജനറൽ. ഇതു ​ സംബന്ധിച്ച്​ വിവിധ വിമാനക്കമ്പനികള്‍ക്ക് നിര്‍ദ്ദേശം നല്‍കിക്കൊണ്ട് ഡി.ജി.സി.എ ഉത്തരവിറക്കി. ജൂലൈ 17 ന്​ ഡി.ജി.സി.എ ലളിത് ഗുപ്ത പുറത്തിറക്കിയ ഉത്തരവിൽ വിമാനങ്ങളിൽ ഹിന്ദി,ഇംഗ്ലീഷ് പ്രസിദ്ധീകരണങ്ങളുടെ ലഭ്യത ഒരുപോലെ ഉണ്ടായിരിക്കണമെന്നാണ്​ നിർദേശം.

യാത്രക്കാര്‍ക്ക് ഇംഗ്ലീഷ്, ഹിന്ദി ഭാഷകളിലുള്ള പത്രമാസികകള്‍ ലഭ്യമാകുന്നുണ്ടെന്ന് ഉറപ്പുവരുത്തണം.  വിമാനങ്ങളില്‍ ഹിന്ദി ഭാഷയിലുള്ള പത്രമാസികള്‍ നല്‍കാതിരിക്കുന്നത്​ ദേശീയ ഭാഷ സംബന്ധിച്ച സര്‍ക്കാർ നയങ്ങള്‍ക്ക് എതിരാണെന്നും ഉത്തരവില്‍ പറയുന്നു.

ഡി.ജി.സി.എ പുതിയ ഉത്തരവിനെതിരെ കോൺഗ്രസ്​ എം.പി ശശി തരൂർ ട്വീറ്റ്​ ചെയ്​തു. സസ്യാഹാരത്തോടൊപ്പം  ഇന്ത്യൻ വിമാനങ്ങളിൽ ഹിന്ദി പത്രങ്ങൾ നിർബന്ധമാക്കുകയാണ്​ ഡി.ജി.സി.എക്ക്​ വേണ്ടത്​’ എന്നായിരുന്നു തരൂരി​​െൻറ ട്വീറ്റ്​. എന്നാൽ മറ്റു രാജ്യങ്ങളിലെ വിമാനങ്ങളിൽ സ്വന്തം ദേശീയ ഭാഷയിലുള്ള പ്രസിദ്ധീകരണങ്ങളാണ്​ ഭൂരിഭാഗവുമുണ്ടാകുയെന്നും പുതിയ തീരുമാനത്തിൽ അസ്വഭാവികതയില്ലെന്നും മുൻ കശ്​മീർ മുഖ്യമന്ത്രി ഉമർ അബ്​ദുല്ല ട്വിറ്ററിൽ കുറിച്ചു. 

നേരത്തെ എയർ ഇന്ത്യയുടെ ആഭ്യന്തര എക്കോണമി ക്ലാസില്‍ സസ്യേതര വിഭവങ്ങള്‍ വിതരണം ചെയ്യുന്നത് നിര്‍ത്തിക്കൊണ്ട്  ഉത്തരവിറക്കിയിരുന്നു.