'മക്കൾ രാഷ്​ട്രീയം' എം.ഡി.എം.കെയിലും; വൈകോയുടെ മകൻ ദുരൈ വയ്യാപുരി എം.ഡി.എം.കെ നേതൃപദവിയിലേക്ക്​

ചെന്നൈ: വൈകോ നയിക്കുന്ന മറുമലർച്ചി ദ്രാവിഡ കഴക(എം.ഡി.എം.കെ)ത്തിലും 'മക്കൾ രാഷ്​ട്രീയം'. എം.ഡി.എം.കെ ആസ്​ഥാന സെക്രട്ടറിയായി വൈകോയുടെ മകൻ ദുരൈ വയ്യാപുരി നിയമിക്കപ്പെട്ടു. ചെന്നൈയിലെ പാർട്ടി ഒാഫിസായ 'തായക'ത്തിൽ ചേർന്ന ജനറൽ കൗൺസിൽ യോഗത്തിൽ നടന്ന രഹസ്യ വോ​െട്ടടുപ്പിൽ 106 പേരിൽ 104 പേർ ദുരൈ വയ്യാപുരിയുടെ നിയമനത്തെ അനുകൂലിച്ചു.

ദുരൈ വയ്യാപുരി ഭാരവാഹിയായത്​ 'മക്കൾ രാഷ്​ട്രീയ'ത്തി​െൻറ ഭാഗമല്ലെന്നും പ്രവർത്തകർ ആഗ്രഹിച്ചതി​െൻറ ഫലമാണെന്നും വൈകോ വിശദീകരിച്ചു. പാർട്ടിയിലെ മുതിർന്ന നേതാക്കളുമായി യോജിച്ച്​ പ്രവർത്തിച്ച്​ സംഘടനയെ ശക്തിപ്പെടുത്തുകയാണ്​ ലക്ഷ്യമെന്ന്​ 49കാരനായ ദുരൈ വയ്യാപുരി അറിയിച്ചു.