ഹൈദരാബാദിന്​ സമീപം ഭൂചലനം

ഹൈദരാബാദ്​: തെലങ്കാനയിലെ ഹൈദരാബാദിനും സമീപ പ്രദേശങ്ങളിലുമായി ഭൂചലനം അനുഭവപ്പെട്ടു. തിങ്കളാഴ്ച പുലർച്ചെയാണ്​ റിക്​ടർ സ്​കെയിലിൽ 4.0 തീവ്രത രേഖപ്പെടുത്തിയ ഭൂചലനമുണ്ടായത്​.

തിങ്കളാഴ്​ച രാവിലെ അഞ്ചുമണിക്കാണ്​​ ഭൂചലനമുണ്ടായതെന്ന്​ നാഷനൽ സെന്‍റർ ഫോർ സെസിമോളജി അറിയിച്ചു. ഹൈദരാബാദിൽ നിന്ന്​ 156 കിലോമീറ്റർ തെക്ക്​മാറി 10 കിലോമീറ്റർ താഴ്ചയിലാണ്​ പ്രഭവകേന്ദ്രമെന്ന്​ എൻ.സി.എസ്​ അറിയിച്ചു.