ലഹരി മരുന്ന്​ കേസ്​: ശ്രദ്ധാ കപൂറും സാറ അലി ഖാനും ചോദ്യം ചെയ്യലിന്​ ഹാജരായി

മുംബൈ: ബോളിവുഡ്​ താരം സുശാന്ത്​ സിങ്​ രജ്​പുതി​െൻറ മരണവുമായി ബന്ധപ്പെട്ട മയക്കുമരുന്ന്​ കേസിൽ ചോദ്യം ചെയ്യലിനായി നടിമാരായ ശ്രദ്ധ കപൂറും സാറ അലിഖാനും നാർകോട്ടിക്​സ്​ കൺട്രോൺ ബ്യൂറോക്ക്​ മുമ്പാകെ ഹാജരായി. പതിനൊന്നരയോടെയാണ്​ ശ്രദ്ധ കപൂർ എൻ.സി.ബി ഓഫീസിലെത്തിയത്​. ഒരുമണിയോടെ സാറ അലി ഖാനും ഹാജരായി.

രാവിലെ പത്തുമണിയോടെ നടി ദീപിക പദുകോണും ചോദ്യം ചെയ്യലിനായി എത്തിയിരുന്നു. അന്വേഷണ സംഘം ഇവരെ ചോദ്യം ചെയ്​തുവരികയാണ്​.

ദീപികയും ശ്രദ്ധ കപൂറും മയക്കുമരുന്ന്​ ആവശ്യപ്പെടുന്നതി​ന്‍റെ വാട്ട്​സ് ആപ്പ്​ സന്ദേശങ്ങൾ പുറത്തായിരുന്നു. ഇതി​െൻറ പശ്ചാത്തലത്തിൽ ദീപികയുടെ മാനേജർ കരിഷ്​മ പ്രകാശിനെ കഴിഞ്ഞ ദിവസം എൻ.സി.ബി സംഘം ചോദ്യം ചെയ്​തിരുന്നു.

നടി രാകുൽ പ്രീത്​ സിങ്ങിനെയും എൻ.സി.ബി കഴിഞ്ഞ ദിവസം നാലു മണിക്കൂറോളം ചോദ്യം ചെയ്​തിരുന്നു. ലഹരി മരുന്ന്​ കേസിൽ അറസ്​റ്റിലായ റിയ ചക്രബർത്തിയുടെ ഫോൺ സന്ദേശങ്ങളിൽ നിന്നു ലഭിച്ച വിവരങ്ങളുടെ അടിസ്ഥാനത്തിലാണ്​ നടി രാകുൽ പ്രീതിനെ സംഘം ചോദ്യം ചെയ്തത്​. റിയയുടെ മൊഴിയിലും രാകുൽ പ്രീത്​ സിങ്ങിനെ കുറിച്ചും സാറ അലി ഖാനെ കുറിച്ചും പരാമർശമുണ്ടായിരുന്നു. ഇ​വ​ര്‍ സു​ശാ​ന്തു​മൊ​ത്ത് പു​ണെ​യി​ലെ ഐ​ല​ന്‍​ഡി​ല്‍ നി​ര​വ​ധി ത​വ​ണ സന്ദർശനം നടത്തിയെന്നും വിവരമുണ്ട്​.