സുഹൃത്തുക്കളായ ഡോക്​ടർമാർപോലും ഫോൺ എടുക്കുന്നില്ല; നിസ്സഹായത വിവരിച്ച്​ ബി.ജെ.പി എം.പി

ന്യൂഡൽഹി: രാജ്യത്ത്​ കോവിഡ്​ രണ്ടാംതരംഗത്തിൽ ബിഹാറിൽ സ്​ഥിതി അതീവ രൂക്ഷമാണെന്ന്​ വിവരിച്ച്​ ബി.ജെ.പി നേതാവ്​. സംസ്​ഥാനത്ത്​ ആശു​പത്രികളിൽ കിടക്കകൾ ഒഴി​വില്ലെന്നും ഓക്​സിജൻ ദൗർലഭ്യമാണെന്നും അതിനാൽ ജനങ്ങ​േളാട്​ കോവിഡ്​ മാനദണ്ഡങ്ങൾ കർശനമായി പാലിക്കണമെന്നുമാണ്​ എം.പിയുടെ നിർദേശം.

നിസ്സഹായനായതിനാൽ എന്‍റെ പ്രിയ സുഹൃത്തായ ഡോക്​ടർപോലും ഫോൺ വിളിച്ചാൽ എടുക്കുന്നില്ല. മാസ്​ക്​ ധരിക്കലും സാമൂഹിക അകലം പാലിക്കലുമാണ്​ കൊറോണ വൈറസിന്‍റെ പ്രധാന പ്രതി​േരാധ മാർഗം. നിർഭാഗ്യവശാൽ മാരക വൈറസ്​ ഉയർത്തുന്ന ഭീഷണി ജനങ്ങൾ​ ഇതുവരെ മനസിലാക്കിയിട്ടില്ല -ലോക്​സഭ എം.പിയും ബി.ജെ.പി സംസ്​ഥാന പ്രസിഡന്‍റുമായ സഞ്​ജയ്​ ജയ്​സ്വാൾ പറയുന്നു.

വ്യാപനം രൂക്ഷമായതോടെ എന്‍റെ ഡോക്​ടർ സുഹൃത്തുപോലും ​േഫാൺ വിളിച്ചിട്ട്​ എടുക്കുന്നില്ല. നിലവിലെ സാഹചര്യത്തിൽ അവരും നിസ്സഹായരാണ്​. രണ്ടാംതരംഗത്തിൽ നിരവധി പ്രിയപ്പെട്ടവരെ എനിക്ക്​ നഷ്​ടപ്പെട്ടു -എം.പി ഫേസ്​ബുക്കിൽ കുറിച്ചു.

കോവിഡ്​ രോഗികളുടെ ജീവൻ രക്ഷിക്കുന്നതിനായി ചമ്പാരൻ മണ്ഡലത്തിൽ ആശുപത്രി കിടക്കകളും ഓക്​സിജൻ സൗകര്യവും ഒരുക്കി. എന്നാൽ സൗകര്യം തികയാത്ത ഘട്ടത്തിലെത്തി. ​േബട്ടിയ നഗരത്തിൽ കിടക്കകളുടെ എണ്ണം ഉയർത്താനാണ്​ ശ്രമം. ശ്രമം വിജയിച്ചേക്കാം. എന്നാൽ അവ മതിയാകില്ല. പോസിറ്റിവിറ്റി നിരക്ക്​ 30 ശതമാനത്തിലെത്തി' -ജയ്​സ്വാൾ പറഞ്ഞു.

രാജ്യത്ത്​ കോവിഡ്​ ബാധ രൂക്ഷമായ സംസ്​ഥാനങ്ങളിലൊന്നാണ്​ ബിഹാർ. ലക്ഷത്തോളം പേരാണ്​ ഇവിടെ ചികിത്സയിലുള്ളത്​. രാജ്യത്തെ 78.18 ശതമാനം കേസുകൾ റിപ്പോർട്ട്​ ചെയ്യുന്ന 11 സംസ്​ഥാനങ്ങളിലൊന്നാണ്​ ബിഹാറെന്ന്​ ആരോഗ്യമന്ത്രാലയത്തിന്‍റെ കണക്കുകൾ സൂചിപ്പിക്കുന്നു.