അയോധ്യ: പുനഃപരിശോധന ഹരജി നീക്കം ഇരട്ടത്താപ്പ് -​രവിശങ്കർ

കൊൽക്കത്ത: അയോധ്യ വിധിയിൽ പുനഃപരിശോധന ഹരജി നൽകാനുള്ള മുസ്​ലിം സംഘടനകളുടെ നീക്കത്തെ ഇരട്ടത്താപ്പെന്ന്​ ശ്രീ ശ്രീ രവിശങ്കർ. രാജ്യത്തി​​െൻറ സമ്പദ്​ഘടന ശക്തിപ്പെടുത്താനാണ്​ ഹിന്ദുക്കളും മുസ്​ലിംകളും ഒന്നിച്ചു ശ്രമിക്കേണ്ടതെന്ന​ും അയോധ്യ കേസിൽ സുപ്രീംകോടതി നിയോഗിച്ച മധ്യസ്​ഥ സമിതിയിൽ ഉണ്ടായിര​ുന്ന രവിശങ്കർ പറഞ്ഞു.

‘അയോധ്യ വിധിയിൽ ഞാൻ സന്തുഷ്​ടനാണ്​. ഒരു വശത്ത്​ രാമക്ഷേത്രവും മറു വശത്ത്​ പള്ളിയും പണിയണമെന്നും ഇതിനായി ഇരു വിഭാഗങ്ങളും ഒന്നിച്ചു പ്രവർത്തിക്കണമെന്നും​ 2003 മുതൽ ഞാൻ പറഞ്ഞു തുടങ്ങിയിട്ടുണ്ട്​. തർക്ക സ്​ഥലത്തുതന്നെ പള്ളി പണിയണമെന്ന നിർബന്ധബുദ്ധി അർഥശൂന്യമാണ്​ - ഒരഭിമുഖത്തിൽ രവിശങ്കർ വ്യക്തമാക്കി.

ദീർഘനാളായി നിലനിൽക്കുന്ന തർക്കം പരിഹരിക്കാനിടയാക്കിയ സുപ്രീംകോടതി വിധി പ്രശംസനീയമാണെന്നും അദ്ദേഹം പറഞ്ഞു.