മോദിയെ നേരിടാൻ കോൺഗ്രസിലെ നെഹ്​റു പാരമ്പ​ര്യത്തെ തള്ളി വൻനിര; കപിൽ സിബലി​െൻറ വസതിയിൽ അത്താഴവിരുന്ന്​

ന്യൂഡൽഹി: പ്രധാനമ​ന്ത്രി നരേന്ദ്രമോദിയുടെ നേതൃത്വത്തിലുള്ള കേന്ദ്രഭരണത്തിനെതിരായ ​പ്രതിഷേധ പരിപാടികൾ ആസൂത്രണം ചെയ്യുന്നതിനും കോൺഗ്രസി​െൻറ പുനരുജ്ജീവനവും ചർച്ചയാക്കിയും മുൻ കേന്ദ്രമന്ത്രിയും കോൺഗ്രസ്​ നേതാവുമായ കപിൽ സിബലി​െൻറ വസതിയിൽ അത്താഴവിരുന്നത്​.

ഡൽഹിയിൽ തിങ്കളാഴ്​ച രാത്രി നടന്ന ചടങ്ങിൽ പ്രതിപക്ഷത്തെ നിരവധി നേതാക്കൾ പ​ങ്കെടുത്തു. കപിൽ സിബലി​െൻറ ജന്മദിനാഘോഷത്തോ​ടനുബന്ധിച്ചായിരുന്നു അത്താഴവിരുന്ന്​. എന്നാൽ മോദി സർക്കാറിനെതിരായ പ്രതിഷേധ പരിപാടികൾ തീരുമാനിക്കുന്നതിനൊപ്പം കോൺഗ്രസി​െൻറ നെഹ്​റു കുടുംബ വാഴ്​ചയെക്കുറിച്ചും ചർച്ചയായാതായാണ്​ വിവരം.

സോണിയ ഗാന്ധി, രാഹുൽ ഗാന്ധി, പ്രിയങ്ക ഗാന്ധി എന്നിവർ യോഗത്തിൽ പ​ങ്കെടുത്തിരുന്നില്ല. നെഹ്​റു കുടുംബത്തിൽനിന്ന്​ കോൺഗ്രസിനെ മോചിപ്പിച്ചാൽ മാത്രമേ പുനരുജ്ജീവനം സാധ്യമാകൂവെന്ന്​ ചില നേതാക്കൾ അഭിപ്രായപ്പെട്ടതായി ദേശീയ മാധ്യമങ്ങൾ റിപ്പോർട്ട്​ ചെയ്​തു.

കഴിഞ്ഞവർഷം കോൺഗ്രസിൽ സമ്പൂർണ മാറ്റം ആവശ്യപ്പെട്ട്​ കപിൽ സിബൽ ഉൾപ്പെടെ മുൻ കേന്ദ്രമന്ത്രിമാരും അഞ്ചു മുഖ്യമന്ത്രിമാരും ഉൾപ്പെടെ 23 പേർ കത്തിൽ ഒപ്പിട്ടിരുന്നു. കോൺഗ്രസി​െൻറ മുകൾ തട്ടുമുതൽ താഴെ തട്ടുവരെ സമ്പൂർണ പൊളി​ച്ചെഴുത്ത്​ വേണമെന്നായിരുന്നു ആവശ്യം. കൂടാതെ പൂർണ സമയ സജീവ നേതൃത്വം വേണമെന്നും ആവശ്യപ്പെട്ടിരുന്നു. ഗുലാം നബി ആസാദ്​, മനീഷ്​ തിവാരി, പി.ജെ. കുര്യൻ, ശശി തരൂർ തുടങ്ങിയവരായിരുന്നു കത്തിൽ ഒപ്പിട്ടവരിൽ പ്രമുഖർ.

മുൻ കേന്ദ്രമന്ത്രിയായ പി. ചിദംബരം, ശശി തരൂർ, ആനന്ദ്​ ശർമ തുടങ്ങിയവരാണ്​ കോൺഗ്രസിൽനിന്ന്​ അത്താഴവിരുന്നിൽ പ​ങ്കെടുത്തവർ. കൂടാതെ രാഷ്​ട്രീയ ജനതാദൾ നേതാവ്​ ലാലു പ്രസാദ്​ യാദവ്​, സമാജ്​വാദി പാർട്ടി നേതാവ്​ അഖിലേഷ്​ യാദവ്​, ശിവസേനയുടെ സഞ്​ജയ്​ റാവത്ത്​, എൻ.സി.പിയുടെ ശരദ്​ പവാർ, തൃണമൂലി​െൻറ ഡെറിക്​ ഒബ്രിയാൻ, നാഷനൽ കോൺഫറൻസി​െൻറ ഒമർ അബ്​ദുല്ല തുടങ്ങിയവരും ​പ​ങ്കെടുത്തു. ആദ്യമായി അകാലിദളിനെയും കൂടിക്കാഴ്​ചയിൽ ക്ഷണിച്ചിരുന്നു. മുതിർന്ന പാർട്ടി നേതാവായ നരേഷ്​ ഗുജ്​റാൾ ഇതിൽ പ​ങ്കെടുത്തു.

കേന്ദ്രസർക്കാറിനെതിരായ ആക്രമണം സിബൽ തുടങ്ങിവെച്ചായിരുന്നു യോഗത്തി​െൻറ തുടക്കം. എല്ലാ ഭരണകൂട സ്​ഥാപനങ്ങളും ബി.​െജ.പി ഭരണകാലത്ത്​ നശിപ്പിക്കപ്പെട്ടതായി അദ്ദേഹം പറഞ്ഞു. കൂടാതെ പ്രതിപക്ഷ പാർട്ടികൾ ഒരുമിച്ച്​ നിൽക്കേണ്ടതി​െൻറ ആവശ്യ​കതയും അ​േദ്ദഹം പങ്ക​ുവെച്ചു.

കോൺഗ്രസ്​ ശക്തമായി നിലകൊണ്ടാൽ ഒപ്പം പ്രതിപക്ഷവും ശക്തമാകുമെന്നായിരുന്നു ഒമർ അബ്​ദുല്ലയുടെ അഭിപ്രായം. കോൺഗ്രസിനെ ശക്തിപ്പെടുത്താൻ എന്തുചെയ്യാൻ കഴിയുമെന്നും അദ്ദേഹം ആരാഞ്ഞു.

എന്നാൽ, നെഹ്​റു കുടുംബത്തെ പ്രത്യക്ഷമായി ആക്രമിച്ചായിരുന്നു നരേഷ്​ ഗുജ്​റാളി​െൻറ തുടക്കം. നെഹ്​റു കുടുംബത്തിൽനിന്ന്​ കോൺഗ്രസ്​ പുറത്തുവന്നില്ലെങ്കിൽ പാർട്ടിയെ ശക്തിപ്പെടുത്തുക പ്രയാസമായിരിക്കുമെന്നായിരുന്നു ഗുജ്​റാളി​െൻറ പ്രതികരണം. കോൺഗ്രസിനുള്ളിൽനിന്നും പ്രതിപക്ഷ പാർട്ടികളിൽനിന്നും ഇത്തരമൊരു ആവശ്യം ശക്തമായി ഉയരുന്നത്​ സോണിയ ഗാന്ധി നേതൃത്വത്തിന്​ പുതിയ തലവേദനയാകും. രാഹുൽ ഗാന്ധിയുടെ തിരിച്ചുവരവ്​ ആഗ്രഹിക്കുന്നവരും കുറവല്ല.

പ്രതിപക്ഷ പാർട്ടികൾ ഒരുമിച്ച്​ ചേർന്ന്​ ബി.ജെ.പിയെ നേരിടണമെന്നായിരുന്നു ലാലുവി​െൻറ അഭിപ്രായം. ബി.ജെ.പിക്കെതിരെ ഐക്യമുന്നണി രൂപവത്​കരിക്കാൻ പ്രാദേശിക പാർട്ടികളുമായി ധാരണയിലെത്തണമെന്ന്​ പി. ചിദംബരം നിർദേശിച്ചു. അടുത്തവർഷം നടക്കുന്ന ഉത്തർപ്രദേശ്​ തെരഞ്ഞെടുപ്പിൽ അഖിലേഷ്​ യാദവിന്​ വിജയം ആശംസിക്കാനും നേതാക്കൾ സമയം കണ്ടെത്തി.