മാവോയിസ്​റ്റ്​ ആക്രമണം: ദൂരദർശൻ കാമറമാനും രണ്ട്​ പൊലീസുകാരും കൊല്ലപ്പെട്ടു

റാ​യ്​​പു​ർ: ഛത്തി​സ്​​ഗ​ഢി​ൽ മാ​വോ​വാ​ദി​ ആ​ക്ര​മ​ണ​ത്തി​ൽ ദൂ​ര​ദ​ർ​ശ​ൻ ന്യൂ​സ്​ കാ​മ​റ​മാ​നും ര​ണ്ടു പൊ​ലീ​സു​കാ​രും കൊ​ല്ല​പ്പെ​ട്ടു. ദ​ന്തേ​വാ​ഡ ജി​ല്ല​യി​ലെ നി​ല​വ​യ ഗ്രാ​മ​ത്തി​ൽ ചൊ​വ്വാ​ഴ്​​ച രാ​വി​ലെ 10നാ​യി​രു​ന്നു സം​ഭ​വം. ര​ണ്ടു പൊ​ലീ​സു​കാ​ർ​ക്ക്​ പ​രി​ക്കേ​റ്റു.

ഡ​ൽ​ഹി​യി​ലെ ദൂ​ര​ദ​ർ​ശ​ൻ ന്യൂ​സ്​ കാ​മ​റ​മാ​ൻ അ​ച്യു​താ​ന​ന്ദ്​ സാ​ഹു, സ​ബ്​ ഇ​ൻ​സ്​​പെ​ക്​​ട​ർ രു​ദ്ര​പ്ര​താ​പ്, അ​സി​സ്​​റ്റ​ൻ​റ്​ കോ​ൺ​സ്​​റ്റ​ബി​ൾ മം​ഗ​ളു എ​ന്നി​വ​രാ​ണ്​ കൊ​ല്ല​പ്പെ​ട്ട​ത്. പൊ​ലീ​സ്​ തി​രി​ച്ചു​വെ​ടി​വെ​ച്ച​പ്പോ​ൾ ര​ണ്ടു മാ​വോ​വാ​ദി​ക​ളും കൊ​ല്ല​പ്പെ​ട്ടു. അ​ടു​ത്ത​മാ​സം ന​ട​ക്കു​ന്ന സം​സ്​​ഥാ​ന നി​യ​മ​സ​ഭ തെ​ര​ഞ്ഞെ​ടു​പ്പ്​ റി​പ്പോ​ർ​ട്ട്​ ചെ​യ്യാ​നാ​ണ്​ ദൂ​ര​ദ​ർ​ശ​ൻ സം​ഘം എ​ത്തി​യ​ത്. ഇ​വ​രോ​ടൊ​പ്പ​മു​ണ്ടാ​യി​രു​ന്ന ഒ​രു പ​ത്ര​പ്ര​വ​ർ​ത്ത​ക​നും ര​ണ്ട്​ ദൂ​ര​ദ​ർ​ശ​ൻ ജീ​വ​ന​ക്കാ​രും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു.

ര​ണ്ടു ഘ​ട്ട​ങ്ങ​ളാ​യി ന​വം​ബ​ർ 12നും 20​നു​മാ​ണ്​ ഛത്തി​സ്​​ഗ​ഢി​ൽ വോ​െ​ട്ട​ടു​പ്പ്. മാ​വോ​വാ​ദി​ക​ൾ ഡ​ൽ​ഹി​യി​ൽ നി​ന്നെ​ത്തി​യ ദൂ​ര​ദ​ർ​ശ​ൻ സം​ഘ​ത്തി​നും പൊ​ലീ​സു​കാ​ർ​ക്കും നേ​രെ വെ​ടി​യു​തി​ർ​ക്കു​ക​യാ​യി​രു​ന്നു​വെ​ന്ന്​ ദ​ന്തേ​വാ​ഡ ജി​ല്ല പൊ​ലീ​സ്​ മേ​ധാ​വി അ​ഭി​ഷേ​ക്​ പ​ല്ല​വ പ​റ​ഞ്ഞു. കൊ​ല്ല​പ്പെ​ട്ട കാ​മ​റ​മാ​ൻ ഒ​ഡി​ഷ സ്വ​ദേ​ശി​യാ​ണ്. പ്ര​ദേ​ശം പൊ​ലീ​സ്​ വ​ള​ഞ്ഞി​രി​ക്കു​ക​യാ​ണ്.

ഒ​രാ​ഴ്​​ച​ക്കി​ടെ ബ​സ്​​ത​ർ മേ​ഖ​ല​യി​ലു​ണ്ടാ​യ ര​ണ്ടാ​മ​ത്തെ ആ​ക്ര​മ​ണ​മാ​ണി​ത്. ഒ​ക്​​ടോ​ബ​ർ 27ന്​ ​ബി​ജാ​പു​റി​ലു​ണ്ടാ​യ സ്​​ഫോ​ട​ന​ത്തി​ൽ നാ​ലു സി.​ആ​ർ.​പി.​എ​ഫ്​ ജ​വാ​ന്മാ​ർ കൊ​ല്ല​പ്പെ​ട്ടി​രു​ന്നു.