വിറ്റുവരവ് 20 കോടിയിലധികമെങ്കിൽ ഇ- ഇൻവോയ്സ് നിർബന്ധം

ന്യൂ​ഡ​ൽ​ഹി: 20 കോ​ടി​ക്ക് മു​ക​ളി​ൽ വി​റ്റു​വ​ര​വു​ള്ള ക​മ്പ​നി​ക​ൾ മ​റ്റ് വ്യാ​പാ​ര സ്ഥാ​പ​ന​ങ്ങ​ളു​മാ​യി ന​ട​ത്തു​ന്ന എ​ല്ലാ ഇ​ട​പാ​ടു​ക​ൾ​ക്കും (ബി2​ബി) ഏ​പ്രി​ൽ ഒ​ന്നു മു​ത​ൽ ഇ​ല​ക്ട്രോ​ണി​ക് ഇ​ൻ​വോ​യ്സ് നി​ർ​ബ​ന്ധ​മാ​യി​രി​ക്കു​മെ​ന്ന് കേ​ന്ദ്ര പ​രോ​ക്ഷ നി​കു​തി ക​സ്റ്റം​സ് ബോ​ർ​ഡ് (സി.​ബി.​ഐ.​സി)​ അ​റി​യി​ച്ചു.

ജി.​എ​സ്.​ടി നി​യ​മ​ത്തി​ന് കീ​ഴി​ൽ വ​രു​ന്ന, 500 കോ​ടി​ക്ക് മു​ക​ളി​ൽ വി​റ്റു​വ​ര​വു​ള്ള ക​മ്പ​നി​ക​ളു​ടെ ബി2​ബി ഇ​ട​പാ​ടു​ക​ൾ​ക്ക് 2020 ഒ​ക്ടോ​ബ​ർ ഒ​ന്നു മു​ത​ൽ ഇ-​ഇ​​ൻ​വോ​യ്സ് നി​ർ​ബ​ന്ധ​മാ​ക്കി​യി​രു​ന്നു. പി​ന്നീ​ട് 2021 ജ​നു​വ​രി ഒ​ന്നു മു​ത​ൽ ഈ ​നി​ബ​ന്ധ​ന 100 കോ​ടി​ക്ക് മു​ക​ളി​ൽ വി​റ്റു​വ​ര​വു​ള്ള​വ​ർ​ക്കും നി​ർ​ബ​ന്ധ​മാ​ക്കി. ശേ​ഷം 2021 ഏ​പ്രി​ൽ മു​ത​ൽ വി​റ്റു​വ​ര​വി​ന്റെ പ​രി​ധി 50 കോ​ടി​യാ​യി കു​റ​ച്ചു. ഇ​താ​ണി​പ്പോ​ൾ വീ​ണ്ടും 20 കോ​ടി​ക്ക് മു​ക​ളി​ൽ വി​റ്റു​വ​ര​വു​ള്ള എ​ല്ലാ ക​മ്പ​നി​ക​ളു​ടെ ഇ​ട​പാ​ടു​ക​ൾ​ക്കും ബാ​ധ​ക​മാ​ക്കി​യി​രി​ക്കു​ന്ന​ത്.

അ​തോ​ടൊ​പ്പം വി​ത​ര​ണ​ക്കാ​ർ​ക്കും ഏ​പ്രി​ൽ ഒ​ന്നു മു​ത​ൽ ഇ-​ഇ​ൻ​വോ​യ്സ് ആ​വ​ശ്യ​മാ​ണെ​ന്ന് സി.​ബി.​സി.​ഐ അ​റി​യി​ച്ചു. ഇ-​ഇ​ൻ​വോ​യ്സ് സ​മ​ർ​പ്പി​ച്ചി​ല്ലെ​ങ്കി​ലും ഇ​ൻ​പു​ട്ട് ക്രെ​ഡി​റ്റ് ടാ​ക്സ് (നി​കു​തി ഇ​ള​വ്) ല​ഭി​ക്കി​ല്ലെ​ന്ന് മാ​ത്ര​മ​ല്ല അ​പേ​ക്ഷ​ക​ൻ പി​ഴ ഒ​ടു​ക്കേ​ണ്ടി​യും വ​രും.