ലിംഗായത്തുകൾ ഹിന്ദുക്ക​ള​െല്ലന്ന്​​ എസ്​.എം ജാംദർ

ബംഗളൂരു: ലിംഗായത്തുകൾ ഹിന്ദുക്കളോ ഹിന്ദുവിരുദ്ധരോ അ​െല്ലന്ന്​​ ലിംഗായത്ത്​ ഗവേഷകൻ എസ്​.എം ജാംദർ. ലിംഗായത്തുകളും വീരശൈവരും വ്യത്യസ്​തരാണെന്നും ജാംദർ ഇന്ത്യൻ എക്​സ്​പ്രസിനു നൽകിയ അഭിമുഖത്തിൽ പറഞ്ഞു. ലിംഗായത്തുക​െള പ്രത്യേക മതമായി അംഗീകരിച്ച സർക്കാർ നടപടിക്കെതിരെ മുൻ ലോകായുക്​ത സന്തോഷ്​ ഹെഗ്​ഡെ പറഞ്ഞത്​ മുസ്​ലീംകളി​െല ശിയ, സുന്നി വിഭജനം പേ​ാെലയാണി​െതന്നായിരുന്നു. ലിംഗായത്തുകൾക്കും വീരശൈവകൾക്കുമിടയിൽ ഇത്​ വിഭജനം ഉണ്ടാക്കി എന്നാണ്​ പറയുന്നത്​.  

ശിയാക്കളും സുന്നികളും മുസ്​ലിംകൾ തന്നെയാണെന്ന്​ ജാംദർ പറഞ്ഞു​. ഒരേ വിശുദ്ധ ഗ്രന്ഥത്തിൽ വിശ്വസിക്കുകയും ഒരേ ദൈവത്തെ പ്രാർഥിക്കുകയും ചെയ്യുന്നു. ഒരുപോലെ ഹജ്ജിനു പോകുകയും റമദാനിൽ വ്രതമെടുക്കുകയും ചെയ്യുന്നു. എന്നാൽ ലിംഗായത്തുകളും വീരശൈവരും വ്യത്യസ്​തരാണ്​. വീരശൈവർ ഹിന്ദുക്കൾ തന്നെയാണ്​. അവർ ശിവലിംഗ​െത്ത പൂജിക്കുന്നു. എന്നാൽ, ലിംഗായത്തുകൾ ഇഷ്​ടലിംഗത്തെയാണ്​ പൂജിക്കുന്നതെന്നും അദ്ദേഹം വ്യക്​തമാക്കി. 

തങ്ങൾക്കിടയിൽ ജാതിഭേദമില്ല. ലിംഗായത്ത്​ എന്നത്​ ജൻമംകൊണ്ടുണ്ടാകുന്ന മതമല്ല. ബ്രാഹ്​മണനായ ബസവയാണ്​ മതസ്​ഥാപകൻ. ബസവ​യുടെ സമകാലീനനായിരുന്ന രേണുകാചാര്യയിലാണ്​ വീരശൈവർ വിശ്വസിക്കുന്നത്​.  ബസവ ജാതി വ്യത്യാസങ്ങൾക്കെതിരെ പ്രതികരിച്ച്​ സമുദായത്തിൽ നിന്ന്​ പുറത്തു വന്നയാളാണ്​. അദ്ദേഹത്തി​​​െൻറ വചനങ്ങളാണ്​ തങ്ങളുടെ വേദ ഗ്രന്ഥം. വീരശൈവരുടെ ഗ്രന്ഥം​ സിദ്ധാന്തശിഖാമണിയാണെന്നും ലിംഗായത്ത്​ ​ഗവേഷകനായ എസ്​.എം ജാംദർ പറഞ്ഞു. 

വീരശൈവരും ഹിന്ദുക്കളും തമ്മിൽ വ്യത്യാസമില്ല. വീരശൈവർ കൂടുതൽ യാഥാസ്​ഥിതികരാണ്​. ഹിന്ദു ആശയങ്ങൾ പലതും അവരും പിന്തുടരുന്നുണ്ട്​. എന്നാൽ ലിംഗായത്തുകൾ അങ്ങനെയല്ല. തങ്ങളുടെ ജീവിതരീതി മാത്രമല്ല ശവ സംസ്​കാരവും വ്യത്യസ്​തമാണ്​. ഇരിക്കുന്ന രീതിയിൽ പൂർണ നഗ്​നരായാണ്​ മൃതദേഹം സംസ്​കരിക്കുക. കൈയിൽ ഇഷ്​ടലിംഗവും ഉണ്ടായിരിക്കും. തങ്ങളുടെ വിശ്വാസ പ്രകാരം സ്വർഗ നരകങ്ങളില്ല. പുനർജൻമവുമില്ല. മരണം എന്നത്​ ദൈവവുമായുള്ള കൂടിച്ചേരലാണ്​. കൂടാതെ വേദങ്ങളുടെ ശക്​തമായ വിമർശകർ കൂടിയാണ്​ ലിംഗായത്തുകളെന്നും ജാംദർ കൂട്ടിച്ചേർത്തു.