മദ്യപിച്ച സ്ത്രീ അമ്മക്കും സഹോദരനും നേരെ വെടിയുതിർത്തു
text_fieldsന്യൂഡൽഹി: മദ്യാസക്തിയിലായിരുന്ന സ്ത്രീ അമ്മക്കും സഹോദരനും നേരെ വെടിയുതിർത്തു. വ്യാഴാഴ്ച അർധ രാത്രിയായിരുന്നു സംഭവം. ഡൽഹിയിലെ ഡിഫൻസ് കോളനിയിൽ താമസിക്കുന്ന 47 വയസ്സുകാരിയായ സംഗീത മദ്യപിച്ച് ലക്ക് കെട്ട് മാതാവിനും സഹോദരനും നേരെ വെടിയുതിർക്കുയായിരുന്നു. ലൈസൻസുള്ള തോക്കാണ് സ്ത്രീ ഉപയോഗിച്ചത്.
മൂവരും തമ്മിൽ സ്വത്ത് ഭാഗം വെക്കുന്നതുമായി ബന്ധെപട്ട വാക്കേറ്റമുണ്ടായിരുന്നതായി പൊലീസ് പറഞ്ഞു. മാതാവ് ഗീതയും സഹോദരൻ ഹരസരണും നിസാര പരിക്കുകളോടുകൂടി ആശുപത്രിയിലാണ്. സംഗീതയെ ചോദ്യം ചെയ്യുന്നതിനായി കസ്റ്റഡിയിലെടുത്ത പൊലീസ് അവരെ മെഡിക്കൽ പരിശോധനക്ക് വിധേയയാക്കി. അക്രമിക്കാനുപയോഗിച്ച തോക്ക് പിടിച്ചെടുക്കുകയും ലൈസൻസ് റദ്ദാക്കുകയും ചെയ്തതായി ഡെപ്യൂട്ടി കമീഷ്ണർ റോമിൽ ബാനിയ പറഞ്ഞു.
അക്രമത്തിന് പിന്നിലെ കാരണം വ്യക്തമല്ലെന്നാണ് പൊലീസ് പറയുന്നത്. സ്വത്ത് വിഭജിക്കുന്നതിൽ വന്ന തർക്കമായിരിക്കാം ഇതിലേക്ക് നയിച്ചതെന്ന അനുമാനമാണ് പൊലീസിനുള്ളത്. ഡോക്ടർമാരുടെ സമ്മതത്തോടുകൂടി ഇരുവരെയും ഉടൻ ചോദ്യം ചെയ്യുമെന്ന് പൊലീസ് ഉദ്യോഗസ്ഥൻ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.