നി​ർ​ബ​ന്ധി​ത ഗ്രാ​മീ​ണ സേ​വ​നം: ബോ​ണ്ട്​ തെ​റ്റി​ച്ച ഡോ​ക്​​ട​ർ​മാ​രു​ടെ ലൈ​സ​ൻ​സ്​ റ​ദ്ദാ​ക്കു​ന്ന​ത്​ ഹൈ​കോ​ട​തി ത​ട​ഞ്ഞു

ബം​ഗ​ളൂ​രു: നി​ർ​ബ​ന്ധി​ത ഗ്രാ​മീ​ണ സേ​വ​നം അ​നു​ഷ്​​ഠി​ക്കാ​തി​രു​ന്ന ഡോ​ക്​​ട​ർ​മാ​രു​ടെ ലൈ​സ​ൻ​സ്​ റ​ദ്ദാ​ക്കാ​നും മൂ​ന്ന​ര ല​ക്ഷം രൂ​പ വീ​തം  പി​ഴ​യീ​ടാ​ക്കാ​നു​മു​ള്ള ക​ർ​ണാ​ട​ക ആ​രോ​ഗ്യ​വ​കു​പ്പി​​​െൻറ ഉ​ത്ത​ര​വ്​ ഹൈ​കോ​ട​തി ഇ​ട​ക്കാ​ല ഉ​ത്ത​ര​വി​ലൂ​ടെ ത​ട​ഞ്ഞു. ദ​ക്ഷി​ണ ക​ന്ന​ഡ ജി​ല്ല​യി​ലെ ഡോ. ​ദി​വ്യ​യ​ട​ക്കം 200 പേ​ർ ന​ൽ​കി​യ ഹ​ര​ജി​യെ തു​ട​ർ​ന്നാ​ണ്​ കോ​ട​തി ഇ​ട​പെ​ട​ൽ. 

ത​ങ്ങ​ൾ കോ​ഴ്​​സ്​ പൂ​ർ​ത്തി​യാ​ക്കി വ​ർ​ഷ​ങ്ങ​ൾ ക​ഴി​ഞ്ഞാ​ണ്​ 2017 മേ​യ്​ 20ന്​ ​ആ​രോ​ഗ്യ കു​ടും​ബ​ക്ഷേ​മ വ​കു​പ്പ്​ ഇൗ ​ഉ​ത്ത​ര​വ്​ ന​ൽ​കി​യ​തെ​ന്ന്​ ഹ​ര​ജി​ക്കാ​ർ ചൂ​ണ്ടി​ക്കാ​ട്ടി. ജോ​ലി​യി​ലെ ന​ട​പ​ടി​ക്ര​മം പാ​ലി​ക്കാ​ത്ത​തി​ന്​ കാ​ര​ണം കാ​ണി​ക്കാ​ൻ ആ​വ​ശ്യ​പ്പെ​ട്ട്​ മേ​യ്​ 29ന്​ ​ക​ർ​ണാ​ട​ക മെ​ഡി​ക്ക​ൽ കൗ​ൺ​സി​ൽ ന​ൽ​കി​യ നോ​ട്ടീ​സി​നെ​യും അ​വ​ർ ചോ​ദ്യം​ചെ​യ്​​തു.

കോ​ഴ്​​സ്​ പൂ​ർ​ത്തി​യാ​ക്കി​യ സ​മ​യ​ത്ത്​ ഗ്രാ​മീ​ണ മേ​ഖ​ല​യി​ലെ സ​ർ​ക്കാ​ർ ആ​ശു​പ​ത്രി​ക​ളി​ൽ ജോ​ലി​ചെ​യ്യ​ണ​മെ​ന്ന​ത്​ സം​ബ​ന്ധി​ച്ച്​ സ​ർ​ക്കാ​ർ വ്യ​ക്ത​മാ​യ നി​ർ​ദേ​ശ​മൊ​ന്നും ന​ൽ​കി​യി​രു​ന്നി​ല്ല. ആ​വ​ശ്യ​മെ​ങ്കി​ൽ സ​ർ​ക്കാ​ർ ആ​ശു​പ​ത്രി​ക​ളി​ൽ ജോ​ലി ചെ​യ്യേ​ണ്ടി​വ​രു​മെ​ന്നാ​ണ്​ ബോ​ണ്ടി​ലു​ള്ള​ത്. ബോ​ണ്ട്​ തെ​റ്റി​ച്ചെ​ന്ന കാ​ര​ണ​ത്താ​ൽ സ​ർ​ക്കാ​ർ വ്യാ​പ​ക​മാ​യി വി​ദ്യാ​ർ​ഥി​ക​ൾ​ക്കെ​തി​രെ ശി​ക്ഷാ​ന​ട​പ​ടി കൈ​ക്കൊ​ള്ളു​ന്ന സാ​ഹ​ച​ര്യ​ത്തി​ൽ മെ​ഡി​ക്ക​ൽ​കോ​ഴ്​​സ്​ പൂ​ർ​ത്തി​യാ​യ​വ​ർ​ക്കു​ള്ള 2012ലെ ​ക​ർ​ണാ​ട​ക നി​ർ​ബ​ന്ധി​ത സേ​വ​ന പ​രി​ശീ​ല​ന​നി​യ​മം റ​ദ്ദാ​ക്ക​ണ​മെ​ന്നും ഹ​ര​ജി​ക്കാ​ർ ആ​വ​ശ്യ​പ്പെ​ട്ടു.  ഡോ​ക്​​ട​ർ​മാ​ർ​ക്കെ​തി​രാ​യ ശി​ക്ഷാ​ന​ട​പ​ടി ത​ട​ഞ്ഞ്​ ഉ​ത്ത​ര​വി​ട്ട ജ​സ്​​റ്റി​സ്​ സി. ​ന​രേ​ന്ദ​ർ സം​സ്​​ഥാ​ന സ​ർ​ക്കാ​റി​നും ക​ർ​ണാ​ട​ക മെ​ഡി​ക്ക​ൽ കൗ​ൺ​സി​ലി​നും നോ​ട്ടീ​സ​യ​ച്ചു. ജൂ​ൺ 19ന്​ ​കേ​സി​ൽ വീ​ണ്ടും വാ​ദം​കേ​ൾ​ക്കും