ദു​ബൈ കി​രീ​ടാ​വ​കാ​ശി ശൈ​ഖ്​ ഹം​ദാ​ൻ ഇന്ത്യയിൽ; സുരേഷ് ഗോപിയുടെ നേതൃത്വത്തിൽ സ്വീകരണം

ന്യൂഡൽഹി: ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂമിന്‍റെ ഇ​ന്ത്യ സ​ന്ദ​ർ​ശനം തുടങ്ങി. ര​ണ്ടു​ ദി​വ​സത്തെ ഔ​ദ്യോ​ഗി​ക സ​ന്ദ​ർ​ശ​ന​ത്തി​നെ​ത്തിയ ശൈ​ഖ്​ ഹം​ദാ​നെ കേന്ദ്ര സഹമന്ത്രി സുരേഷ് ഗോപിയുടെ നേതൃത്വത്തിൽ സ്വീകരിച്ചു. ശൈ​ഖ് ഹം​ദാ​നോടുള്ള ബഹുമാനാർഥം അദ്ദേഹത്തിന് ഗാർഡ് ഓഫ് ഹോണർ നൽകി ആദരിച്ചു.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ക്ഷ​ണ​പ്ര​കാ​ര​മാ​ണ്​ ഔ​ദ്യോ​ഗി​ക സ​ന്ദ​ർ​ശ​ന​ത്തി​നാ​യി ശൈ​ഖ് ഹം​ദാ​ൻ ഇ​ന്ത്യ​യി​ലെത്തിയത്. പ്ര​ധാ​ന​മ​ന്ത്രി​യു​ടെ വി​രു​ന്നി​ൽ അ​ദ്ദേ​ഹം പ​ങ്കെ​ടു​ക്കും. കൂ​ടാ​തെ ഇ​ന്ത്യ​ൻ വി​ദേ​ശ​കാ​ര്യ, പ്ര​തി​രോ​ധ മ​ന്ത്രി​മാ​രു​മാ​യി കൂ​ടി​ക്കാ​ഴ്ച ന​ട​ത്തും. ബു​ധ​നാ​ഴ്ച മും​ബൈയും സ​ന്ദ​ർ​ശി​ക്കും. അ​തോ​ടൊ​പ്പം വ്യ​ത്യ​സ്ത മേ​ഖ​ല​ക​ളി​ൽ ഇ​രു രാ​ജ്യ​ങ്ങ​ളും ത​മ്മി​ലു​ള്ള ഉ​ഭ​യ​ക​ക്ഷി സ​ഹ​ക​ര​ണം പ്രോ​ത്സാ​ഹി​പ്പി​ക്കു​ന്ന​തി​നും പ​ങ്കാ​ളി​ത്തം ശ​ക്​​തി​പ്പെ​ടു​ത്തു​ന്ന​തി​നു​മാ​യി ഇ​ന്ത്യ​യി​ലെ മു​തി​ർ​ന്ന ഉ​ദ്യോ​ഗ​സ്ഥ​രു​മാ​യും ശൈ​ഖ്​ ഹം​ദാ​ൻ ച​ർ​ച്ച ന​ട​ത്തും.

ക​ഴി​ഞ്ഞ​ വ​ർ​ഷം യു.​എ.​ഇ പ്ര​സി​ഡ​ന്‍റ്​ ശൈ​ഖ് മു​ഹ​മ്മ​ദ് ബി​ൻ സാ​യി​ദ് ആ​ൽ ന​ഹ്​​യാ​ൻ വൈ​ബ്ര​ന്‍റ്​ ഗു​ജ​റാ​ത്ത് പ​രി​പാ​ടി​യി​ൽ പ​ങ്കെ​ടു​ക്കാ​ൻ ഇ​ന്ത്യ​യി​ലെ​ത്തി​യി​രു​ന്നു. തൊ​ട്ടു​പി​ന്നാ​ലെ ക​ഴി​ഞ്ഞ സെ​പ്റ്റം​ബ​റി​ൽ അ​ബൂ​ദ​ബി കി​രീ​ടാ​വ​കാ​ശി ശൈ​ഖ് ഖാ​ലി​ദ് ബി​ൻ മു​ഹ​മ്മ​ദ് ആ​ൽ ന​ഹ്​​യാ​നും ഇ​ന്ത്യ​യി​ലെ​ത്തി പ്ര​ധാ​ന​മ​ന്ത്രി​യു​മാ​യി കൂ​ടി​ക്കാ​ഴ്ച ന​ട​ത്തി. ഇ​തി​ന്‍റെ തു​ട​ർ​ച്ച​യാ​ണ് ശൈ​ഖ് ഹം​ദാ​ന്‍റെ ഇ​ന്ത്യ സ​ന്ദ​ർ​ശ​നം.

ദു​ബൈ സി​വി​ൽ ഏ​വി​യേ​ഷ​ൻ അ​തോ​റി​റ്റി പ്ര​സി​ഡ​ന്‍റും ദു​ബൈ എ​യ​ർ​പോ​ർ​ട്ട്സ് ചെ​യ​ർ​മാ​നും, എ​മി​റേ​റ്റ്​​സ്​ എ​യ​ർ​ലൈ​ൻ ആ​ൻ​ഡ്​ ഗ്രൂ​പ്​ സി.​ഇ.​ഒ​യും ചെ​യ​ർ​മാ​നു​മാ​യ ശൈ​ഖ്​ അ​ഹ്മ​ദ് ബി​ൻ സ​ഈ​ദ് ആ​ൽ മ​ക്തൂം, കാ​ബി​ന​റ്റ്​ കാ​ര്യ മ​ന്ത്രി മു​ഹ​മ്മ​ദ്​ ബി​ൻ അ​ബ്​​ദു​ല്ല അ​ൽ ഗ​ർ​ഗാ​വി, അ​ന്താ​രാ​ഷ്ട്ര സ​ഹ​ക​ര​ണ സ​ഹ മ​ന്ത്രി റീം ​ബി​ൻ​ത്​ ഇ​ബ്രാ​ഹിം അ​ൽ ഹാ​ഷി​മി, കാ​യി​ക മ​ന്ത്രി ഡോ. ​അ​ഹ്മ​ദ്​ ബ​ൽ​ഹൂ​ൽ അ​ൽ ഫ​ലാ​സി, സാ​മ്പ​ത്തി​ക കാ​ര്യ മ​ന്ത്രി അ​ബ്​​ദു​ല്ല ബി​ൻ തൂ​ക്ക്​ അ​ൽ മ​ർ​റി, വി​ദേ​ശ​കാ​ര്യ സ​ഹ​മ​ന്ത്രി ഡോ. ​താ​നി ബി​ൻ അ​ഹ്മ​ദ്​ അ​ൽ സ​യൂ​ദി, ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്, ഡി​ജി​റ്റ​ൽ ഇ​ക്ക​ണോ​മി, റി​മോ​ട്ട്​ വ​ർ​ക്ക്​ ആ​പ്ലി​ക്കേ​ഷ​ൻ​സ്​​ വ​കു​പ്പ്​ സ​ഹ​മ​ന്ത്രി ഉ​മ​ർ ബി​ൻ സു​ൽ​ത്താ​ൻ അ​ൽ ഉ​ല​മ എ​ന്നി​വ​ര​ട​ങ്ങു​ന്ന ഉ​ന്ന​ത​ത​ല പ്ര​തി​നി​ധി സം​ഘ​വും ശൈ​ഖ്​ ഹം​ദാ​നൊ​പ്പ​മു​ണ്ട്. കൂ​ടാ​തെ നി​ര​വ​ധി ഉ​ന്ന​ത ഉ​ദ്യോ​ഗ​സ്ഥ​രും വ്യ​ത്യ​സ്ത സാ​മ്പ​ത്തി​ക മേ​ഖ​ല​ക​ളെ പ്ര​തി​നി​ധീ​ക​രി​ച്ചു​ള്ള നേ​താ​ക്ക​ളും അ​ദ്ദേ​ഹ​ത്തെ അ​നു​ഗ​മി​ക്കുന്നുണ്ട്.