കോൺഗ്രസിൽ നിന്ന്​ കൂറുമാറി ബി.ജെ.പിയിലെത്തിയ എം.എൽ.എക്ക്​ 10 കോടിയുടെ കാർ

ബംഗളൂരു: കർണാടകയിൽ കോൺഗ്രസിൽ കൂറുമാറി ബി.ജെ.പി പക്ഷത്തേക്ക്​ എത്തിയ ​എം.എൽ.എ എം.ടി.ബി നാഗരാജ്​ 10 കോടിയുടെ റോൾ സ്​ റോയ്​സ്​ സ്വന്തമാക്കി. റോൾസ്​ റോയ്​സ്​ ഫാൻറം മോഡലാണ്​ നാഗരാജ്​ വാങ്ങിയത്​. ഇന്ത്യയിൽ ​ലഭ്യമാവുന്ന റേ ാൾസ്​ റോയ്​സിൻെറ ഏറ്റവും വില കൂടിയ മോഡലാണ്​ ഫാൻറം. ഏകദേശം 11 കോടിയാണ്​ മോഡലിൻെറ വിപണി വില.

കാറിൽ നിരവധി മ ാറ്റങ്ങൾ വരുത്താനുള്ള സൗകര്യവും റോൾസ്​ റോയ്​സ്​ നൽകുന്നുണ്ട്​. അത്തരം സൗകര്യങ്ങൾ നാഗരാജ് കൂട്ടിച്ചേർത്തിട്ടുണ്ടെങ്കിൽ മോഡലിൻെറ വില ഇനിയും ഉയരും. ഫാൻറം സ്വന്തമാക്കിയതോടെ വില കൂടിയ കാറുകളുള്ള രാഷ്​ട്രീയക്കാരുടെ പട്ടികയിലേക്കാണ്​​ നാഗരാജ​ും എത്തുന്നത്​.

​ നാഗരാജ്​ റോൾസ്​ റോയ്​സിനടുത്ത നിൽക്കുന്ന ചിത്രം കോൺഗ്രസ്​ വക്​താവ്​ നിവേദിത് പോസ്​റ്റ്​ ചെയ്​തതോടെയാണ്​ സംഭവം വിവാദമായത്​. പുതിയ കാറിൽ നാഗരാജ്​ യെദിയൂരപ്പയെ കാണാനെത്തിയ​തായും വാർത്തകളുണ്ട്​. 6.75 ലിറ്റർ പെട്രോൾ എൻജിനിൻെറ കരുത്തിലാണ്​ റോൾസ്​ റോയ്​സ്​ ഫാൻറം വിപണിയിലെത്തുന്നത്​. 563 ബി.എച്ച്​.പിയാണ്​ പവർ. 900 എൻ.എമ്മാണ്​ ടോർക്ക്​.