രണ്ടാനച്ഛൻ പീഡിപ്പിച്ച 10 വയസുകാരിയു​ടെ അഞ്ചുമാസമായ ഗർഭം അലസിപ്പിക്കുന്നു

റോഹ്​തക്​: രണ്ടാനച്ഛൻ പീഡിപ്പിച്ച്​ ഗർഭിണിയാക്കിയ 10 വയസുകാരിയുടെ ഗർഭം അലസിപ്പിക്കാൻ തീരുമാനം. അഞ്ചു മാസം പൂർത്തിയായ ഗർഭം അലസിപ്പിക്കാൻ ഡോക്​ടർമാരുടെ പാനലാണ്​ തീരുമാനിച്ചത്​. കുട്ടിയുടെ ഭാവി സുരക്ഷിതമാക്കുന്നതിനാണ്​ നടപടിയെന്ന്​ഡോക്​ടർമാർ പറഞ്ഞു. അമ്മയു​ടെ ജീവന്​ ഭീഷണിയുണ്ടെങ്കിൽ മാത്രമേ 20 ആഴ്​ച പൂർത്തിയായ ഗർഭം അലസിപ്പിക്കാൻ അനുവദിക്കൂ. അതിന്​ കോടതിയുടെ അനുവാദവും ആവശ്യമാണ്​. 

കുട്ടിയുടെ അമ്മ കോടതിയെ സമീപിച്ച്​ ഗർഭംഅലസിപ്പിക്കാൻ അനുമതി തേടിയിരുന്നു. ഒരുകുഞ്ഞിനെ കൂടി പരിചരിക്കാനുള്ള സാമ്പത്തിക സ്​ഥിതിയില്ലെന്ന്​ കാണിച്ചാണ്​ അമ്മ കോടതിയെ സമീപിച്ചിരുന്നത്​. 10 വയസുകാരി കൂടാതെ ഇവർക്ക്​ നാലുമക്കൾ കൂടി​ ഉണ്ട്​. തീരുമാനം ഡോക്​ടർമാരു​ടെ അഭിപ്രായത്തിനു വിടുകയായിരുന്നു കോടതി. 

കുട്ടിയെ പീഡിപ്പിച്ച രണ്ടാനച്ഛനെ കഴിഞ്ഞ ദിവസം അറസ്​റ്റ്​ ചെയ്​തിരുന്നു. കുഞ്ഞിന്​ ശാരീരിക തളർച്ച അനുഭവപ്പെട്ടതി​െന തുടർന്ന്​ ആശുപത്രിയിൽ പ്രവേശിപ്പിച്ചപ്പോഴാണ്​ അഞ്ചുമാസം ഗർഭിണിയാണെന്ന വിവരം പുറത്തറിഞ്ഞത്​. ബിഹാറിൽ നിന്നുള്ള കുടിയേറ്റ തൊഴിലാളിലയായ മാതാവ്​ ജോലി കഴിഞ്ഞ്​ വീട്ടിലെത്തിയപ്പോൾ  തളർന്ന്​ കിടക്കുന്ന മകളെ കണ്ട്​ ആശുപത്രിയിൽ പ്രവേശിപ്പിക്കുകയായിരുന്നു. രണ്ടാനച്ഛനും ബന്ധുവും ലൈംഗീകമായി പീഡിപ്പിച്ചുവെന്ന്​ കുട്ടി അമ്മയോട്​ പറഞ്ഞു. കുട്ടിയുടെ മൊഴി പ്രകാരമാണ്​ രണ്ടാനച്ഛ​െന പൊലീസ്​ പിടിച്ചത്​.  

ലൈംഗീക പീഡനക്കേസിലെ ഇരകൾ 20 ആഴ്​ചയായ ഗർഭം അലസിപ്പിക്കാൻ അനുവദിക്കണമെന്നാവശ്യ​പ്പെട്ട്​ നിരന്തരമായി കോടതിയെ സമീപിക്കുന്നതിനാൽ 24 ആഴ്​ച വ​രെയുള്ള ഗർഭം അലസിപ്പിക്കുന്നത്​ അനുവദനീയമാക്കണമെന്ന ആവശ്യവും ഉയരുന്നുണ്ട്​. പലരും ഗർഭിണിയാണെന്ന്​ പുറത്തറിയുന്നത്​ അഞ്ച്​ മാസമാകു​േമ്പാഴാണ്​. അതിനാൽ ആറു മാസം വ​രെയുീള്ള ഗർഭം അലസിപ്പിക്കാൻ അനുവദിക്കണമെന്നതാണ്​ സാമൂഹിക പ്രവർത്തകൾ ആവശ്യപ്പെടുന്നത്​.