ഏകാധിപത്യം മാത്രമാണ്​ ഏറ്റവും നല്ല പരിഹാരം; കാർഷിക നിയമങ്ങൾ പിൻവലിച്ചതിൽ പ്രതികരണവുമായി കങ്കണ

ന്യൂഡൽഹി: കാർഷിക നിയമങ്ങൾ പിൻവലിക്കാനുള്ള കേന്ദ്രസർക്കാർ തീരുമാനത്തിൽ നിരാശ പ്രകടിപ്പിച്ച്​ ബോളിവുഡ്​ നടി കങ്കണ റണാവത്ത്​. ഇൻസ്റ്റഗ്രാം സ്​റ്റോറീസിലൂടെയും ട്വിറ്ററിലൂടേയുമാണ്​ ​ കങ്കണ വിഷയത്തിലെ പ്രതികരണം അറിയിച്ചത്​.

കാർഷിക നിയമങ്ങൾ പിൻവലിക്കാനുള്ള തീരുമാനം ദുഃഖവും അപമാനവുമുണ്ടാക്കുന്നതാണെന്ന്​ കങ്കണ ട്വിറ്ററിൽ കുറിച്ചു. പാർലമെന്‍റിന്​ പകരം തെരുവുകളിലുള്ള ജനങ്ങൾ നിയമമുണ്ടാക്കാൻ തുടങ്ങിയാൽ ഇതും ഒരു ജിഹാദി രാഷ്​ട്രമായി മാറും. അങ്ങനെ മാറണമെന്ന്​ ആഗ്രഹിക്കുന്നവർക്ക്​ അഭിനന്ദനങ്ങൾ അറിയിക്കുകയാണെന്ന്​ കങ്കണ ട്വിറ്ററിൽ കുറിച്ചു. രാജ്യത്തിന്‍റെ മനസാക്ഷി ഗാഢനിദ്രയിലായിരിക്കു​േമ്പാൾ ലാത്തി മാത്രമാണ്​ ഏക പരിഹാരം. ഏകാധിപത്യം മാത്രമാണ്​ ഏറ്റവും നല്ല തീരുമാനമെന്ന്​ കങ്കണ ഇൻസ്റ്റഗ്രാം സ്​റ്റോറീസിൽ പറഞ്ഞു.

കാർഷിക നിയമങ്ങൾ പിൻവലിക്കാൻ തീരുമാനിച്ചെന്ന്​ പ്രധാനമന്ത്രി നരേന്ദ്ര മോദി പറഞ്ഞിരുന്നു. എതിർപ്പുയർന്ന മൂന്ന്​ നിയമങ്ങളും പിൻവലിക്കുന്നുവെന്നാണ്​ മോദി പറഞ്ഞത്​. രാജ്യത്തെ അഭിസംബോധന ചെയ്​ത്​ സംസാരിക്കു​േമ്പാഴാണ്​ പ്രധാനമന്ത്രിയുടെ സുപ്രധാന പ്രഖ്യാപനം. പാർലമെന്‍റിൽ ഇക്കാര്യം അറിയിക്കുമെന്നും അദ്ദേഹം പറഞ്ഞു.

നിയമം ചിലർക്ക്​ ബുദ്ധിമുട്ടുണ്ടാക്കുന്ന സാഹചര്യത്തിലാണ്​ ഇത്​ പിൻവലിക്കാൻ തീരുമാനിച്ചത്​. ഒരാൾ പോലും ബുദ്ധിമുട്ടാതിരിക്കാനാണ്​ സർക്കാറിന്‍റെ തീരുമാനമെന്നും അദ്ദേഹം പറഞ്ഞു