കടക്ക്​ മുന്നിൽ മൂത്രം ഒഴിക്കുന്നത്​ വിലക്കിയതിന്​ മെക്കാനിക്കിനെ മദ്യപൻമാർ കാർ കയറ്റി ​കൊന്നു

കാൺപൂർ: കടക്ക്​ മുന്നിൽ മൂത്രമൊഴിക്കുന്നത്​ തടഞ്ഞതിനെ തുടർന്ന്​ മെക്കാനിക്കിനെ കാർ കയറ്റി കൊന്നു. വെള്ളിയാഴ്ച രാത്രി കാൺപൂരിലാണ്​ സംഭവം. ചമൻഗഞ്ചിലെ ഫഹിമബാദ്​ കോളനിയിൽ നിവാസിയായ അഷ്​റഫാണ്​ കൊല്ലപ്പെട്ടത്​. സംഭവം നടക്കു​േമ്പാൾ പ്രതികളായ മൂന്ന്​ പേർ മദ്യലഹരിയിലായിരുന്നു. ​​

വെള്ളിയാഴ്ച രാത്രി 11.30ന്​​ കടയിൽ ജോലി ചെയ്യുകയായിരുന്നു അഷ്​റഫ്​. ആ സമയത്താണ്​ കാറിൽ നിന്ന്​ രണ്ട്​, മൂന്ന്​ പേർ ഇറങ്ങി വന്നത്​. ഇവർ കടക്ക്​ മുന്നിൽ മൂത്രമൊഴിക്കാൻ ഒരുങ്ങുന്നതിനിടെ അഷ്​റഫ്​ തടയാനെത്തി.

അഷ്​റഫിനെ ഭീഷണിപ്പെടുത്തിയ പ്രതികൾ കടയുടമയായ അനുരാഗ്​ കപൂറിനെ വിളിക്കാൻ ആവശ്യപ്പെട്ടു. ഇതിനിടെ സംഭവത്തിന്​ ദൃക്​സാക്ഷിയായ ഒരാൾ പൊലീസിൽ വിവരമറിയിച്ചു. പൊലീസ്​ യശോദ നഗർ ബൈപാസിലുള്ള കാൺപൂർ ഡെവലപ്​മെന്‍റ്​ ഏരിയ മാർക്കറ്റിൽ എത്തിയപ്പോഴേക്കും അഷ്​റഫിന്‍റെ മേൽ വാഹനം കയറ്റി പ്രതികൾ പോയിരുന്നതായി ടൈംസ്​ ഓഫ്​ ഇന്ത്യ റിപ്പോർട്ട്​ ചെയ്​തു.

ഉടമസ്​ഥനായ കപൂർ സംഭവ സ്​ഥലത്തെത്തിയപ്പോ​ഴേക്കും അഷ്​റഫിനെ ആശുപത്രിയിലേക്ക്​ കൊണ്ടുപോയിരുന്നു. ലാലാ ലജ്​പത്​ റായ്​ ആശുപത്രിയിൽ വെച്ചാണ്​ അഷ്​റഫ്​ അന്ത്യശ്വാസം വലിച്ചത്​.

ഇംറാൻ എന്നയാളാണ്​ അഷ്​റഫുമായി വഴക്കുണ്ടക്കിയതെന്ന്​ സി.സി.ടി.വി ദൃശ്യങ്ങൾ പരിശോധിച്ച ശേഷം പൊലീസ്​ വ്യക്തമാക്കി. ഇയാൾക്കൊപ്പമുണ്ടായിരുന്ന രണ്ടുപേരിൽ ഒരാളുടെ പേര്​ രംജിയെന്നാ​െണന്ന്​ കാൺപൂർ സൗത്ത്​ അഡീഷനൽ ഡെപ്യൂട്ടി കമീഷണർ ബസന്ത്​ ലാൽ പറഞ്ഞു. പ്രതികൾക്കെതിരെ കൊലപാതകക്കുറ്റത്തിന്​ കേസെടുത്തു.