വിമതരെ കാണാനെത്തിയ ദിഗ​്​വിജയ് സിങ് കസ്​റ്റഡിയിൽ

ബം​ഗ​ളൂ​രു: മ​ധ്യ​പ്ര​ദേ​ശി​ൽ ഭ​ര​ണം പി​ടി​ച്ചു​നി​ർ​ത്താ​നു​ള്ള അ​വ​സാ​ന​ശ്ര​മ​ത്തി​െൻറ ഭാ​ഗ​മാ​യി ബം​ ഗ​ളൂ​രു​വി​ലു​ള്ള വി​മ​ത എം.​എ​ൽ.​എ​മാ​രെ കാ​ണാ​നെ​ത്തി​യ മു​തി​ർ​ന്ന കോ​ൺ​ഗ്ര​സ് നേ​താ​വ് ദി​ഗ് വി​ജ​യ് സ ി​ങ്ങി​നെ പൊ​ലീ​സ് ക​സ്​​റ്റ​ഡി​യി​ലെ​ടു​ത്തു. യെ​ല​ഹ​ങ്ക​യി​ലെ റ​മ​ദാ ഹോ​ട്ട​ലി​ൽ ക​ർ​ണാ​ട​ക പി.​സി.​സി അ​ധ്യ​ക്ഷ​ൻ ഡി.​കെ. ശി​വ​കു​മാ​റി​നും മ​റ്റു നേ​താ​ക്ക​ൾ​ക്കു​മൊ​പ്പ​മെ​ത്തി​യ ദി​ഗ് വി​ജ​യ് സി​ങ്ങി​നെ പൊ​ലീ​സ് അ​ക​ത്തേ​ക്ക് പ്ര​വേ​ശി​പ്പി​ച്ചി​ല്ല. തു​ട​ർ​ന്ന് േഹാ​ട്ട​ലി​നു മു​ന്നി​ൽ ദി​ഗ് വി​ജ​യ് സി​ങ്ങും മ​റ്റു നേ​താ​ക്ക​ളും നി​രാ​ഹാ​ര സ​മ​രം ആ​രം​ഭി​ച്ചു. ഇ​തി​നി​ട​യി​ലാ​യി​രു​ന്നു പൊ​ലീ​സ്​ ഇ​ട​പെ​ട​ൽ.

മ​ധ്യ​പ്ര​ദേ​ശി​ലെ കോ​ൺ​ഗ്ര​സ് മ​ന്ത്രി​മാ​രാ​യ സ​ജ്ജ​ൻ സി​ങ് വ​ർ​മ, ജി​തു പ​ട് വാ​രി തു​ട​ങ്ങി​യ ഒ​മ്പ​തു മ​ന്ത്രി​മാ​രും ര​ണ്ടു എം.​എ​ൽ.​എ​മാ​രും കൂ​ടെ​യു​ണ്ടാ​യി​രു​ന്നു. ബി.​ജെ.​പി എം.​എ​ൽ.​എ അ​ര​വി​ന്ദ് ഭ​ദോ​രി​യ​യും ബി.​ജെ.​പി എം.​പി​യു​മാ​ണ് കോ​ൺ​ഗ്ര​സ് എം.​എ​ൽ.​എ​മാ​രെ പി​ടി​ച്ചു​വെ​ച്ചി​രി​ക്കു​ന്ന​തെ​ന്ന് ദി​ഗ് വി​ജ​യ് സി​ങ് ആ​രോ​പി​ച്ചു. രാ​ജ്യ​സ​ഭ സ്ഥാ​നാ​ർ​ഥി​യാ​യ ത​നി​ക്ക് വോ​ട്ടു ചെ​യ്യേ​ണ്ട സ്വ​ന്തം പാ​ർ​ട്ടി എം.​എ​ൽ.​എ​മാ​രെ കാ​ണാ​നാ​ണ് താ​ൻ എ​ത്തി​യ​തെ​ന്നും ഇ​തി​നി​ട​യി​ൽ ബി.​ജെ.​പി​ക്ക് എ​ന്താ​ണ് കാ​ര്യ​മെ​ന്നും അ​ദ്ദേ​ഹം തു​റ​ന്ന​ടി​ച്ചു. എ​ന്നാ​ൽ, നേ​താ​ക്ക​ളെ കാ​ണാ​ൻ താ​ൽ​പ​ര്യ​മി​ല്ലെ​ന്ന് പൊ​ലീ​സി​നെ അ​റി​യി​ച്ചു​കൊ​ണ്ടു​ള്ള ഹോ​ട്ട​ലി​ലു​ള്ള വി​മ​ത എം.​എ​ൽ.​എ​മാ​ർ ന​ൽ​കി​യ ക​ത്ത് ബം​ഗ​ളൂ​രു റൂ​റ​ൽ എ​സ്.​പി എ​സ്. ഭീ​മ​ശ​ങ്ക​ർ ദി​ഗ് വി​ജ​യ് സി​ങ്ങി​ന് കൈ​മാ​റി.

ദി​ഗ് വി​ജ​യ് സി​ങ്ങി​​െൻറ സ​ന്ദ​ർ​ശ​ന​ത്തി​​െൻറ ഭാ​ഗ​മാ​യി നി​ര​വ​ധി കോ​ൺ​ഗ്ര​സ് പ്ര​വ​ർ​ത്ത​ക​രാ​ണ് ഹോ​ട്ട​ലി​ന് മു​ന്നി​ലെ​ത്തി​യി​രു​ന്ന​ത്. സു​ര​ക്ഷ പ്ര​ശ്ന​മു​ണ്ടെ​ന്നും സ​മ​രം അ​വ​സാ​നി​പ്പി​ച്ച് മ​ട​ങ്ങ​ണ​മെ​ന്നും പൊ​ലീ​സ് അ​റി​യി​ച്ചു. എ​ന്നാ​ൽ, എം.​എ​ൽ.​എ​മാ​രെ കാ​ണാ​തെ പോ​കി​ല്ലെ​ന്ന നി​ല​പാ​ടി​ൽ ദി​ഗ് വി​ജ​യ് സി​ങ് ഉ​റ​ച്ചു​നി​ന്നു. തു​ട​ർ​ന്ന് നി​രാ​ഹാ​ര​മി​രു​ന്നി​രു​ന്ന ദി​ഗ് വി​ജ​യ് സി​ങ്ങി​നെ പി​ടി​ച്ചു​വ​ലി​ച്ചു​കൊ​ണ്ടാ​ണ് പൊ​ലീ​സ് ക​സ്​​റ്റ​ഡി​യി​ലെ​ടു​ത്ത​ത്. ബം​ഗ​ളൂ​രു​വി​ലെ ഡി.​സി.​പി ഒാ​ഫി​സി​ലേ​ക്ക് മാ​റ്റി​യ​ശേ​ഷം ദി​ഗ് വി​ജ​യ് സി​ങ്ങി​നെ​യും ഡി.​കെ. ശി​വ​കു​മാ​റി​നെ​യും മ​ധ്യ​പ്ര​ദേ​ശി​ൽ​നി​ന്നു​ള്ള മ​റ്റു നേ​താ​ക്ക​ളെ​യും വി​ട്ട​യ​ക്കു​ക​യാ​യി​രു​ന്നു. തു​ട​ർ​ന്ന് വി​മ​ത​രെ കാ​ണ​ണ​മെ​ന്നാ​വ​ശ്യ​പ്പെ​ട്ട് ദി​ഗ് വി​ജ​യ് സി​ങ് ക​ർ​ണാ​ട​ക ഹൈ​കോ​ട​തി​യെ സമീപിച്ചെങ്കിലും ഹ​ര​ജി തള്ളി.