മണിപ്പൂരിലും മഹാരാഷ്​ട്രയിലും ഭൂചലനം

ന്യൂഡൽഹി: മണിപ്പൂരിലെ ഉഖ്രുലിലും മഹാരാഷ്​ട്രയിലെ കോലാപൂരിലും ഭൂചലനം അനുഭവപ്പെട്ടു.

ഉഖ്രുലിൽ ഞായറാഴ്​ച രാവിലെയുണ്ടായ ഭൂചലനം റിക്​ടർ സ്​കെയിലിൽ 4.3 തീവ്രത രേഖപ്പെടുത്തിയതായി നാഷനൽ സെൻറർ ഫോർ സെസിമോളജി അറിയിച്ചു. രാവിലെ 6:56നാണ്​ ഭൂചലനമുണ്ടായത്​. മേയ്​ 15ന് ഉഖ്രുലിൽ​ ഇതേ തീവ്രതയിലുള്ള ഭൂചലനമുണ്ടായിരുന്നു.

കോലാപൂരിൽ ഞായറാഴ്​ച രാവിലെ 09:16നുണ്ടായ ഭൂചലനത്തിന് റിക്​ടർ സ്​കെയിലിൽ​ 3.3 തീവ്രതയാണ്​ രേഖപ്പെടുത്തിയത്​.